Na aula de 5º rematamos o traballo de investigación por equipos de ciencias sobre O Universo. Cada alumno e alumna pensou e escolleu que tema lle atraía máis para profundizar nel e formaron 6 equipos. Recompilamos material sobre o tema entre a biblioteca do centro e as nosas casas e fixemos unha exposición para ter todo a nosa disposición. Saturno, as eclipses, as constelacións, Xúpiter, Marte e Plutón foron as temáticas escollidas. Os traballos foron espectaculares e todos e todas aprendemos moito coas exposicións dos compañeiros e compañeiras, que pasaron uns poucos nervios pero o fixeron fenomenal.