Onte, martes 28 de marzo, tivemos a sorte de recibir na escola a vsita da escritora Érica Esmorís, autora do libro Quen Salva un Can, que lemos na escola durante este segundo trimestre.

Contounos moitas cousas sobre en que se inspirou para escribir o libro e confesounos que se trata dunha homenaxe á súa cadela Lola e tamén a eses cans abandonados que merecen unha segunda oportunidade de ser queridos por unha familia que os coide e os encha de agarimo.

Falounos tamén sobre as asociacións protectoras de cans, que fan unha labor tan necesaria coidándoos mentres esperan que chegue a súa segunda oportunidade.

Despois, os nenos e nenas puideron facerlle preguntas sobre as personaxes do libro e sobre o desenvolvemento da historia.

Finalmente, asinou os libros ao alumnado.

Moitas grazas pola tú visita, Érica, encantounos coñecerte.