O 23 de xaneiro é o Día da Escritura a Man. A caligrafía é unha ferramenta fundamental para o desenvolvemento cognitivo e das habilidades motoras, por iso, ademais de empregar os ordenadores a diario, é moi importante seguir incidindo na escritura de toda a vida.

A asociación Writing Instrument Manufacturers decidiu en 1977 homenaxear a caligrafía e escolleuse o 23 de xaneiro como homenaxe ao estadounidense John Hancock, que naceu ese día en 1737 e foi o primeiro en asinar a Declaración de Independencia de Estados Unidos.

Na escola, ademais de traballala a diario, durante a semana do 23 ao 27 de xaneiro quixemos facer fincapé na técnica do Lettering, a arte de debuxar letras bonitas e os nenos e nenas practicárona cuns cadernos e rotuladores especiais.