Hai dúas semanas puidemos desfrutar dunha mañá enteira traballando e xogando na biblioteca da escola, porque, ademais de desenvolver as clases de Matemáticas, Lingua e Ciencias, tamén aproveitamos para empregar algúns dos xogos que alí temos dispoñibles. Mirade que ben o pasaron:

Vaia caras tan serias e de desconfianza tiñan aquí xogando a Homes Lobo de Castronegro. Este xogo ten bastante exito tamén entre as rapazas e rapaces de quinto. Desde que xogamos no Samaín, gustoulles tanto, que mo piden a miúdo e, cando xogamos, sempre acabamos rindo ás gargalladas cos seus alegatos de defensa ou coas acusacións que fan, así que creo que o xogo merece unha entrada na que expliquemos a mecánica e amosemos o divertido que é e as posibilidades que ten para desenvolver a expresión oral, a lóxica e a estratexia entre o alumnado.