Para conmemorar o 25 de novembro, o alumnado de 1º decorou a entrada do colexio con lazos morados que representan a melena dunha muller e escribiron dentro do cartel o nome do día que se conmemora: DÍA MUNDIAL DA ELIMINACIÓN DA VIOLENCIA CONTRA A MULLER.

Ademais lemos contos relacionados coa temática, como O LIBRO DOS PORCOS e vimos a película MARUXA.

Esperemos que estes pequenos actos conciencien ao alumnado e sirvan para eliminar definitivamente este tipo de violencia.

Durante este mes de novembro e ao longo de 4 sesións, o alumnado de 5º tivo o privilexio de contar coa presenza de Estefanía, profesional do Equipo de Prevención da Asociación Érguete, que levou a cabo un programa sobre o uso seguro e saudable das novas tecnoloxías.

O obxectivo destas charlas é proporcionarlles aos nenos/as estratexias e ferramentas útiles para axudar a previr e actuar ante os principais riscos asociados ao uso das novas tecnoloxías.

SEN DÚBIDA, FOI UNHA ACTIVIDADE MOI INTERESANTE E CONSTRUCTIVA!! 

O pasado día 22, tivemos na escola un obradoiro chamado FAI CLIC AO TEU BOCATA. Alí aprendemos cousas relacionadas cos animais mariños, diferenciamos peixes de mariscos e observamos como poden medrar algúns destes animais ou como debemos pescalos. Finalmente descubrimos que podemos tomar bocadillos saudables grazas ás conservas de peixes e mariscos, e comprobámolo cun apetitoso bocata de sardiñas, leituga e queixo.... Delicioso!!!

Este ano o alumnado de 5º, para celebrar o DÍA INTERNACIONAL DA ELIMINACIÓN DA VIOLENCIA CONTRA A MULLER, elaboramos un mural cooperativo coas nosas peticións para acabar coa violencia de xénero.

Ademais diso, tamén gozamos dunha actividade ofertada polo CIM. Para iso, contamos coa presenza da actriz Uxía Morán, que nos deleitou cuns divertidos contos sobre roles de xénero: A PRINCESA REBELDE e MARUXA.

A través deles, e cunha magnífica interpretación, Uxía ensinounos a importancia da repartición de tarefas no fogar entre todos os membros da familia.

Grazas Uxía por facernos pasar un bo rato aprendendo!!

O pasado mércores 23 de novembro tivemos unha visita moi especial. Co gallo do noso proxecto anual Moito máis que xogo, Pedro veunos contar como se fan os videoxogos que tanto nos gustan.

Pedro foi exalumno do centro, despois de estudar bacharelato fixo o grao en Arquitectura. Continuou a súa formación na Complutense de Madrid realizando un máster en deseño de videoxogos.

Contounos dunha forma moi dinámica e divertida que para facer un videoxogo hai un traballo cooperativo entre moita xente dos distintos departamentos de arte, deseño, programación e  produción.

Moitas grazas Pedro, foi un placer escoitarte, es un gran comunicador! Parabéns porque se ve que che gusta o que fas!

Por último dicir que ten outro título importante, xa que é o fillo da nosa compañeira Macu. Como podedes ver nesta foto tan divertida Pedro despídese cun bonito sorriso acompañado pola súa nai e a súa parella, Paula Pastoriza, exalumna tamén do noso centro. 

PARABÉNS!

O luns máis próximo ao 15 de outubro celébrase todos os anos o DÍA DAS ESCRITORAS. As nenas e nenos de 5º de Educación Primaria celebramos este día facendo unha busca do tesouro na Biblioteca do cole.

En grupos de 4 ou 5 recibimos seis pistas que tiñamos que seguir para atopar anacos dun puzzle que estaban escondidos por toda a biblioteca. Unha vez con todas as pezas tiñamos que armar o crebacabezas e descubrir unha imaxe e, con esta imaxe, tiñamos que buscar, na estantería dos libros desta conmemoración, o libro do que estaba sacada.

Os libros eran todos de escritoras e ilustradoras e, con esta búsqueda, puidemos coñecelas un pouco máis.

Aquí vos deixamos un vídeo con fotos da actividade. Clicade na imaxe para acceder ao vídeo.

 Feliz día para todas as escritoras!

Para finalizar o proxecto sobre O UNIVERSO, o alumnado de 5º realizou un laborioso traballo de investigación, en equipos cooperativos, sobre OS PLANETAS DO SISTEMA SOLAR.

NORABOA NENOS/AS, FIXÉCHEDES UN MAGNÍFICO TRABALLO!!

Aquí vos deixamos unha mostra das súas exposicións.

Co gallo do “Mes da Ciencia en Galego”, e como parte do proxecto anual do noso centro "Moito máis que xogo", o pasado 23 de novembro tivemos a gran sorte de contar coa presenza de Pedro Meira, exalumno do colexio e experto en creación de videoxogos.

A través dunha charla do máis amena e interesante, os rapaces e rapazas de 5º gozaron dunha xornada repleta de emocións. Aprenderon que o proceso de creación dun videoxogo consta de diferentes partes e nel participan gran cantidade de profesionais: os encargados do deseño, da parte da programación, da parte artística... Ademais, participaron coas súas ideas na creación dun posible videoxogo e déronse conta de que é un longo proceso e require de moitas horas de traballo.

GRAZAS PEDRO, POR ACHEGAR A TECNOLOXÍA E A CIENCIA AO NOSO COLE!!

O último venres de Outubro celebramos no cole o SAMAÍN. Durante os días anteriores xa estiveramos traendo cabazas decoradas coa temática deste curso, o XOGO. Ademais, cada clase creou unha rima terrorífica. Algunhas daban bastante medo...

Para completar esta celebración, puidemos vir disfrazados dos personaxes terroríficos que quixeramos. Foi moi divertido!

Neste mes de novembro, o alumnado de 5º foi o encargado da recollida e rexistro de datos meteorolóxicos na caseta do noso cole.

Como cada ano, somos moi responsables e estritos co rexistro, xa que os datos son utilizados por MeteoGalicia!!

NORABOA RAPACES, MOI BO TRABALLO!!

Aquí vos deixamos algunhas fotos.