O xoves 30 de xaneiro 2020 celebramos o Día da Paz na nosa escola.

Por mor do tempo o alumnado de infantil non puido achegarse ao centro de primaria pero aínda así se xuntaron para cantar e celebrar.

O alumnado de primaria reuniuse no ximnasio.

Para empezar este acto cada grupo recitou, cantou e dramatizou os versos da canción que fora escollida nas aula.

Despois cantamos unha canción en inglés que da a benvida ás persoas doutras razas, cores ou nacionalidades "Welcome home" do neocelandés Dave Dobbyn. 

 A continuación entregamos o premio ao gañador do concurso "Debuxa un selo da túa localidade". Lembramos que foi unha actividade realizada en colaboración co FESOFI  durante o primeiro trimestre.

O agasallado, CRISTIAN ABAL JUNCAL de 5ºA, recibiu, coa imaxe do seu debuxo, un pliego con selos de curso legal e unha postal, ademais de varios selos exclusivos para a súa colección.

 Os tres finalistas de cada clase tamén recibiron unha postal co seu debuxo e un selo exclusivo para coleccionar.

Para rematar entonamos e bailamos un canto de amizade e paz coa "CANTARELA DOS NENOS"  de Xosé Neira Vilas.  

Xa estamos en xaneiro e o alumnado de 5º de primaria, en Ciencias Sociais estamos traballando o Clima. Vemos conceptos que xa traballamos nos temas anteriores como ecuador, paralelos, movementos da Terra, hemisferios,... e outros que tamén coñeciamos polo traballo realizado na nosa meteoescola coma os aparatos que se utilizan para medir as precipitacións, a temperatura, a humidade, a presión do aire e a velocidade do vento. A todo isto engadimos coñecementos novos coma os factores que modifican o clima. Con todo isto buscamos datos do clima de dúas provincias galegas, Pontevedra por ser a nosa e estar na costa e Ourense por ser unha provincia de interior. Con estes datos elaboramos dous climogramas para ver as diferenzas do mesmo clima pero un coa influenza do mar e o outro non.

Os alumnos de 3º volvemos ao laboratorio a semana pasada para realizar un experimento moi curioso co que descubrimos canta graxa se agocha nos alimentos que consumimos.

O experimento consistía en frotar diferentes alimentos sobre un papel:  arandos, mandarinas, galletas, queixo e chourizo. Despois esperamos un anaco para que secase a auga que soltaran, miramos o papel a contraluz e... aí estaba!

Descubrimos que as froitas non deixaron marca no papel porque non tiñan nada de graxa, as galletas deixaron un pouco de marca e os embutidos deixaron un bo rastro. Sorprendeunos comprobar que o alimento que máis graxa tiña era o queixo. Agora xa estamos un pouco máis informados para manter unha dieta equilibrada.

E xa que estabamos no laboratorio, aproveitamos para coñecer un pouco máis sobre as nosas pegadas dactilares. Todos nos emborronamos os dedos de tinta negra para deixar as nosas pegadas sobre un papel e comparalas. Foi como ser detectives por un día!

O alumnado de cuarto, recibimos o pasado venres, 23 de xaneiro, a visita de Carlos, pai de Carla Martínez, alumnade 4ºA.

Neste nivel atopámonos inmersos dentro dun proxecto sobre actividades produtivas e Carlos veunos explicar en que consistía o seu traballo. Gustounos moito, pero o que máis nos chamou a atención foi o que nos contou sobre a gran cantidade de lixo que se atopa polo mar. Dixo que a maior oparte atópase no fondo do mar, onde a simple vista non se pode ver. Nos aparellos de pesca aparecen obxectos tan inimaxinables como esta antiquísima lavadora que aparece na imaxe:

O que máis nos anoxou foi o que nos contou sobre as VERTEDURAS que as dragas fan entre as illas de Ons e Sálvora, no espazo protexido do PARQUE NATURAL DAS ILLAS ATLÁNTICAS.

O pai de Carla explicounos que cada certo tempo os peiraos de cidades e vilas como Vigo, Marín, Vilagarcía e Bueu, limpan os fondos de fango e lixo. Para iso utilizan uns barcos, as dragas, que rastrillan os fondos e recollen toda a porquería. Ata aí todo é entendible. O que non nos cabe na cabeza e Carlos denuncia é que se van verter neste espazo.

Co seu radar foi quen de medir a gran montaña de lixo. Para que nos fagamos unha idea a superficie equivale a máis de 100 campos de fútbol e a altura dunha das montaña poderíase equiparar á  dun edificio de 6 pisos.

A verdade é que foi unha charla interesantísima. Aprendimos moitísimo e lle estamos moi, pero que moi agradecidas e agradecidos a este xentil papá.

O alumnado de sexto de primaria recibiu unha charla moi enriquecedora.

Raquel e Sergio, psicóloga e alumno do centro Juan XXIII de Pontevedra, ensináronnos moitas cousas sobre as persoas con discapacidade e desmentiron tamén moitos mitos sobre elas.

A través de diversas explicacións con apoio visual e grazas á experiencia persoal de Sergio, fixéronnos a todos reflexionar e cambiar a nosa forma de ver a discapacidade.

Agora, agardamos ansiosos o noso próximo encontro, que será desta vez, no seu centro en Pontevedra.

O alumnado de 3º de primaria acudiu á estación meteorolóxica en quendas durante un mes para anotar os rexistros de cada día. 
Por outra banda, dentro do proxecto sobre As paisaxes do mundo manexaron diferentes mapas, o que deu a oportunidade de falar sobre diferentes climas. Tamén investigaron sobre os climas de Galicia, do Gran Canón do Colorado, da selva amazónica, de Australia, do sur de Arxentina...

Este mércores os alumnos e alumnas de 3º fixemos unha saída a Vigo. Alí puidemos visitar o MARCO e Naturnova.

A nosa primeira visita foi ao Museo de Arte Contemporánea, onde visitamos a exposición de Eduardo Gruber que leva por título ‘O salón dos espellos’. Alí vimos varios debuxos do artista, algunha escultura e aprendimos o que é un cadáver exquisito. Mesmo nos animamos a inventar pequenas historias inspiradas na súa obra e a facer un nós mesmos un cadáver exquisito combinando os debuxos de varios compañeiros!

Ao rematar no MARCO fomos a Naturnova. Alí visitamos tres salas diferentes: unha sobre o universo, outra sobre os animais e a última sobre reciclaxe. Fixéronnos traballar moito e tivemos que superar unha proba en cada sala para poder conseguir un diploma. A verdade é que se nos deu bastante ben. Como xa traballáramos o universo o trimestre pasado cos proxectos, os nosos guías quedaron sorprendidos da cantidade de cousas que sabíamos sobre ese tema. Na sala sobre os animais vimos animais con realidade aumentada, e tamén fixemos unha viaxe pola nosa ría nun simulador de submarino en 3D.

Por suposto, nun día tan duro tivemos un ratiño para repoñer enerxía e charlar un rato cos compañeiros.

Pasámolo moi ben e estamos desexando que chegue a seguinte saída.

Neste primeiro proxecto de ciencias naturais de 3º puxémoslle o título "O NOSO CORPO". 

A través de vídeos e lecturas fomos pouco a pouco aprendendo todos os aparatos do corpo humano, os seus ósos, músculos, órganos principais, as etapas da vida, os sentidos, articulacións...E así fomos completando o noso mural de aula. Unha das actividade que realizamos foi por equipos nun papel continúo grande, un dos membros púsoxe no chan e debuxaron a súa silueta para posteriormente ir pegando todos os órganos de corpo, que previamente colorearan e recortaran. Tamén nunhas cortolinas debuxamos os diferentes aparatos e con velcro eles podías montar e desmontar as difentes partes cos seus respectivos nomes.

 Na aula de ciencias fomos a facer un experimento sobre OS SENTIDOS, cada equipo ía rotando e pasando por todos os recunhos para ir experimento os diferentes sentidos dunha forma lúdica.

Para repasar estes contidos elaboramos un PLICKERS na aula, na que cada alumno e alumna tiña que contestar as diferentes preguntas sobre o tema.

Na aula de informática repasamos todos estes  contidos cos KAHOOTS, encántanos aprender xogando!

Continuamos coa alimentación, xa que para coidar o noso corpo temos que levar a cabo unha serie de hábitos saudables, entre eles unha dieta equilibrada. Outra actividade que realizaron por equipos foi que cada un encargouse de completar un escalón da pirámide, recortando os alimentos dos folletos de publicidade dos supermercados ata completar a pirámide alimentaria. Outra actividade foi completar a información que faltaba dun texto escoitando un vídeo sobre a pirámide alimentaria. Despois, indagaron para que servían os hidratos de carbono, a fibra, o calcio, as proteínas...buscando exemplos de alimentos na súa alimentación.

Finalmente, elaboraron un menú saudable.

Que divertido é traballar así, estamos aprendendo moito!

Como decía BENJAMIN FRANKLIN:

"Dime y lo olvido,

enséñame y lo recuerdo,

involúcrame y lo aprendo".

Este primeiro trimestre comenzamos cun novo proxecto en ciencias sociais, O UNIVERSO. Como cada inicio de proxecto facemos unha sesión anotando todo o que sabemos sobre o tema escollido e o que queremos indagar sobre el.

Durante meses estivemos investigando a través de lecturas en lingua castelá e lingua galega todos os planetas. Tamén vimos un montón de vídeos sobre cada planeta, anotando as súas características e curiosidades e na biblioteca escoitamos e vimos un pequeno planetario móbil. Por outra banda, na aula de informática en parellas tamén indagamos sobre o planeta que nos tocaba e  realizamos un montón de KAHOOTS sobre o universo para ir repasando a modo de xogo todo o que iamos aprendendo.

Da biblioteca do centro collimos un montón de libros para a nosa aula, tamén o alumnado trouxo libros da súa casa. Así compartimos diversas lecturas e aprendemos un montón de curiosidades.

Con cada lectura traballamos o vocabulario máis importante, aprendemos a subliñar aquela información máis relevante para posteriormente facer preguntas. Desta forma aprendemos a seleccionar os datos.

Para plasmar boa parte do que fomos aprendendo con este proxecto elaboramos un LIBRO DE LAPELAS, titulado O NOSO UNIVERSO.

Así foi o proceso do ben que o pasamos.

Este primeiro trimestre comenzamos cun novo proxecto en ciencias sociais, O UNIVERSO. Como cada inicio de proxecto facemos unha sesión anotando todo o que sabemos sobre o tema escollido e o que queremos indagar sobre el.

Durante meses estivemos investigando a través de lecturas en lingua castelá e lingua galega todos os planetas. Tamén vimos un montón de vídeos sobre cada planeta, anotando as súas características e curiosidades e na biblioteca escoitamos e vimos un pequeno planetario móbil. Por outra banda, na aula de informática en parellas tamén indagamos sobre o planeta que nos tocaba e  realizamos un montón de KAHOOTS sobre o universo para ir repasando a modo de xogo todo o que iamos aprendendo.

Da biblioteca do centro collimos un montón de libros para a nosa aula, tamén o alumnado trouxo libros da súa casa. Así compartimos diversas lecturas e aprendemos un montón de curiosidades.

Con cada lectura traballamos o vocabulario máis importante, aprendemos a subliñar aquela información máis relevante para posteriormente facer preguntas. Desta forma aprendemos a seleccionar os datos.

Para plasmar boa parte do que fomos aprendendo con este proxecto elaboramos un LIBRO DE LAPELAS, titulado O NOSO UNIVERSO.

Así foi o proceso do ben que o pasamos.