Actividades

As mandas da Meca

Mér, 31/01/2024 - 18:50 — ma_rodriguez

Día Escolar da Non Violencia e a Paz

Mar, 30/01/2024 - 19:50 — ma_rodriguez

Hoxe, 30 de xaneiro, celebramos o Día Escolar da Non Violencia e a Paz.

Para conmemoralo, o alumnado escolleu palabras relacionadas coa paz: igualdade, respecto, amor, humildade, tolerancia, amizade... e as definiron coas súas palabras.

Todas estas palabras atópanse no corredor, entrelazadas nunha sopa de letras xigante que resolveremos entre todas e todos.

Celebramos o nadal

Sáb, 23/12/2023 - 18:07 — ma_rodriguez

O xoves 21, último día do trimestre, celebramos a chegada das vacacións do Nadal cunhas actividades moi especiais.

Primeiro, visitounos Papá Noël, cargadiño de caramelos.

Despois, celebramos o sorteo da lotería, presentado pola mestra Ana, o teacher Alberto, e o auxiliar Kai, que se puido ver en rigoroso directo dende todas as aulas.

Por último, fixéronse uns obradoiros de nadal no ximnasio.

Pasámolo moi ben!

Clicando na seguinte imaxe poderedes ver algunhas fotos do que fixemos.

Grazas a todos e todas por participar, e Bo Nadal!!!!

Álbum: Curso 2023-2024 -> Nadal

Obradoiro de Nadal

Lun, 04/12/2023 - 01:00 — Anónimo

Neste 1º trimestre imos realizar na biblioteca un obradoiro creativo con 1º e 2º de Educación Primaria, tendo de apoio o libro "Creactividades de Nadal" de Blanca Millán.

II Feira da Ciencia

Ven, 01/12/2023 - 01:00 — ma_rodriguez

O xoves 30 de novembro, celebramos a II edición da Feira da Ciencia do cole.

Cada aula presentou un experimento relacionado coa cociña. Puidemos ver experimentos relacionados co leite, cos ovos, coa auga, co aceite e, cómo non, coas chuches!

Álbum: Curso 2023-2024 -> II Feira da Ciencia

Manifesto para a eliminación da violencia contra a muller.

Ven, 24/11/2023 - 15:00 — ma_rodriguez

O 24 de novembro, o alumnado de 5º e 6º xuntouse no concello co alumnado do instituto para a lectura dun manifesto pola Eliminación da Violencia contra a Muller.

Álbum: Curso 2023-2024 -> 25 de novembro: manifesto no concello

O CEIP Marquesa do Pazo da Mercé uniuse baixo o lema "LIBRES" polo Día internacional para a eliminación da violencia contra a muller. Cada bolboreta representa un desexo, un dereito ou un obxectivo que dende XA debe esparexerse na sociedade.

Parabéns a tod@s pola participación!!!