Este luns viñeron ao noso colexio varios membros do Club de Raza “Can de Palleiro” acompañados por Loira unha cadela desta raza que nos causou unha moi grata impresión, polo educada que estaba, así como o seu dono e adestrador Iago. Patricia nos falou de moitas cousas sobre os cans que non sabíamos. Onte aprendemos moitas cousas sobre como comportarnos cos cans, cos que son nosos e cos de outras persoas. Lembráronnos que aínda que os cans están próximos a nós teñen comportamentos diferentes, pois son outra especie, e temo que actuar respectando estas características. Vimos de primeira man o importante que é que os cans estean educados (e os seus donos e donas tamén!). Ademais, aprendemos a coñecer e recoñecer os cans de palleiro, unha raza autóctona de Galicia, e totalmente adaptada ao noso entorno, pois naceu e desenvolveu aquí. E, por suposto, puidémolo pasar moi ben con Loira, que foi moi paciente e cariñosa con todos os rapaces e todas as rapazas. Agradecémoslle de corazón á esta asociación que compartise con nós a súa experiencia e coñecementos. Moitas gracias!
Se queres ver máis imaxes vai ao blog de "O horto de Xixirei" ou preme neste enlace. Tamén podes visitar a páxina web da asociación, premendo no seu nome ao comezo desta entrada ou tamén neste outro enlace.
