Blogues de E. Primaria
8 DE MARZO - DÍA DA MULLER
Enviado por Ainhoa Suarez o Mér, 08/03/2023 - 19:21Hoxe foi un día moi especial… como cada ano, dende o noso centro celebramos o día da muller.
Comezamos explicándolle ao alumnado a importancia e o por qué de conmemorar este día. Ademais, falamos de mulleres que son importantes nas súas vídas: nais, avoas, mestras… tiñades que escoitar as cousas tan bonitas que dixeron!
Ademais, acudimos ao pavillón de Bueu para realizar a actividade XOGANDO SEN XÉNERO, no marco do noso plan anual de lectura MOITO MÁIS QUE XOGO.
Primeiro, as monitoras explicaron que antes os xoguetes eran para nenos ou para nenas, pero isto a día de hoxe xa non e así, e todos e todas podemos xogar co que queiramos.
Premendo na seguinte imaxe grupal podedes ver un vídeo co ben que o pasamos.
Imos ao teatro a ver a obra "NAUTILUS"
Enviado por Susi Fernandez o Xov, 02/03/2023 - 23:37De primeiras, fomos ver a obra "NAUTILUS".
Nun submarino secreto que percorre os océanos de todo o mundo, lonxe de todo e de todos, o capitán Nemo observa que os arrecifes de coral se converteron en montañas de lixo, os peixes en bolsas de plástico e os prados de posidonia en vertedoiros acuáticos. A vida mariña corre perigo e Nemo propúxoo evitalo, pero non pode facelo só. Por iso contrata ao profesor Aronax, a quen emprenderá unha viaxe de 20.000 leguas submarinas para mostrarlle os segredos dun mundo fascinante ameazado pola contaminación.
Cando saímos do teatro fomos merendar e dar unha camiñata polo río Lérez. Divertímonos todos moito e a mañá pasou voando!
Ollade o seguinte vídeo:
ENTROIDO 2023
Enviado por Marina Lorenzo o Sáb, 18/02/2023 - 01:00Este ano, polo Entroido, os nenos e nenas de 5º de Educación Primaria disfrazámonos de personaxes do Videoxogo "Mario Kart". Cun pouco de imaxinación e cun montón de caixas de cartón fixemos uns Karts rapidísimos e moi chulos para despois pasear ata o cole de Infantil, onde tivemos o festival de entroido con todo o alumnado e profesorado do CEIP Plurilingüe A Pedra.
A continuación deixamos o vídeo que resume este día.
Ata a próxima!
PLANTACIÓN DE ÁRBORES COA FUNDACIÓN JUÁN XXIII
Enviado por Ainhoa Suarez o Ven, 17/02/2023 - 17:54O mércores pasamos unha xornada inesquecible grazas aos mozos e mozas da Fundación Juan XXIII de Pontevedra e ao Concello de Bueu, que nos invitou a participar.
Como sabedes, este curso estivemos traballando dende as ciencias tres proxectos: O UNIVERSO, AS PLANTAS e A METEOROLOXÍA. En relación aos mesmos e como parte final realizamos esta xornada de plantación de árbores que a continuación vos explicamos.
O alumnado do ciclo formativo de xardinería da Fundación foi contratado polo Concello de Bueu para levar a cabo a tarefa en cuestión. Para isto contaron coa nosa colaboración, os cativos e cativas de 3º de primaria.
Comezaron explicándonos a importancia das árbores na ribeira dos ríos, e facéndonos algunhas preguntas sobre o tema que soubemos responder moi ben, amosando o moito que aprendemos ata agora.
Depois, dividímonos en equipos de traballo e distribuímonos ao longo do Río Bispo para plantar acivros, carballos, maceiras, cerdeiras, freixos e sanguiños; árbores que poderemos ver e ensinar con satisfacción sempre que demos un paseo pola zona.
Para rematar, precisabamos repoñer forzas e nos agasallaron cunha merenda máis que merecida!!!
GRAZAS JOSÉ, VERÓNICA E CARME por educar e formar tan ben e pola esquisita sensibilidade que amosades!
AGRADECEMENTO ESPECIAL PARA ÁFRICA, NACHO, JUAN, CARLOS, JOSÉ, ÁNGEL E ANDRÉS, por ensinarnos a plantar con tanto cariño e paciencia.
As profes prometéronnos que apróxima vez iremos nós a Pontevedra a visitaros!
Nos seguintes vídeos podedes ver as fotografías de toda a xornada.
A RECEITA
Enviado por Ana Cabaleiro o Mar, 14/02/2023 - 11:30
Este trimestre seguimos co texto instrutivo, no anterior fixemos o xogo e agora toca a receita.
Despois de realizar na clase en equipos cooperativos varias receitas, chegou a quenda de cociñar. Como sempre, aprender facendo é o máis divertido e motivador!
Ollade que ben o fixeron! Moi bo traballo en equipo, cracks!!! ;)
A RULETA DO UNIVERSO
Enviado por Ainhoa Suarez o Mér, 25/01/2023 - 18:44A semana pasada viñeron visitarnos dúas compañeiras á clase: Mar e Noa. Como sabedes, no primeiro trimestre estivemos traballando o proxecto O UNIVERSO. Con tal motivo, elas idearon un xogo sobre esta temática, en relación ao PAL “MOITO MÁIS QUE XOGO”, e viñeron amosalo para ver se recordábamos algo ou non.
O xogo consistía no seguinte: unha ruleta con distintas preguntas que elas mesmas escribiron en tarxetas de cores. Un representante de cada equipo da aula tiña que ir saíndo para facer unha tirada e responder á pregunta que lle tocara. Se acertaban eles sós gañaban dous puntos para o seu equipo, se o facían con axuda dos compis só un punto, e se ninguén sabía a resposta… quedaban como estaban.
Pasámolo xenial e aprendemos moitas cousas novas!!!
CHARLA SOBRE O UNIVERSO
Enviado por Ainhoa Suarez o Mar, 20/12/2022 - 19:01O pasado luns tivemos a sorte de contar cun dos pais das nosas alumnas, o doutor Héctor Pereiro, que veu darnos unha charla sobre algúns aspectos relacionados co proxecto que estivemos traballando este curso: O UNIVERSO.
Aínda que a súa profesión non ten nada que ver co tema, é todo un fanático do espazo, e sabe moitísimas cousas!
Comezou explicándonos que cando era pequeno, o seu soño era ser astronauta. É por isto que con 17 anos foi de viaxe ao SPACE CAMP da NASA, toda unha experiencia que non dubidou en contar ao alumnado con tódolos detalles.
Ademais, aproveitou para salientar a figura de distintas mulleres astronautas que foron importantes ao longo da historia e que tamén o son na actualidade, coma Julie Payette, Cristina Koch ou Samantha Cristoforetti.
Por último, solventou algunhas cuestións que poden resultar confusas: que é a gravidade? como sae un foguete cara o espazo? de que están feitos os traxes de astronautas?
Aquí podedes ver o contenta que quedou Lola trala visita do seu pai!
UN OUTONO CHEO DE ACTIVIDADE!!!
Enviado por Macu Rodríguez o Lun, 19/12/2022 - 22:36Cada ano, o 23 de setembro CHEGA O OUTONO e como di o poema:
“Os paxaros marchan ,
buscando a calor.
As follas caen
e cambian de cor.
O día é máis curto,
quenta pouco o sol.”
...
E coa nova estación, ao noso cole chega tamén un vendaval de actividades e acontecementos que celebrar!!
Decoramos as aulas e os corredores
Vestimos de outono a árbore da estacións
Organizamos unha exposición de follas que recollemos da natureza
Aprendemos poemas...
Logo, xa avanzado o mes de outubro, o día 17, celebramos o DÍA DAS ESCRITORAS:
Aprendemos poemas compostos por grandes poetas que viviron hai moitos anos, coma Rosalía de Castro e Gloria Fuertes e doutras máis novas, coma Ana Mª Fernández e Violeta Monreal...
Baixamos ao BIBLIOCASTELO e investigamos en equipos para descubrir libros escritos por algunhas destas e doutras coma Fina Casalderrey, Eva Mejuto, Paula Carballeira, Ana Alonso...
O día 24 dese mes celebramos, nada menos, que O ANIVERSARIO DE PAPIRUS!!!! e para festexalo:
Cantamos a CANCIÓN DE PAPIRUS!! Sabiades que ten unha canción ?!!! É chulísima!! Sabedes quen a canta no disco?!! A PROFE MARTA!!! Dá gusto oíla!! Que voz tan fermosa...!!!
Xogamos no BIBLIOCASTELO a interpretar os códigos de letras e números que traen as etiquetas dos libros que alí garda PAPIRUS!!!
Na última semana do mes andamos revolucionadxs!!!!! Todo se torna escuro, é tempo de espíritos, feitizos, bruxas e curuxas porque CHEGA O SAMAÍN!!!
Investigamos sobre a ORIXE CELTA desta festa que os migrantes irlandeses levaron aos Estados Unidos e que desde alí fixeron famosa no mundo enteiro co nome de HALLOWEEN.
Compuxemos unhas “sortes” e decorámolas para formar parte do mural de Samaín do recibidor do cole.
Decoramos CABAZAS para participar na EXPOSICIÓN que todos os anos se organiza no cole. ESTABAN IMPRESIONANTES...!!!
Fomos difrazadxs a clase !!!! Estabamos ghuapísimxsssss!!!
E co mes de NOVEMBRO, chegou outra celebración, O MAGOSTO!!!!
Que ricas as castañas que trouxemos picadiñas da casa e que Ramón e mais Martín asaron para nós!!!!!
Ademais, puidemos baixar a divertirnos cos XOGOS TRADICIONAIS que a ASOCIACIÓN CORREDOIRASnos presta cada ano!!! Non hai nada mellor que pasalo ben cxs amigxs!!!
O martes, 22 de novembro viñéronnos visitar uns representantes da CONSELLERÍA DE PESCA E ALIMENTACIÓN para organizaren un obradoiro sobre ALIMENTACIÓN SAUDABLE.
Entre vídeos e xogos explicáronnos a importancia de incluír o peixe e o marisco na nosa dieta.
Tamén aprendemos que ademais do seu exquisito sabor, estes produtos do mar proporcionan ao noso corpo uns nutrientes de extraordinario valor.
Amosáronnos unha forma diferente e novidosa de consumilos: en latas de conserva e no medio do pan!!! Por iso, o obradoiro se titulaba:
“FAI CLIC AO TEU BOCATA!!!”
Rematamos o mes vestindo o corredor de violeta e celebrando
O 25 DE NOVEMBRO, O DÍA DA NON VIOLENCIA CONTRA AS MULLERES.
Falamos nas aulas e reflexionamos sobre o feito de que
as persoas, independentemente do sexo, nacemos libres e iguais en dereitos e responsabilidades; de modo que debemos ser tratadas por igual.
NINGUÉN TEN DEREITO A DICIRLLE QUE A NINGUNHA NENA
QUE, POLO FEITO DE SELO, NON É LIBRE DE TOMAR AS SÚAS PROPIAS DECISIÓNS E PERSEGUIR OS SEUS SOÑOS, DE SER QUEN ELA QUEIRA SER!!!!
Días despois veu Uxía a facernos unha dramatización de dous contos MARUXA e DANIELA PIRATA. Que fantástica actriz é Uxía!! Pasámolo xenial!!
FOI UNHA EXPERIENCIA IGUAL DE CONCIENCIADORA QUE DE DIVERTIDA!!!
Durante o mes de decembro, decoramos as aulas, o corredor e o recibidor do cole para
CELEBRAR A CHEGADA DO NADAL!!!!
PREME NA IMAXE PARA VER O VÍDEO:
25 DE NOVEMBRO – OBRADOIRO DE IGUALDADE
Enviado por Ainhoa Suarez o Xov, 15/12/2022 - 20:00Esta semana recordamos a importancia do traballado en días anteriores, o 25 de novembro, DÍA CONTRA A VIOLENCIA DE XÉNERO. É por isto que Uxía veu realizar co alumnado de 3º un obradoiro de igualdade.
Comezou explicándolles aos nenos e nenas algúns conceptos que lle resultaban confusos, coma “machismo”, “feminismo”, “igualdade”…
A continuación, interpretou dous contos: “A princesa rebelde” e “Maruxa”. A través deles rompeu con estereotipos machistas que habitualmente aparecen en moitos contos de princesas, e fixo evidente a importancia da repartición das tarefas do fogar entre tódolos membros da familia. Para isto contou coa colaboración dalgúns cativos que se meteron moi ben no papel.
Por último, ensinounos algúns xoguetes que son etiquetados “para nenos” ou “para nenas”, e fixo partícipe ao alumnado para desfacer todos estes pensamentos e que se deran conta de que os xoguetes son simplemente para calquer persoa.
CELEBRAMOS O 25 N
Enviado por Susi Fernandez o Sáb, 03/12/2022 - 13:18Ademáis de traballar nas aulas a importancia de igualdade e de respecto co visionado dalgúns vídeos e actividades, tamén disfrutamos coa actividade deste ano ofertada polo CIM, para a conmemoración do 25 N: uns contacontos sobre roles de xénero, recreados pola actriz Uxía Morán.
CONTACONTOS: ROMPEMOS COS ROLES?
Viaxamos a través de dous contos: MARUXA e A PRINCESA REBELDE por diversos conflictos da sociedade en canto á búsqueda da igualdade de xénero. Percorremos os ideais da muller, dos homes, os roles establecidos pola sociedade, as desigualdades en dereitos e liberdades, as profesións, as diferenzas físicas e as falsas crenzas. Xogamos cos roles muller e home, neno e nena e rompemos co establecido para deixar paso a como nos sentimos e o que queremos ser realmente. Indagamos o que queren facer independientemente do sexo, como se queren vestir independientemente de si naciches neno ou nena, a qué queren xogar, que queren ser de maiores. E sempre buscando o debate e aceptando a diversidade de gustos e opinións, respectando cada unha delas como parte do mundo diverso no que vivimos e convivimos.
XOGO DE ROLES
Aclaramos a definición de rol: papel. Función que alguén ou algo desempeña.
De entrada o primeiro xogo consistiu en colocar as tarxetas segundo “o establecido” dentro de cada silueta (neno, nena). Unha vez feito desfixémolo, esta vez colocando as fichas co obxectivo de “romper cos roles establecidos”.
Despois, xogamos ao mesmo pero en carne e oso. Un a un cada alumno colleu unha prenda ou complemento para vestirse segundo os roles establecidos pola sociedade. Observamos. A continuación refacemos coa intención de “romper cos roles establecidos” e segundo os verdadeiros gustos dxs rapacxs.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
