Nas aulas de educación infantil, seguimos traballando o ciclo da vida dun ovíparo de forma interdisciplinar.
Grazas á incubadora que temos instalada nas aulas de infantil, estamos aprendendo que o proceso de incubación dura 21 días.
Para iso, cada día da semana coloreamos un ovo, así como tamén levamos a conta atrás nun diagrama visual no que se detalla a través de debuxos o proceso embrionario dos pitiños.
Ademais, aproveitamos para traballar estes contidos en inglés, repasando os números, as cores e aprendendo novo léxico.
Seguimos agardando polo nacemento dos nosos pitiños, que con sorte, será na vindeira semana!