Hoxe viñeron de "Ponte a zero" a falarnos da limpeza ecolóxica para o fogar. Explicáronos como ler o etiquetado dos produtos de limpeza domésticos, e das alternativas máis respectuosas co noso medio. Sabiades que o vinagre é un excelente limpador? E que a lavanda é un anticouza formidable?

O máis divertido foi a elaboración do xabón. Dentro dunhas semanas coñeceremos o resultado!

Hoxe na escola celebramos o DÍA DA PAZ.

O alumnado de 2º colaboramos redactando dúas pequenas estrofas que despois recitamos diante do resto da escola e cuns personaxes para o mural UNIDXS POLO DEPORTE!

2ºA

Co deporte aprendemos a convivir en paz,

a facer amigos e non inimigos

a divertirnos xogando limpo

e a non rexeitar a ninguén.

2ºB

O deporte ensínanos a esforzarnos,

a saber perder e gañar,

a traballar en equipo

e que todos e todas podemos participar.

Ademais, saímos a cantar ao patio as cancións elixidas para este día, en inglés e en galego... e recibimos a sorpresa da visita de Olaia, unha das Tanxugueiras, que veu cantar canda nós para ver se entre todos e todas conseguimos a Paz.

Desexamos que chegue cedo a Paz a todos os rincóns do mundo!

Para rematar o proxecto do primeiro trimestre sobre o universo, a rapazada de terceiro buscamos por equipos curiosidades sobre o tema e fomos á radio para gravarnos.

A experiencia foi incrible! Escoitádenos a continuación.

Aquí tendes o Festival de Nadal celebrado nos últimos días de clase. Despois do traballo musical de todo o trimestre, este foi o resultado final. Grazas á profe Elsa pola organización, e ás demais persoas que participaron.

Agardamos que vos guste!!!