Skip to Content

Profesional

AGRADECEMENTO

Ante as numerosas mostras de cariño recibidas con motivo da nosa xubilación, queremos amosarvos a todos (pais e nais, alumnos e alumnas, alcaldesa e corporación municipal, persoal non docente, compañeiras e compañeiros) o noso máis sincero agradecemento.

Grazas pola vosa colaboración, comprensión e compañía durante todos estes anos.

Manuel Otero Pazos e Raquel Rodríguez Losada.

Moita sorte, de corazón.

Todas as despedidas son amargas. A ninguén lle gusta separarse das persoas que quere e moito menos das que se fan querer e isto é o que aos mestres que quedamos no cole nos pasa este ano. Marchan moit@s compañeir@s por diferentes motivos: xubilacións, cambios de destino, supresións... En fin... Só queda dicir adeus e desexarlles moita sorte.

Raquel, Manolo, Ana, Auri, Tona,Luis, moitísima sorte cos novos proxectos. Esperamos que fagades o que fagades e que indo a onde as vosas vidas vos leven sexades moi felices.

 

Moitísimas grazas polo tempo compartido!!!

AGRADECEMENTO DE LUZ MARTÍNEZ VILLAR

Con motivo da miña xubilación e despois de permanecer neste centro durante 30 anos, quero expresar o meu cariño e agradecemento para todos os compoñentes da comunidade educativa ó longo destes anos, a todos os compañeiros/as, ás distintas persoas que no seu momento estiveron relacionados dun xeito ou doutro co centro, tanto cociñeiros/as, colaboradores/as, ós distintos membros do consello escolar nos diferentes cursos escolares, a todos os pais, ANPAS etc. e tamén a todos os alumnos que pasaron polo colexio durante estes 30 anos dos que me sinto como un pequeno punto de partida das súas vidas, alegrándome dos seus triunfos e laiándome nos casos en que a vida non lles foi favorable.

Unha gran aperta para todos.

Luz Martínez Villar.

DESPEDIDA

 


Achégase o final do curso e con el a hora de despedir a dúas compañeiras que se xubilan;para o próximo curso xa non estarán con nós despois de desenvolver o seu labor no CEIP da Barqueira durante moitos anos.


Luz Martínez Villar chegou ao centro no curso 1980-1981. Moitos anos!!!, e todos eles dándoo todo para que as alumnas e alumnos conseguisen avanzar na súa formación, non só intelectual senón tamén persoal.


Puri Pérez Casal, foi a profesora de Pedagoxía Terapeútica durante  11 anos, non son os trinta do caso de Luz pero tamén foron moitos os alumnos que recibiron as súas ensinanzas e que recordarán o seu labor no centro.


Toda a comunidade educativa lles desexa o mellor nesta nova etapa da súa vida.


Tamén queremos ter un recordo para dúas profesoras que cambian de centro: Diana e Patri, as profesoras de música e de educación física. Moita sorte nos novos destinos!


GRAZAS ÁS CATRO  


 

Distribuir contido


by Dr. Radut