Hoxe, as nenas e nenos de 3º celebramos co resto do alumnado do centro o noso propio Fin de Ano, do que deixamos un vídeo. Tamén rematamos este ano amosando as postais de Nadal coas que participamos no concurso organizado polo Concello de Carballo. Bo Nadal e ata o 2020!
Xa quedan menos horas para a celebración do noso Nadal Literario. Alba Mato, antiga alumna do centro, e autora do libro Adeus Chupete, fará a presentación do mesmo mañá, na biblioteca do centro, ás 13:00 horas. Ademais, contará o seu conto ó noso alumnado e comezaremos unha nova etapa de Radio Sofán, cunha entrevista radiofónica, que será realizada polo alumnado de 6º curso.
Recordade que podedes disfrutar mañá tamén da nosa Feira Do Libro. Estades tod@s invitados
Esta mañá manifestamos o noso rexeitamento á violencia machista no Día Internacional contra a Violencia de Xénero. O grupo de 3º, xunto co resto do alumnado do centro, cantamos "Que non mo neguen" (As Tanxugueiras), visualizamos e reflexionamos sobre o conto "Artur e Clementina" (maltrato psicolóxico) e recibimos agasallos do concello baixo o lema "Carballo en negro".
As Nacións Unidas celebra o Día Universal do Neno o 20 de novembro, data na que a Asamblea Xeral da ONU aprobou a Declaración dos Dereitos do Neno en 1959. Trinta anos despois logrouse acordar o texto final da Convención sobre os Dereitos do Neno e o seu cumprimento pasou a ser obrigatorio para todos os países que o asinaron. Este ano celebramos, polo tanto, o 30 aniversario da referida convención.
A xornada de hoxe foi de celebracións: o Campionato de Peón e o Magosto. O noso compañeiro Nico Muíño foi o que máis tempo conseguiu bailar o seu peón e representou ao grupo de 3º de Primaria na gran final. Despois degustamos unhas saborosísimas castañas asadas e sobrounos tempo para xogar e bailar. Let's rock!