CEIP Ortigueira |

Xov, 07/11/2024 - 22:50 — santiago

Este ano, no noso centro, vivimos un Samaín terrorífico! Coa participación de todos, transformamos os corredores e as aulas nun auténtico espazo terrorífico: películas temáticas adaptadas a cada idade, xogos, debuxos e decoracións co toque máis "horroroso" que os nenos e nenas puideron imaxinar.

Ademais, organizamos unha exposición moi especial de cabazas decoradas, onde as familias se implicaron de cheo, colaborando cos pequenos en auténticas obras de arte asustadoras. Agradecemos moito a todos os que participastes, dándolle ao Samaín un aire máxico e cheo de creatividade.

Grazas por facer que este Samaín fose tan especial!

blogue de santiago

n/d

MAGOSTO 2024

Collage de Fotos Vacaciones Entorno Rural Doodle Fotográfico Blanco y Verde de Alba

O GRANDE BEETHOVEN

O venres 25 de outubro o alumnado de 3º, 4º, 5º e 6º de Educación Primaria estivo

no auditorio de Galicia, en Santiago de Compostela, para desfrutar do concerto

didáctico “El Grande Beethoven” que ofreceu a Real Filharmonía de Galicia. Gracias

a espectáculo, os nenos/as coñeceron un pouquiño máis a vida e obra de Ludwig van

Beethoven.

Post de Instagram Día Mundial del teatro Ilustrativo sencillo Rojo y negro de Alba

Pasabodeghiñas 2024

O venres 25 de outubro o alumnado de Educación Infantil e de 1º e 2º de Educación

Primaria estivo no Pasabodeghiñas, que este ano tiña como centro de interese “O

río das letras”.

Durante esta xornada visitamos 3 adegas con exposicións creadas polo alumnado

do CRA Boqueixón-Vedra, CPI Plurilingüe de Vedra e CEIP Ortigueira.

Concretamente, o noso alumnado de 5º e 6º de Educación Primaria foi o encargado

de crear a exposición sobre o escritor Antonio López Ferreiro. Para crear esta

exposición fixeron diferentes carteis con datos de interese sobre a súa traxectoria e

ata un rap con Intelixencia Artificial.

Ademais, puidemos desfrutar dunha ruta ghaiteira polas adegas e un concerto de

Luís Vallecillos, onde os nenos e nenas dos diferentes colexios compartiron bailes e

risas. Xa para rematar a xornada cun bo sabor de boca, mestres/as e alumnos/as

desfrutamos dun bo magosto.

Pasabodeghiñas de Alba

Unha mañá máxica con títeres na Alameda

O pasado 16 de outubro, o alumnado de Educación Infantil e de 1º e 2º de Primaria tivo a oportunidade de vivir unha mañá especial na Alameda de Santiago de Compostela. Asistimos ao espectáculo de títeres "Unha armadura con ferruxe", unha obra que forma parte da programación do Festival Internacional Galicreques 2024.

O espectáculo encheu de risas e diversión aos nosos pequenos e pequenas, que gozaron dunha historia chea de humor e aventuras. Para poñer o broche final a esta saída, desfrutamos dunha merecida merenda no parque infantil da Alameda, onde seguiron compartindo momentos de ledicia e xogos.

Galicreques_2024 de Alba