O alumnado de quinto deseñou e creou xogos de mesa para agasallar á aula hospitalaria do CHUF, o Complexo Hospitalario Universitario de Ferrol Arquitecto Marcide.

Fixeron 5 xogos en total, que xa van de camiño ao seu destino co obxectivo de facer que os nenos e nenas hospitalizados poidan ter un momento de lecer e pasar o seu ingreso da forma máis amena posible.

Agardamos de corazón que os nenos e nenas aos que van destinados os desfruten e noten o agarimo que puxo o alumnado de quinto na súa creación. Mirade con que caras de satisfacción nos ensinan as súas creacións:

Bravo, rapazas e rapaces, fantástico traballo!