Blogues de E. Primaria
Visita de Lucía Novas.
Enviado por Anónimo o Lun, 23/05/2022 - 22:27Para seguir coa conmemoración do DÍA DAS LETRAS GALEGAS e co gallo da celebración do 50 ANIVERSARIO DO CEIP A PEDRA, o pasado xoves 19 de maio, tivemos a grandísima sorte de recibir no noso colexio a visita de Lucía Novas, poetisa bueuesa, que non voltara ao centro, dende que cursou aquí a educación primaria.
Estívonos contando moitísimas cousas de como ela lembraba o seu paso polo cole, o que cambiara. Respondeu ás preguntas do alumnado de 4º A e B, que con entusiasmo prepararon, para averiguar máis sobre a súa experiencia e os seus anos de infancia.
Logo a rapazada tamén lle fixo preguntas sobre a súa obra, que ela respondeu moi amable e risueña. Falounos dos catro libros que ten publicados: "Neve", "Epiderme de Estío", "Cervatos" e "Violetas no asfalto", que recollen poemas moi fermosos, e tivemos a sorte de poder escoitar algúns da súa boca, como agasallo a esta visita tan fantástica.
Foi xenial compartir un mesmo espazo con alguén que xa o fixo hai algúns anos, e relembrar momentos estupendos vividos no lugar onde agora están a desenvolver a súa aprendizaxe as novas xaracións. Sairá de aquí algún poeta ou algunha poetisa? Quen sabe! Tempo ao tempo.
Grazas por todo Lucía Novas, e grazas á nosa rapazada de 4º pola súa activa participación neste rato tan agradable que pasamos.
VISITA DO AVÓ DE DARÍO
Enviado por Ana Cabaleiro o Dom, 22/05/2022 - 12:51 
Este venres 20 de maio, tivemos unha visita moi especial. Darío levaba uns días xa nervioso, por fin viña o seu avó á nosa aula.
Xeso da Creja, explicou que ese era o seu alcume, falou que cando el era neno todos se coñecían polos alcumes. Despois de falar un pouquiño da súa infancia, falamos do tema que estamos a traballar, das plantas.
Contounos todo o que el planta e en que época as planta, a importancia de respectar a Natureza que é moi sabia. Falounos dos diferentes tipos de inxertos que coñece, que el o que máis emprega é o de cuña. Darío sabía moito de todo esto porque ten un gran mestre e encántalle todo o que teña que ver co campo. Xa é un gran agricultor!
Despois Darío e o seu avó foron regar o que plantamos hai unhas semanas.
GRAZAS POR VIR AVÓ!
Puidemos ver a adoración que sente Darío polo seu avó, que bonito é medrar así!
CONMEMORACIÓN DO DÍA DAS LETRAS GALEGAS
Enviado por Anónimo o Mér, 18/05/2022 - 23:45O pasado venres 13 de maio, conmemoramos o DÍA DAS LETRAS GALEGAS, adicado este ano a Florencio Delgado Gurriarán. Estivemos anteriormente participando no concurso do colexio, respondendo a preguntas sobre a súa vida e obra, e facendo outras actividades relacionadas co escritor, ademais de elaborar un mural conxunto co resto do alumnado do centro, no que participamos todos os cursos.
Despois do recreo volvemos a estar xuntos, pero non revoltos: recitamos poemas de Florencio, cantamos a canción do 50 aniversario do colexio, cantamos o himno galego e algúns ata tocaron a frauta. Gozamos moitísimo de estar de novo xuntos celebrando este día tan especial para a nosa lingua.
Feliz Día das Letras Galegas un ano máis!
LETRAS GALEGAS
Enviado por Susi Fernandez o Mér, 18/05/2022 - 07:36
O venres 13 de maio, despois do recreo, xuntámonos no patio cuberto toda primaria para conmemorar cun pequeno acto o día das Letras Galegas, en honor a Florencio DELGADO GURRIARÁN.
O programa foi o seguinte:
1º.- Lectura de poemas de Florencio Delgado Gurriarán
- 1ºA – O río Farelos
- 1ºB e 2º – Muiñada
- 3º e 4º - Choiva
- 5º - Domadora de serpes
- 6º - Salve
Esta foi a actuación de 3º e 4º, recitando a poesía "CHOIVA"
2º. - Canción do 50 aniversario tamén en lingua de signos.
3º.- Alumnado de 5º interpreta “Son do ar” coa frauta.
4º.- Alumnado de 6º interpreta “Ondiñas veñen” coa frauta.
5º.- Himno galego.
ALGUNHAS ACTIVIDADES INTERESANTES QUE CONTINUAMOS REALIZANDO
Enviado por Silvia García o Mar, 17/05/2022 - 00:47
Volvemos coller a testemuña da caixa meteorolóxica. O
cal foi estupendo para traballar o tema dos climas, porque
fixemos a práctica de recoller a información dos elementos
climáticos como: as temperaturas interior e exterior
(máxima e mínima), a cantidade de precipitacións
rexistradas, a presión atmosférica...
Elaboramos climogramas de diferentes lugares de España
e Galicia. Tamén realizamos exposicións de traballos de
búsqueda de información sobre como se forman e que tipos
hai de precipitacións, ventos e nubes.
A finais de marzo, puxémoslle as trampas ás vespas
velutinas:
Por cada cinco litros de auga mesturamos 1kg
de azucre e media pastilla de lévedo, que os/as
rapaces/as foron repartindo en cada botella. Algunhas
destas botellas levámolas á escola de Infantil e Ramón
axudounos a colocalas.
Moitas grazas Ramón!
MIGALLAS TEATRO VISITA O NOSO CENTRO
Enviado por Ana Cabaleiro o Mar, 10/05/2022 - 21:44
Grazas ao concurso de "Búscase talento" que celebrou a Deputación de Pontevedra, un dos nosos alumnos, Goro de 3ºA foi premiado con varios agasallos e un deles foi unha representación teatral para os dous cursos de 3º. Pasamos unha sesión moi divertida con MIGALLAS TEATRO, como sempre fixéronnos gozar dos contos, da música e do galego, porque sempre aprendemos algunha palabra nova, que bonito idioma temos!
Ollade que ben o pasamos!
MOITAS GRAZAS, DEICA OUTRA!
SEMENTAMOS OS DE TERCEIRO
Enviado por Susi Fernandez o Ven, 06/05/2022 - 16:29Hoxe, o alumnado de terceiro sementamos leitugas, tomates e pipas para o proxecto das plantas que estamos a traballar neste trimestre. Tamén puxemos aguacates en auga para que lles crezan as raices e despois plantalos no patio.
Estreamos o carriño con rodas e botámoslle turba, as sementes e compost da composteira do cole. Despois regamos todo e... a esperar a ver se crece todo!!
O proxecto das plantas está a dar moito xogo e aprendemos unha morea de cousas, pasándoo ben!
5 DE MAIO, DÍA MUNDIAL DA HIXIENE DE MANS
Enviado por Macu Rodríguez o Xov, 05/05/2022 - 20:28
Cada 5 maio, celébrase o DÍA MUNDIAL DA HIXIENE DE MANS.
E para celebralo, esta mañá visitáronnos unha chea de enfermeirxs e médicxs do Centro de Saúde.
Ensináronnos varias cuestións moi importantes:
· POR QUE DEBEMOS LAVAR AS MANS?
Porque, ao lavalas, evitamos que entren no noso corpo os xermes, as bacterias, os virus e todos eses bechiños “invisibles” que transmiten enfermidades.
· CANDO DEBEMOS FACELO?
- Despois de ir ao baño.
- Antes de comer.
- Despois de sonar os mocos.
- Despois de tocar un animal.
- Antes e despois de manipular froitas ou hortalizas.
- Despois de xogar coa terra.
- ...
· DURANTE CANTO TEMPO?
O recomendable é facelo, polo menos, durante 30 segundos.
· COMO?
Ensináronnos a seguir 8 pasos, tantos como os tentáculos do noso querido Papirus:
1º Mollar moi ben as mans.
2º Botar xabón.
3º Frotar moi ben as palmas.
4º Logo, os dorsos das mans.
5º A continuación, os dedos.
6º Despois, as unllas.
7º Enxaugar ben as mans con auga abondosa.
8º Secar moi ben as mans cunha toalla de papel e antes de tirar con ela á papeleira, utilizalo para asegurarnos de que a billa da auga queda pechada.
O mellor de todo foi que non só nos explicaron como facelo; senón que puxemos en práctica o que aprenderamos e para iso, manchamos as mans de pintura!!!
RESULTOU IGUAL
DE INTERESANTE QUE DE DIVERTIDO!!!!
ADEMAIS, ERAN TODXS
MOI SIMPÁTICXS E AMABLES!!!
PUXEMOS AS NOSAS MANS
NAS MELLORES MANS!!!
FOI ESTUPENDO!! MOITAS GRAZAS!!!
REVITALÍZATE!!
Enviado por Susi Fernandez o Lun, 25/04/2022 - 17:39Esta mañá indagamos sobre a vida no composteiro! Pero... quen vive aí?
A compostaxe é unha cuestión de conciencia, de fomentar hábitos nos nosos rapaces para que adquiran unha conciencia medio-ambiental e iso dende moi pequenos.
Armados dun pincel, dunha lupa e de microscopios rebuscamos no compost na procura de bichiños escondidos. Algúns eran suficientemente grandes para observalos a simple vista, pero necesitamos o microscopio para ver outros, moi pequeniños e fráxiles. Había que aguzar moito a vista e estar moi atentos a calquera movemento!
Atopamos unha morea de animaliños traballando cada quen á súa maneira para producir o abono tan necesario para as plantas.
Pasámolo pipa no noso rol de científicos!
Botádelle un ollo aos seguintes vídeos:
CELEBRAMOS O DÍA DO LIBRO CON ANXO GONZÁLEZ GUERRA, O AVÓ DE ALDÁN
Enviado por Macu Rodríguez o Dom, 24/04/2022 - 22:35CELEBRAMOS O DÍA MUNDIAL DO LIBRO
CON ANXO GONZÁLEZ GUERRA, O AVÓ DE ALDÁN!!!
E como colofón a un día do máis intenso, tivemos a fortuna de gozar da sabedoría popular da nosa tradición oral da man de Anxo González Guerra.
Que delicia, poder escoitar dunha voz tan tenra e amable as historias antigamente se contaban nas casas a carón da lareira!!
Contounos tres fermosos contos nos que os seus personaxes vivían acontecementos da vida cotiá que transmitían con claridade importantes reflexións que perfectamente nos valen hoxe en día:
· O valor da independencia que nos dá a lectura, que nos permite buscar información cando o necesitemos.
· A importancia dicir a verdade cando se conta algo e non crear falsas noticias.
· O valor de cumprir a palabra dada, porque para relacionarnos con outras persoas é necesario que confíen en nós.
QUE SORTE, TER UN AVÓ QUE CONTA HISTORIAS TAN SABIAS, CON TANTA MESTRÍA E DELICADEZA QUE RESULTAN DOADAS DE COMPRENDER!!
QUE SORTE TEMOS!!!!
Ah!! Admais, agasallounos cunha tarxeta do “LUAR” (o programa da TVG dos venres pola noite) dedicada!!! E díxonos que o venres da semana que vén, cando vaia contar contos ao programa, vaille dicir a GALLOSO, o presentador, que envíe un saúdo para a rapazada do colexio da Pedra!!!
MOITAS GRAZAS, DE CORAZÓN,
FOI UN ENORME PRACER CELEBRAR ASÍ O DÍA MUNDIAL DO LIBRO!!
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »
