Curso 2019-20, Actividades extraescolares, Outras actividades
DÍA DO LIBRO
Con motivo do DÍA DO LIBRO, e aínda que estamos nas nosas casas, o alumnado fixo moitas actividades para celebralo (lectura de contos, marcapáxinas,...).
O alumnado de 5º A deixounos mostra do seu traballo.
A mestra de Infantil, María, contounos o conto "Onde estás caracol?" da editorial OQO.
DÍA DA MULLER
O día 8 de marzo celebrouse o día internacional da muller. No cole realizamos distintas actividades para facer visible e reflexionar sobre este tema.
En 5º de Educación Infantil, recibiron a visita de 2 alumnas de 1º de BAC que lles contaron unha historia e realizaron unhas actividades sobre dito tema.
SAÍDA A LUGO DE ALUMNADO DE 5º
O alumnado de 5º trasladouse a Lugo o día 20 de febreiro para participar no proxecto "Mar interior: un océano de oportunidades no corazón de Galicia", organizado pola Deputación de Lugo en colaboración co Centro Oceanográfico de Vigo, no que se divulga o mundo mariño entre os escolares do interior.
Visita aos Bombeiros
O alumnado de 2º de Educación Primaria, visitou o día 18 de febreiro, o Parque de Bombeiros de Vilalba (Lugo) para coñecer as instalacións, materiais, mobiliario e traballo que realizan. Ademais escoitaron algúns consellos do persoal especializado no caso de que se atopen en situacións difíciles.
Pasárono moi ben. Viñeron convertidos en pequenos voluntarios de bombeiros.
ENTROIDO
 |
Estamos no tempo de Entroido e comezamos a troula. Este ano fixemos unha festa hippie e como tal acude a nosa meca. Nós estamos a pensar e preparar o noso disfrace, pero a mequiña quere que empece xa a festa por iso:
MANDADOS DA MEQUIÑA
Este ano a mequiña tres mandanos vou facer Só vos pido unha cousiña: orixinais tedes que ser!
Cada día ten a súa condición martes, mércores e xoves. Prestade moita atención nenas, nenos e profes.
O martes vai ser un día gracioso Convídovos a que traiades algo no pescozo.
MARTES- MÉRCORES
Sempre andamos apurados todo o tempo con estrés traede mañá algo do revés.
MÉRCORES-XOVES
Pon na cabeza antenas, cornos ou orellas, a ver a que animal de asemellas.
|
DÍA ESCOLAR DA PAZ
O día 30 de xaneiro celebrouse o día escolar da PAZ, con este motivo preparamos varias actividades para reflexionar sobre este tema.
Fixemos un pequeno proxecto “Operación kilo-kilómetro” con todo o alumnado. Tratouse de recoller un kilo de calquera produto non perecedoiro, traelo ao cole e o día 30 levalo, percorrendo un kilómetro ata o Concello, onde cada neno ou nena fixo entrega dos produtos a persoal de Cáritas. A continuación o alumnado colocouse formando o símbolo da Paz e cantou a canción “Apertas que voan” de Paco Nogueira.
Tamén confeccionamos unha pulseira con motivos referidos a este tema, proposta que realizamos os tres centros de Vilalba.
CONTACONTOS
O venres, día 24, achegouse ata o noso cole LETICIA MIRANDA, unha contacontos; para facer o espectáculo "NON + PRINCESAS" baseado en contos sobre igualdade de xénero e a coeducación. Asistiu todo o alumnado en dúas sesións.
NADAL
Celebramos o Nadal con distintas actividades: fixemos un intercambio de postais, que preparamos con entusiasmo na casa con algunha axuda e con materiais case todos de refugallo, tamén fixemos adornos para árbores de nadal do cole que están expostos nos distintos patios, o alumnado de 4º foi contar uns contos ao nenos e nenas de ingantil, 1º e 2º,...
O venres tivemos a actuación musical "Soñando inventei" de María Faltri e Jorge para o alumnado dende Infantil ata 4º e unha "ginkana" para os de 5º e 6º .
Tamén nos visitaron o Apalpador e Papá Noel, que chegaron dende moi lonxe.
DÍA DA DISCAPACIDADE
O día 3 de decembro celebrouse o día da INTERNACIONAL das persoas con DISCAPACIDADE, por este motivo no CEIP "Antonio Insua Bermúdez" realizáronse unha serie de actividades nas que estivemos invitados a participar. Estas actividades leváronse a cabo o xoves, día 5 de decembro e consistiron na realización dun mural entre todos os centros participantes e a interpretación da canción "Ven comigo" de María Fumaça.
