O 25 de novembro celébrase o Día Internacional para a Eliminación da Violencia contra a Muller, coa finalidade de visibilizar a violencia contra as mulleres e nenas a nivel mundial.
Sen dúbida, a violencia machista é unha das principais secuelas da sociedade actual e está nas mans de todos nós erradicala.
A educación sempre é a mellor ferramenta para previr a violencia! Por iso, a educación en valores como a igualdade debe ser fundamental en todas as etapas educativas.
En concreto, a Educación Primaria é unha das principais.
Dende o CEIP A Castellana traballamos dende idades temperás para adquiririr coñecementos que serán piares da personalidade e a formación académica do individuo.
A violencia de xénero é un tema que se debe abordar desde nenos. Por iso, compartimos con todos vos algunha das imaxes das tarefas que fixemos dende o centro educativo.
