En función do momento no que se mide o noso latexo podemos diferenciar varios

tipos de frecuencia cardíaca.

BASAL: Medición do noso latexo antes de levantarnos da cama despois de durmir. Trátase do

                 latexo máis baixo que podemos ter en absoluto reposo.

REPOUSO: Determínase cando estamos tranquilos, en descanso, ben sexa vendo a TV, lendo,

                    sentados, etc.

ESFORZO: Ocorre cando facemos actividade física e esta é superior á que normalmente temos en

                      repouso.

MÁXIMA: Trátase do máximo de pulsacións que podemos acadar facendo algún tipo de actividade

                     física, pero na que non poñemos en risco a nosa saúde.

                    Aínda que existen estudos diversos para calcular  a nosa FC  Máxima, por cuestións de

                    familiarización cos conceptos e por manexar fórmulas máis adaptadas ás idades do     

                    alumnado, conseguiremos saber a nosa FC Máxima coa seguinte  operación.

       

                                                                  220 menos  a idade que temos.