A segunda actividade de animación á lectura o luns 15 de maio. foi a cargo dunha contacontos en galego pola semana das Letras Galegas. Ademáis traballamos ao autor homenaxeado: Francico Fernández del Riego, a nivel aula, onde realizamos actividades propostas na web do Seminario Galán.
O venres 5 de maio fixemos unha saída á Coruña para participar no "CORRELINGUA", logo de facer unha andaina dende o Estadio de Riazor á Torre de Hércules, alí xuntamonos varios Centros de ensino de A Coruña e da provincia; onde reivindicamos falar e defender a nosa lingua, lemos varios manifestos, escoitamos tamén á alcaldesa da cidade, que facía entrega dos premios á mellor animación e á mellor "pancarta". Ao final rematamos cun concerto dunha agrupación que cantaba en galego.
Despois de facer unha pausa para xantar nun dos parques ao pé da Torre, fomos visitar a casa do peixes ao Aquario Finisterrae.
A volta das vacacións de Semana Santa tivemos uns cursos de iniciación ao Surf para todo o alumnado do Centro, onde Gabi e David, da escola de Surf de Camariñas ensináronos a facer surf a todo o Centro alumnado e profesorado. Fixérono fenomenal e foi unha experiencia fantástica. Tomamos contacto coa natureza, ensináronos a coidar as nosas costas, e o mar. Tamén a ter seguridade á hora de facer este deporte.
Finalmente, convocamos ao "Deus" das ondase a verdade é que nos fixo caso, viñeron e... pasámolo pipa!
O pasado venres 10 de marzo, fixemos unha excursión a Santiago de Compostela onde visitamos unha exposición na Cidade da Cultura, saltamos nas camas elásticas do MEGA JUMP nas Fontiñas e para rematar o día visitamos o Pórtico da Gloria na Catedral de Santiago.
O pasado 8 de marzo celebramos o Día Internacional da Muller con un mural conxunto e unha andaina, que por mor do mal tempo quedou pendente de celebrar de cara ao final de curso.
O venres día 24 de febreiro celebramos o Día de Rosalía facendo un vídeo coa técnica de "Croma". O alumnado recitou varios dos seus poemas e interpretamos dúas cancións do disco de Uxía: "Rosalía pequeniña"