|
Por mor da obras do centro, acordouse tras diversas xuntanas coa ANPA, Dirección do Colexio, Concello e Consellería, o seguinte:
a)Para garantir o afastamento total do alumnado da obra e dos andamios instalados no centro, acordouse que o alumnado de E. Infantil entrará polo portalón sito na Avenida de Bergantiños, frente á librería Teldy. Ese portalón e patio estarán completamente separados e aillados do patio de primaria por un pechamento o que permitirá a recepción persoal do alumnado polo profesorado de E. infantil e a súa posterior entrega personalizada.
b) O alumnado de E. primaria entrará exclusivamente polo portalón da Avenida de Bergantiños fronte á cafetería Xuventude. Esa entrada e parte do patio ocupará exclusivamente a zona das canchas de baloncesto e estará separada da zona de E. infantil antes nomeada e separada completamente por unha distancia superior aos 100 metros das zonas de andamiaxe máis cercanas á Avenida de Laxe.
c) O patio actual de E. infantil estará completamente pechado durante todo o tempo que estén as obras alí instaladas co que será imposible que ningún alumno/a se poida acercar a él namentras dure a obra evitanbdo así calquera risco.
d) No remate desta período de obra, as andamiaxes trasladaranse a outra metade do centro e pasarán a ocuparse as zonas que queden baleiras, de tal xeito que será imposible que o alumnado estea nunca preto de zonas de andamiaxe e colocación de SATE.
e) O servizo de comedor no comezará en ningún caso antes do día 16 de setembro por mor de garantir a viabillidade axeitada deste servizo con todas as garantias hixénico-sanitarias.
f) O servizo de autobus, tanto na recepción como na entrega do alumnado, tera lugar pola Vila de Ordes, pois todos os portalóns sitos na Vila de Laxe permanecerán pechados e sen acceso para todo persoal alleo á obra.
g)As actuacións no interior do colexio que non estean feitas o día 10 setembro terán lugar sempre a partir das 15,30 da tarde cando xa non existan rapaces no Centro.
h) Extremaranse todas as medidas para garantir que diminuan completamente todo o que poida afectar ao rendemento educativo do alumnado e de xeito moi especial no caso de alumnos con ANEAE. Atendendo á normativa paralizaranse todos os traballos que supoñan ruidos salientables durante a xornada lectiva.
i) A colaboración de todos os membros da comunidade educativa permitirá un desenvolvemento máis áxil e máis seguro de toda esta reforma e permitirá que as incomodidades e riscos sexan moitos máis liviáns.
k) O vindeiro luns, día 09, as 18,00 horas, terá lugar unha xuntanza no Forum cos pais/nais de 4º de E. infantil.
Agradecemos a todos a súa colaboración e transmitimos en nome de todos os estamentos antes citados, que xuntos traballaremos conxuntamente para facer o máis sinxelo posible este período que loxicamente terá algunha incomodidade.
|
