Blogues
ILLAS ATLÁNTICAS
Enviado por Susi Fernandez o Lun, 19/02/2024 - 19:54
Hoxe viñeron a traernos as Illas Atlánticas ata as nosas aulas de terceiro.
Comenzaron falándonos da súa situación e dos diferentes tipos de flora e de fauna que se poden atopar nas illas. Despois, xogamos a pescar imaxes de animais e situabámolas segundo onde vivían. Ao final, vimos un vídeo con moitas especies autóctonas no seu hábitat natural.
Encantounos a visita, aprendemos moitísimo xogando!
CHARLA: PARQUE NACIONAL MARÍTIMO TERRESTRES DAS ILLAS ATLÁNTICAS
Enviado por Amalia Omil o Lun, 19/02/2024 - 01:00Esta mañá recibimos a visita de Ana e Framil, para falarnos do PARQUE NACIONAL MARÍTIMO TERRESTRE DAS ILLAS ATLÁNTICAS.
Primeiro explicáronnos que condicións tiña que ter un parque nacional:
· Ten que ser un espazo natural.
· Debe ser grande
· As plantas e os animais son propios do lugar.
· Teñen que estar moi ben conservados . Foron elixidos para ser exemplo.
O parque nacional das Illas Atlánticas están formadas polas seguintes illas :
vIllas Cés
vIllas Ons
vIllas de Sálvora
vIlla de Cortegada
Despois faláronos dos distintos hábitats que atopamos neste parque protexido.
ØPraias e dunas
ØMatogueiras
ØCantís
ØBosques
ØFondos de area
ØFondos de rochas e algas.
Rematamos facendo un xogo.
No seguinte vídeo poderedes ver as fotos deste día.
Mañá de cine!
Enviado por Jose Antonio Malvido o Ven, 16/02/2024 - 00:05Fai uns días o alumnado de sexto tivo unha "mañá de cine"!
Grazas a todas as persoas que participan e fan posible o FIC, puidemos gozar dunhas curtas educativas e que animaban á reflexión social.
CHARLA DO CLUBE CORREDOIRAS
Enviado por Amalia Omil o Xov, 15/02/2024 - 21:49
Dentro das actividades programadas polo proxecto AS OLIMPÍADAS DE PAPIRUS o alumnado de 4º, recibimos a visita de tres membros do clube de Atletismo de Bueu, Corredoiras.
Esta visita foi posible grazas a Luis Becerro, pai da nosa compañeira Lía, que viu acompañado de Manolo Otero, membro fundador do clube e por Ricardo Verde, actual presidente de Corredoiras e ademais concelleiro de deportes do Concello de Bueu.
Manolo empezou falándonos sobre a historia do atletismo. Díxonos que correr, saltar e lanzar eran actividades que realizaba o ser humano dende a prehistoria para cazar e sobrevivir. Falounos tamén das olimpíadas da antigüedade e das modernas.
Tamén nos contou que é un deporte individual e que o deportista compite sempre consigo mesmo, intentando superarse.
Foi despois a quenda do papi de Lía.
Luis foi mostrándonos a través dunha serie de imaxes o que que fan no clube Corredoiras. Organizan competicións como a de Ons, Udra, San Martiño, …
Tamén van, como clube, a carreiras en distintos lugares como Leiro, Vilagarcia, …
Falounos dos valores do deporte:
Tenacidade
Superación
Compañerismo
Esforzo ...
Contounos que practicar o atletismo é moi sacrificado para el e para a súa familia porque se pasa moitas horas adestrando. Pola contra este deporte permitiulle coñecer a moita xente e diferentes lugares.
Gústalle ir ás maratóns e adoita facelo unha vez ao ano.
O maratón de Sevilla rematouno cunha marca de 2 horas e 30 minutos! UNHA MARCAZA!
Mostrounos as zapatillas coas que corre. Puidémolas tocar e comprobar que eran moi lixeiras.
Regaláronnos camisetas, unhas tazas, asinaron autógrafos e sacáronse unha foto con nós. Que mais queremos!
Desta charla motivadora esperamos que saian moitxs deportistas, pois todo o que nos aporta é positivo.
MOITÍSIMAS GRAZAS!
Entroido
Enviado por Susana Simoes o Dom, 11/02/2024 - 11:58Malia o mal tempo, desfrutamos moito preparando o Entroido e na festa que fixemos!
Elaboramos xabón
Enviado por Susana Simoes o Lun, 05/02/2024 - 22:32
Hoxe viñeron de "Ponte a zero" a falarnos da limpeza ecolóxica para o fogar. Explicáronos como ler o etiquetado dos produtos de limpeza domésticos, e das alternativas máis respectuosas co noso medio. Sabiades que o vinagre é un excelente limpador? E que a lavanda é un anticouza formidable?
O máis divertido foi a elaboración do xabón. Dentro dunhas semanas coñeceremos o resultado!
Non hai fronteiras!!
Enviado por Susana Simoes o Lun, 05/02/2024 - 22:02O pasado 30 de xaneiro conmemoramos o Día da paz. Ademais de ler os manifestos de cada clase e cantar todos e todas xuntos, ofi mío emocionante porque coñecemos a Olalla, das Tanxugueiras.
Olalla, garzas por ser tan riquiña con nós!
DÍA DA PAZ
Enviado por Marta Valbuena o Mar, 30/01/2024 - 01:00Hoxe na escola celebramos o DÍA DA PAZ.
O alumnado de 2º colaboramos redactando dúas pequenas estrofas que despois recitamos diante do resto da escola e cuns personaxes para o mural UNIDXS POLO DEPORTE!
2ºA
Co deporte aprendemos a convivir en paz,
a facer amigos e non inimigos
a divertirnos xogando limpo
e a non rexeitar a ninguén.
2ºB
O deporte ensínanos a esforzarnos,
a saber perder e gañar,
a traballar en equipo
e que todos e todas podemos participar.
Ademais, saímos a cantar ao patio as cancións elixidas para este día, en inglés e en galego... e recibimos a sorpresa da visita de Olaia, unha das Tanxugueiras, que veu cantar canda nós para ver se entre todos e todas conseguimos a Paz.
Desexamos que chegue cedo a Paz a todos os rincóns do mundo!
CLUBE ATLÉTICO BALONMÁN
Enviado por Goretti Cordeiro o Ven, 26/01/2024 - 12:46CLUBE ATLÉTICO BALONMÁN
Esta semana tivemos a visita de dous compoñentes do Clube Atlético Balonmán de Bueu, Jota e Marta (unha exalumna do noso cole). Viñeron para amosarnos o deporte que eles practican, o BALONMÁN e convidarnos a probalo no pavillón de Bueu ou no de Beluso. Fomos pasando por cursos polo ximnasio e a verdade é que resultou unha sesión moi divertida. Grazas pola vosa visita e por ensinarnos o que se fai nun adestramento dun dos deportes que podemos practicar na nosa vila.
Visita da Garda Civil!
Enviado por Jose Antonio Malvido o Ven, 26/01/2024 - 00:47Hoxe contamos cunha visita especial. A Garda Civil pasouse polo noso centro para informarnos sobre a importancia de identificar e actuar ante unha situación de acoso.
Dunha forma sinxela, amena e coidada, crearon un espazo de diálogo e aprendizaxe ben interesante.
Moitas grazas polo voso traballo!
- « primeira
- ‹ anterior
- …
- 7
- 8
- 9
- 10
- 11
- 12
- 13
- 14
- 15
- …
- seguinte ›
- última »
![RSS - blogs Distribuir contido](/centros/ceipapedra/misc/feed.png)