Periodo de admisión curso 2024-2025

 TELÉFONO PARA DÚBIDAS: 881880546-881880547

WHATSSAP: 698132476

DATA: 1-20 DE MARZO DE 2024

CÓDIGO DO PROCEDEMENTO: ED550B

ADXUNTOS: SOLICITUDE EN GALEGO E EN CASTELÁN.

PRAZOS PARA TRAMITAR O PROCESO DE ADMISIÓN:

• Publicación das vacantes: antes do 1 de marzo
• Publicación das listaxes provisionais do alumnado admitido e non admitido: o 25 de abril.
• Publicación das listaxes definitivas do alumnado admitido e non admitido: o 15 de maio.
• Prazo para formalizar a matrícula: do 20 ao 30 de xuño.

DOCUMENTACIÓN A ENTREGAR COA SOLICITUDE

• Fotocopia do libro de familia ou fotocopia do DNI do neno/a.
• Convenio regulador ou resolución xudicial de separación ou divorcio, se é o caso.

Poderase solicitar documentación complementaria, no caso de que o número de solicitudes sexa maior que o de prazas vacantes

PRESENTACIÓN DAS SOLICITUDES

https://www.edu.xunta.gal/admisionalumnado/

 1.   Cubrir a solicitude manualmente e presentala asinada presencialmente no centro. No centro educativo entregámosvos a solicitude.

2. Cubrir a solicitude informáticamente e presentala asinada de xeito manual no centro:

Para presentar a solicitude presencialmente no centro deberá seleccionar a opción de menú “Solicitudes --> Reserva/Admisión --> Crear”.  Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

3. Cubrir a solicitude informáticamente e asinala en Sede Electrónica: 

Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar solicitude.
IMPORTANTE: Debe achegar, na Sede Electrónica da Xunta de Galicia, o anexo bis dixitalizado.

NORMATIVA

ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil

DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

ORDE do 26 de maio de 2023 pola que se desenvolve o Decreto 157/2022, do 15 de setembro, e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil.