Novas de radio

Este xoves 14 de outubro, tivemos por primeira vez na nosa radio, facendo o programa diario, ao alumnado de 3ºA.

A súa estrea foi todo un éxito, falando polos micros cunha veternía, soltura e seguridade propia de profesionais. E para facer este día ainda máis inesquecible, contamos cunha visita moi pero que moi especial, a do PROFE CARLOS. Comprobando que todo funcionaba correctamente, deulle un pouquiño máis de chispa a este recuncho de micros e trebellos varios. O seu paso pola radio, puxo a guinda ao pastel neste día para os nenos e nenas de 3ºA.

Premede na imaxe para ver as fotos

E isto non foi máis que o comezo xa que, este xoves 21 será a quenda de 3ºB, asi que, estade ben atentos ao seu lanzamento nas ondas! Daremos boa conta de todo aquí, na nosa web.

Saudiños!

Hoxe algunhas das nosas compañeiras atópanse en Santiago na entrega de premios do III Certame Escolar Internacional de Podcasts Xosé Mosquera Pérez.

Noraboa a todolos nenos, nenas e mestras que participastes nesta actividade.

Hoxe temos a ledicia de poder compartir con todos e todas vós unha moi boa nova:

o podcast presentado polo noso centro, titulado: "LEMBRANZAS NO CAFÉ SARRIA"

ven de ser elexido como finalista no:

III CERTAME ESCOLAR INTERNACIONAL DE PODCASTS XOSÉ MOSQUERA PÉREZ, “O VELLO DOS CONTOS".

Independentemente de ser ou non os agraciados co premio, é este un bo momento para agradecer a todo o alumnado e profesorado implicado, tanto neste concurso como noutros, o seu bo facer e a colaboración coa nosa Radio Escolar.

Premede na imaxe e teredes a ocasión de escoitar os restantes Podcast finalistas, tando da sección de Primaria coma de Secundaria.