O pasado martes as nenas e nenos de 1º tivemos unha visita moi especial: achegouse ata o colexio Pere Tobaruela, autor do libro que estivemos a ler durante os últimos meses. Mariña e o balón foi unha lectura que nos resultou moi divertida e serviunos tamén para reflexionar sobre a igualdade e a capacidade que todas as persoas temos para realizar ou participar en calquera actividade que queiramos, tanto se somos nenas coma se somos nenos.

Por iso, tiñamos moitas ganas de coñecer o escritor. Puidemos charlar con el sobre o conto, os seus personaxes, as ideas que quere transmitir...e ademais asinounos os libros que tiñamos.

 Foi un gusto coñecelo!!