Bo día. Xa están abertos os foros dos cursos virtuais. Para participar neles, leede as instrucións na páxina inicial da Aula e despois... a presentarse (Foro de Presentación) e a participar con ideas, dúbidas, etc (Foro de dúbidas). Cada día, de luns a venres, os foros de cada curso serán atendidos «en directo» por dos mestres e mestras en horario de 10:30 a 12:30 h pola mañán e de 16:30 a 18:30 h pola tarde.

Veña, adiante, "escultores e escultoras"  a participar!

PROGRAMA "ESTUDIO NA CASA"

Ola a todas e a todos. O Equipo docente quere enviarvos unha mensaxe de ánimo, solidaridade e colaboración. A nosa proposta é apoiarvos, a nivel educativo, neste proceso que estamos a vivir.

A nosa AULA VIRTUAL será a plataforma online para seguir avanzando no noso proceso educativo. Tedes aquí os primeiros consellos, retos e actividades para os distintos niveis educativos. Cadaquén debe seguir o seu ritmo pero sempre pensando que é moi conveniente manter un hábito diario. Facede "clic" na casilla correspondente, ao voso nivel educativo, e enlazaredes coa nosa AULA VIRTUAL. Para acceder a ela seguide os consellos que figuran abaixo no documento: "Acceso á Aula Virtual (PDF)". 

Nota importante: As tarefas propostas son recomendacións de traballo educativo e non serán avaliables. Non hai que presionar aos nenos e nenas neste momento de incertidume. Debemos deixar que poidan escoller a tarefa e realizala con calma. A estrutura por días da aula virtual soamente é unha orientación.

 O equipo docente estará preto de vós para axudarvos a través da web 

Fai click na imaxe para acceder ao Titorial de acceso á aula virtual.