Skip to Content

Blogues

LISTAXE DEFINITIDA DE ADMITIDOS E EXCLUÍDOS PARA O CURSO 20/21

Ven, 26/06/2020 - 10:33 — administrador

Achegamos o listado de alumnos admitidos e excluídos para o curso que vén. 

 

NON ESQUEZAN MATRICULAR AOS ALUMNOS. ESTE TRÁMITE REALIZARASE NA SECRETARÍA DO CENTRO EN HORARIO DE 10:00 A 14:00, ENTRE O 1 E O 10 DE XULLO. 

Para matricular ao alumnado deben traer a seguinte documentación:

 

- impreso de formalización da matrícula (a achegamos como arquivo adxunto)

- dúas fotografías tamaño carné co nome ao dorso.

- unha fotocopia da cartilla sanitaria 

- unha fotocopia da cartilla de saúde infantil onde aparecen as vacinas. 

- anexo de alerta escolar (no caso de ser necesario) (achegámolo como arquivo adxunto) https://www.edu.xunta.gal/portal/node/371

- autorización para a recollida do alumnado

- autorización para participar en actividades complementarias 

- autorización para o tratamento das imaxes

 

NOTA IMPORTANTE:

- ALUMNADO DE PRIMARIA: No caso de ser solicitante de axudas de libros de texto e material escolar deben informarnos para solicitar o traslado do trámite.

- ALUMNADO DE INFANTIL: consulten nesta páxina web as instrución para facer esta solicitude no Concello.

- ANPA: poden consultar no blog da ANPA "A Barxa" información relativa á alta na asociación, ao comedor, etc. http://anpagarciabarbon.org/

 

LIBROS DE TEXTO PARA O CURSO 2020/2021

Lun, 22/06/2020 - 00:30 — administrador

INFORMACIÓN IMPORTANTE

 

- No arquivo adxunto poden consultar o LISTADO DE LIBROS DE TEXTO que van utilizar durante o curso 20/21. 

- O alumnado de 5º de primaria non utilizará libros de texto en formato papel. Este curso foinos concedido o Proxecto E- Dixgal. O obxectivo é que o alumnado utilice no seu día a día libros dixitais. Nos entornos virtuais desenvolverán as actividades diarias programadas por todo o profesorado que lle imparta clases. A consellería dotará ao centro dos equipos informáticos necesarios (netbook) para levar a cabo este proxecto (un equipo para cada alumno/a). A utilización dos ordenadores portátiles, das ferramentas e os contidos instalados nos mesmos é gratuíta para as familias. Comezaremos a implantalo este setembro nos 5º de Educación primaria e para o curso que vén (21/22) incorporarase tamén ao alumnado de 6º de primaria.

- Familias do alumnado que cursará 5º de primaria e que son solicitantes do "Fondo solidario de libros de texto e material escolar":

  • non terán que facer ningún trámite, o centro modificará automáticamente as súas solicitudes, pasando a ser únicamente "axudas de material escolar".

Se necesitan calquera aclaración poden poñerse en contacto co centro, no teléfono 886 111 087 ou a través do correo electrónico: ceip.garcia.barbon@edu.xunta.es

 

AXUDAS DO CONCELLO DE VIGO

Ven, 19/06/2020 - 20:01 — administrador
Informamos ás familias que o prazo para solicitar as axudas escolares municipais para 
- Libros e material escolar do alumando de educación infantil
- comedor (alumando de infantil e primaria)
 
irá do 25 de xuño ao 22 de xullo.
 
Para entregar as solicitudes presencialmente deberán solicitar cita previa, a través de: www.vigo.org ou nos teléfonos 010 ou no 986 810 260. As citas poderán solicitarse a partir do luns día 22 de xuño. 
 
As persoas dadas de alta na CARPETA CIDADÁN do concello poderán tramitala a través dela.

 

As solicitudes  e anexos que se achegan  están preparados para a sua tramitación telemática

 

Último envío de tarefas

Lun, 15/06/2020 - 01:27 — administrador

LISTADOS DE SOLICITUDES CO BAREMO PROVISIONAL

Lun, 08/06/2020 - 09:32 — administrador

Poden descargar as listaxes nas que aparece o Nº de solicitude co baremos que se lle adxudicou. 

Agora ábrese un prazo de 3 tres días para atender reclamacións. Segundo esto poderán achegar no centro os días 9, 10 e 11 a documentación que consideren oportuna.

A listaxe co baremo definitivo publicarase o día 26 de xuño.

Se teñen algunha dúbida poden chamar ao centro, ao teléfono 886 111 087.

Un saúdo

A dirección

AXUDAS MUNICIPAIS CURSO 20/21

Mér, 03/06/2020 - 14:28 — administrador

Informamos ás familias que aínda NON ESTÁ ABERTO o prazo para solicitar as seguintes axudas municipais:

- de libros e material para alumnado de infantil

- de comedor para alumnado de infantil e primaria

Este abrirase cando se publique o extracto da convocatoria, que será ao longo deste mes.

Cando isto ocorra avisarémosvos a través do abalar.

Moito ánimo para todas e todos!

A dirección

Novas da semana do 1 de xuño

Lun, 01/06/2020 - 02:14 — administrador

 

Estimadas familias

1.  Recordámoslles que o prazo para solicitar as Axudas para o alumnado de primaria vai ata o 19 de xuño. Estas solicítanse no centro, con cita previa. Estas axudas poden ser:

- a participación no Fondo Solidario de Libros de texto (alumnos de 3º a 6º de educación primaria)

- axudas para adquirir libros de texto (alumnado de 1º e 2º de primaria)

- axudas para material escolar (para alumnado de 1º a 6º de educación primaria)

 

2. AXUDAS COMEDOR (alumnado de infantil e primaria) e AXUDAS PARA ALUMNADO DE INFANTIL (material e libros de texto). 

O prazo de presentación de solicitudes será de 20 días hábiles, contando desde o seguinte á publicación oficial. As solicitudes presentaranse a través do Rexistro xeral municipal ou por calquera dos medios previstos no Art. 16.4 da Lei 39/2015, do 1 de outubro, do Procedemento Administrativo Común das Administracións Públicas (LPACAP).

 

3. Tarefas para esta semana. Poden descargalas nos adxuntos.

ADMISIÓN ALUMNADO

Mar, 19/05/2020 - 13:12 — administrador

Unha vez rematado o prazo para solicitar praza no noso centro

INFORMAMOS ÁS FAMILIAS QUE É NECESARIO BAREMAR

xa que temos máis solicitudes que prazas dispoñibles.

 

Ábrese agora un prazo para alegar aquela documentación que consideren oportuna. Este prazo vai do 21 ao 26 de maio. Deben chamar ao centro para concertar cita, no 886 111 087.

Poden descargar en "adxuntos" un listado no que aparecen todas as solicitudes presentadas para cada curso. Por protección de datos non poden aparecer publicados os datos persoais na páxina web  polo que aparece unicamente o Nº de solicitude que lles puxemos escrito a bolígrafo.

Se queren ver o listado no que aparecen os datos persoais do solicitante teñen que achegarse ao centro. 

 

Un saúdo

A dirección

Distribuir contido


by Dr. Radut