Compartimos con todos vos o herbario que fixeron os alumnos e alumnas de 5º e 6º de Educación Primaria.
A importancia do herbario radica en ter representada e sistematizada parte da biodiversidade vexetal.
Abordar a confección dun herbario con nenos supón toda unha aventura para eles. Coñecer o mundo que nos rodea e especialmente a natureza predisponos a amala e respectala.
O herbario, é ademais dunha actividade de observación, recolección, procura de información, de sistematización, debería ser unha ferramenta de conexión coa natureza, na que os máis pequenos e non tan pequenos aprendan a importancia de respectar a nosa contorna natural e non romper o equilibrio que o sustenta.
Esperamos que vos guste!
