PLAN MELLORA DE BIBLIOTECAS ESCOLARES CURSO 2013-2014

"FERROLEANDO POLOS LENZOS I"

Tras tres cursos traballando con autores, algúns clásicos, e outros actuais e máis próximos, como é o caso do noso padriño, Antón Cortizas; descubrindo nas súas obras os valores que pretenden transmitir e inculcar a quen os lean, o equipo de Dinamización da Biblioteca, pensou, para este curso 2013- 2014 curso, en afondar no coñecemento do noso municipio.

Cremos que este proxecto poderíase desenvolver ao longo de varios cursos, interesándonos cada ano por unha faceta da cultura da nosa cidade.

De aí que lle puxéramos ao proxecto un nome xenérico ao que iremos engadindo o subtítulo que reflicta a temática a traballar.

E por que esta idea? Porque nun mundo globalizado como o actual, o municipio é o lugar máis próximo aos noso alumnado; o lugar onde xogan, experimentan as súas vivencias e fórmanse para ser quen, na idade adulta, de saberse desenvolver noutros lugares do planeta.

Por outra banda o profesorado ve positivo  e necesario dar a coñecer todas a facetas que a cidade de Ferrol pode encerrar, e parécelle útil que sexan transmitidas ao noso alumnado co fin de fomentar, protexer e sentirmos orgullosos dos nosos bens culturais.

Este acercamento ao noso, permitirá a realización de actividades en equipo que fomenten o valor da colaboración e o respecto ás diferenzas; así como traballos de investigación que lles axuden a desenvolverse con máis soltura nos medios técnicos actuais, sen esquecemento do uso dos libros.

Empezaremos por aproximarnos á pintura como fonte de inspiración da creatividade, da expresión plástica, de achegamento á aprendizaxe da luz e o color, da perspectiva, etc. Todo elo relacionado moi estreitamente co mundo da literatura. Na busca de textos que nos aproximen ao mundo do arte, a través da escrita ou da ilustración.

Premer na imaxe para acceder ao proxecto 

GUÍA LECTURA NADAL 2013

GUÍA LECTURA VERÁN 2014