O xoves día 31 de maio de 2012 os nenos e nenas de infantil e 1º ciclo de primaria visitamos a Granxa Escola Belelle de Neda. Alí realizamos varios obradoiros:
* Elaboración de pan. Fixemos un boliño de pan moi rico con auga, fariña, sal e fermento.
* Plantación. Plantamos un "guisante" que logo levamos para coidar na casa.
* Aves. Vimos ovos de parrulos e outros moi grandes, de avestruz. Tamén vimos pitiños, unha oca e botamos pan aos parrulos.
* Mamíferos. Ademais dos dous cans que nos recibiron ao chegar había canguros, a vaca, o dromedario Pipo, o burro, cabras, coellos, porcos e monos. A algúns démoslles de comer.
* Coidado dos ponis. Había dous ponis, Fleki e León. A León estivémolo cepillando.
* Paseo nos ponis. Todos montamos no poni Fleki e demos un pequeno paseo
Quedamos con moitas ganas de volver outro día!!!
Se premedes na imaxe que vai a continuación poderedes ver máis fotos deste día.
