Hoxe foi un día moi emotivo, porque despedimos aos alumnos e alumnas de 6º de Primaria. No día de hoxe rematan unha etapa, para comezar outra distinta nas súas vidas académicas.
Un día de sentimentos encontrados, pois despedímonos con agarimo dos nosos queridos alumnos e alumnas de 6º de Primaria. Vós, que enchestes as nosas aulas de risos, aprendizaxes e momentos inesquecibles, comezades agora unha nova travesía chea de retos e oportunidades.
Dende o CEIP A Castellana, queremos dicirvos que sempre levaremos un anaco de vós nos nosos corazóns e que aquí sempre atoparedes un fogar.
Que a sorte vos acompañe nesta nova etapa!