Fomento da lectura

LER CIENCIA NA BIBLIOTECA ESCOLAR on PhotoPeach

A biblioteca do IES Blanco Amor, de Ourense, aproveitou a data do 24 de outubro, Día da Biblioteca, e o cartel editado este curso pola consellería, para estimular a lectura científica entre o seu alumnado e para dar a coñecer á comunidade educativa os recursos informativos que ten á súa disposición. Esta exposición aproveitaba para difundir as posibilidades da biblitoeca escolar, da biblioteca municipal máis próxima así como da biblioteca nodal de Ourense. 

Tamén no IES Torrente Ballester, de Pontevedra organizaron unha exposición de materiais relacionados coas ciencias. Ver AQUÍ

As bibliotecas escolares contemplan nos seus programas algunhas actividades pensadas para implicar ás familias na formación dos nenos e nenas como lectores. As mochilas viaxeiras ou as bolsas destinadas ao alumnado de infantil, e que serven para gardar o libro que collen en préstamo na biblioteca para levar á casa, son dous exemplos destes LIBROS QUE VAN E VEÑEN e que vinculan á biblioteca coa casa, espazos privilexiados para inciar aos máis pequenos na lectura. Editouse un tríptico informativo sobre as distintas posibilidades de colaboración entre a biblioteca e as familias que se envía xunto coas bolsas de "libros que van e veñen". A modo de exemplo:

As bibliotecas poden ofrecer: 

• Un espazo reservado ás familiar: o recuncho dos pais e das nais
• Unha sección de materiais seleccionados segundo os intereses de nais e pais
• Programa de mochilas viaxeiras
• Actividades de lectura compartida
• Acceso a internet
• Recursos lectrónicos seleccionados
• Orientación sobre lecturas
• Guías de lectura, recomendacións de libros, cine, música...
• Club de lectura, faladoiros, tertulias. Cinefórum
• Obradoiros específicos (como ler un conto, como contar un conto...)
• Actividades como "Lemos xuntos" (Sanxenxo), para apoiar os vínculos familia-escola e lectura. 

TRÍPTICO "Libros que van e veñen"

Segundo van cobrando vida, as bibliotecas escolares van creando novos espazos e atopando novas funcións que cubrir. Atender a todos os sectores da comunidade educativa significa poñer atención ás súas necesidades e ás súas formas de relación con  respecto á lectura. Velaquí o novo espazo creado pola biblioteca do CEIP de Andrade (Pontedeume, A Coruña), destinado ao intercambio de libros entre os adultos da súa comunidade e que chamaron acertadamente "Lecturas Compartidas". A disposición das cadeiras chama ao encontro e á conversa, tan necesarios. 

Esta iniciativa súmase a outras anteriores nas que os centros recuperan pequenos espazos como "seccións" da biblioteca especialmente destinadas a pais e nais. En definitiva, trátase de abrir a biblioteca a todos os axentes que interveñen na formación dos pequenos lectores, pero que tamén queren vivir experiencias lectoras persoais e novidosas, en contacto con outros.

+ información 

En breve chegará aos centros o cartel que a Consellería de Cultura, Educación e Ordenación Universitaria edita todo os anos para conmemorar o Día da Biblioteca (24 de outubro) e participar da celebración do mes da biblioteca escolar que propón a IASL (Internatioanl Association of School Librarianship). A biblioteca escolar é unha biblioteca específica e así se recolle na actual Lei de bibliotecas de Galicia, no seu artigo 31. Polos seus obxectivos, polos serivzos que presta á comunidade educativa, polo seu funcionamento, a biblioteca escolar, concebida como un centro de recursos de lectura, información e aprendizaxe, xenera contextos educativos fértiles para a adquisición de competencias clave para o alumnado que medra na sociedade da información e contribúe á adquisición de todas as competencias básicas do currículo. 

O lema elixido para este ano, LER CIENCIA NA BIBLIOTECA ESCOLAR, trata de sensibilizar sobre a importancia da lectura de textos de carácter científico, de textos divulgativos ou de textos literarios que tratan temas relacionados coa ciencia. Todos estes contidos teñen cabida na biblioteca e enriquecen a bagaxe lectora do alumnado. A ilustración é de PATRICIA CASTELAO.

Por outra parte, a incorporación do profesorado dos departamentos de ciencias aos equipos de biblioteca, diversifica as posibilidades de intervención da mesma e favorece o deseño de actividades plurais en contidos e imprescindibles para o desenvolvemento de todas as competencias básicas.

A biblioteca ten na ciencia unha fonte riquísima para realizar propostas de carácter interdisciplinar, que debe aproveitarse para que este tipo de actividades vaia callando en todo o profesorado e facilite realmente o desenvolvemento do currículo en todas as áreas e materias. É unha oportunidade  tamén para avanzar nas estratexias de comprensión lectora de todo tipo de textos, e moi especialmente, un desafío para mellorar as habilidades de uso, selección e produción de información en todos os soportes, moi especialmente os recursos electrónicos. Aprender a valorar a información que se atopa en internet con criterios de credibilidade, veracidade, cientificidade, etc., é imprescindible para o noso alumnado; identificar, por exemplo, a pseudociencia entre a inxente cantidade de contidos audiovisuais que circulan por internet resulta difícil (ás veces incluso para os adultos), pero só a alfabetización mediática e informacional pode dotalos de recursos para poder facelo. 

Cartel

As nenas e os nenos de infantil van encher rúas e corredoiras de cores vivas, as destas pequenas mochilas para gardar o libro que escollen na biblioteca escolar para ler na casa, e cos da casa. "Libros que van e veñen" é unha iniciativa encadrada no programa "Hora de Ler" para o fomento da lectura,  que busca apoiar ao profesorado no seu labor de implicación das familias nas actividades da biblioteca, e no empeño por conseguir que as nenas e os nenos desenvolvan hábitos de lectura.

Destinado ás familias, edítase un tríptico con orientacións e posibilidades de colaboración na casa e na escola, a través das actividades deseñadas pola biblioteca escolar. Este material (bolsas) enviarase aos centros, para o alumnado de ensino infantil, baixo demanda. Os trípticos pódense descargar desde aquí. (enviar solicitudes á Asesoría de bibliotecas escolares no correo habitual). 

A Dirección Xeral de Centros e Recursos Humanos publicaba o pasado 2 de setembro, no Portal Educativo (e no contexto do programa Hora de ler,  para o fomento da lectura en centros de ensino), a convocatoria pola que se incentiva o funcionamento de clubs de lectura en centros de ensino secundario, correspondente ao curso 2013/2014. 

Esta iniciativa vai destinada a aqueles centros que matriculan alumnado de ensino secundario, bacharelato, formación profesional (tanto en réxime ordinario como de persoas adultas), ou ensinanzas de réxime especial. Distribuiranse un total de 165.000€ para custear os gastos derivados da actividade do club, fundamentalmente a adquisición de libros que, posteriormente se incorporan aos fondos da biblioteca escolar. (Na imaxe, un grupo de lectura do IES de Melide). 

O prazo de presentación de solicitudes, segundo o modelo recollido no anexo I da convocatoria, remata o 11 de outubro de 2013. 

TEXTO DA CONVOCATORIA

VI Xornada dos Clubs de Lectura from Bibliotecas Escolares de Galicia on Vimeo.

Marcos Calveiro: "Ler, escribir, amar" from Bibliotecas Escolares de Galicia on Vimeo.

Intervención do escritor Marcos Calveiro como peche da VI Xornada dos Clubs de Lectura, celebrada en Compostela o 31 de maio de 2013. Interesante reflexión sobre a súa formación como lector e a súa actividade de escritor para mozas e mozos, entre outras cuestións sobre a lectura, os libros, as bibliotecas...

Mesa de experiencias: Clubs de lectura e competencias básicas from Bibliotecas Escolares de Galicia on Vimeo.

Mesa de experiencias baixo o título "Participar nun club de lectura serve para adquirir competencias básicas", na VI Xornada dos Clubs de Lectura, celebrada en Compostela o 31 de maio de 2013. Interveñen coordinadores e coordinadoras de clubs de lectura en distintos centros de ensino secundario de Galicia:
- Begoña Valdés, do IES Ramón Otero Pedrayo, de A Coruña.
- Julio Abalde, do IES Ribeira do Louro, de O Porriño (Pontevedra).
- Almudena Platero, do IES Xesús Ferro Couselo, de Ourense.
- Delio Chao, do CPI Luís Díaz Moreno, de Baralla (Lugo).

Achégase o verán e as bibliotecas escolares galegas publican as súas recomendacións de lecturas, cine, música ou enlaces de interese, que serven de orientación aos distintos membros da comunidade educativa para manter o hábito da lectura de amplo espectro durante as vacacións:

• Bibliotecas escolares, municipais de Cambre, en colaboración : Un libro sempre tamén no verán. 
• Bibliotecas escolares,municipais e librerías de Monforte de Lemos, Sober, Pobra de Brollón, O Saviñao e Bóveda, en colaboración: Lemos? 1 -- Lemos? 2
• Bibliotecas escolares de Porto do Son, en colaboración coa Biblitoeca Pública Municipal (Porto do Son, A Coruña)
  
• Bibliotecas escolares e municipales de Redondela (Pontevedra): Lecturas ao sol e á sombra
• Bibliotecas PLAMBE do Concello de O Porriño (IES Pino Manso, IES Ribeira do Louro, CEIP Antonio Palacios e CPI da Ribeira): Guía de lecturas para o verán.
• CEIP ADR Castelao (Rianxo, A Coruña), en colaboración coa BPM de Rianxo: Guía de lecturas para o verán 2013
• CEIP Agolada (Agolada, Pontevedra): Guía de verán 2013
• CEIP A Maía (Bertamiráns, A Coruña): Guía de lecturas para o verán
• CEIP A Ramallosa (Teo, A Coruña): Navega por un mar de libros
  
• CEIP A Sangriña (A Guarda, Pontevedra): No verán, libros... tamén lerás
  
• CEIP Couceiro Freijomil (Pontedeume, A Coruña): Bo verán... con libros!
• CEIP de Cespón (Boiro, A Coruña): Falares (pax. 81-82)
• CEIP do Castrillón - Coiro (Cangas, Pontevedra): Feliz verán de lecturas
• CEIP Eduardo Pondal (Vigo, Pontevedra): Para medrar este verán, un libro terás a man.
• CEIP de Aguiño (Ribeira, A Coruña): Lecturas recomendadas veran 2013
• CEIP Emilia Pardo Bazán (A Coruña): Lecturas de verán 1 -- Lecturas de verán 2
  
• CEIP de Esteiro (Ferrol, A Coruña): Recomendacións para o verán
• CEIP de Palmeira (Ribeira, A Coruña): Verán 2013
  
• CEIP de Pazos (Ferrol, A Coruña): Hora de ler!
• CEIP de Pedrouzos (Brion, A Coruña): Ler para viaxar, viaxar para ler.
  
• CEIP de Cervo (Cervo, Lugo): Lecturas de verán 2013
• CEIP de Leirado (Salvaterra de Miño, Pontevedra): Déixate sorprender...
  
• CEIP de Rubiáns (Vilagarcía de Arousa, Pontevedra): A arte de ler
• CEIP Escultor Acuña (Vigo, Pontevedra): Boletín do lector. Verán 2013
• CEIP Figueroa, CEIP O Foxo, CEIP Plurilingüe Oca (A Estrada, Pontevedra) e CEIP NosaSeñora das Dores(Forcarei, Pontevedra). Guía de lecturas conxunta
• CEIP Isaac Peral (Ferrol, A Coruña): Guía de lectura, verán 2013
• CEIP Julio Gurriarán (O Barco, Ourense): Recomendacións para o verán
  
• CEIP Milladooiro (Malpica, A Coruña): Querido papá
• CEIP O Ramo (Fene, A Coruña) : Recomendados verán
• CEIP Pedro Caselles Rollán (Xove, Lugo): Deliciosas suxerencias para o verán... e bo apetito literario!
• CEIP Pintor Laxeiro (Vigo, Pontevedra): Guía Verán Infantil -- 1º Ciclo - 2º Ciclo - 3º Ciclo
• CEIP Plurilingüe A Pedra(Bueu, Pontevedra): Guía de lecturas refrescantes
  
• CEIP Plurilingüe de Andrade Andrade (Pontedeume, A coruña): As cores do verán Prelectores -- Primeiros lectores -- Lectores autónomos
• CEIP Plurilingüe de Louro (Muros, A Coruña): Lecturas para o verán
• CEIP Plurilingüe Vista Alegre (Burela, Lugo): Recomendación de lecturas para o verán
  
• CEIP Saco e Arce (Toén, Ourense): No verán, non pases de ler... 
• CEIP Santiago Apóstolo (Franza-Mugardos, A Coruña): INFANTIL -- PRIMARIA
• CEIP Terra Cha (Román-Vilalba, Lugo): Recomendacións para o verán 29013
  
• CEIP Vales Villamarín (Betanzos, A Coruña): Ler ao sol... ou á sombra
  
• CEIP Víctor Sáenz (Mazaricos, A Coruña): Guía de lectura verán 2013
• CEIP Virxe do Carme (Burela, Lugo): Lecturas para o verán
• CEIP Vistahermosa (Ourense): Cantamos, bailamos, lemos
• CEIP Xesús Golmar (Lalín, Pontevedra): Ler no verán preto do mar...
  
• CEP Xosé María Brea Segade (Taragoña-Rianxo, a Coruña): Libros como a area
• CPI Covaterreña (Baiona, Pontevedra): Guía de lectura verán 2013
  
• CPI de San Sadurniño (San Sadurniño, A Coruña): Tolos pola ciencia -- Suxestións de lectura para o verán
• CPI Vicente Otero Valcárcel (Carral, A Coruña): Recomendacións de lectura na voz do alumnado (vídeos)
• EEI Barrionovo (Arteixo, A Coruña): Mergulladores de historias
• EEI San Roque (Viveiro, Lugo): Guía de lecturas para o tempo de sol de de choiva
• IES Antón Losada Diéguez - IES Manuel García Barros (A Estrada, Pontevedra): selección feita por alumnado e profesorado dos clubs de lectura Na Estrada-525 e Retalladores do Galiñeiro, en colaboración. 
• IES A Pontepedriña (Santiago de Compostela, A Coruña): Neste verán, mergúllate na lectura
• IES A Xunqueira II (Pontevedra): Mirando o mar
• IES de Curtis (curtis, A Coruña): Para ler de sol a sol
  
• IES de Fene (Fene, A Coruña): Suxestións de lectura veran 2013
• IES de Poio (Poio, Pontevedra): Selección de lecturas para o verán, realizada polo alumnado do club de lectura "Os trasnos dos libros".
  
• IES de Ponte Caldelas (Ponte Caldelas, Pontevedra), en colaboración coa Biblioteca Pública Municipal: Ler no verán
  
• IES de Sanxenxo (Sanxenxo, Pontevedra): Versos cálidos para días de lecer
  
• IES Fernando Esquío (Neda, A Coruña): Ler tamén no verán
• IES Lagoa de Antela (Xinzo da Limia, Ourense): Cine e libros para o verán
  
• IES Lamas de Castelo (Carnota, A Coruña): Recomendacións para o verán 2013
• IES Lucus Augusti (Lugo): Recomendacións para o verán
• IES Marqués de Sargadelos (Cervo, Lugo): Guía de lecturas para o verán
  
• IES Monelos (A Coruña): Lecturas para o verán
• IES Nosa Sra. dos OllosGrandes (Lugo): Mergúllate no verán cun libro na man
  
• IES O Mosteirón (Sada, A Coruña): Guía de lecturas para o verán
• IES Pedra da Aguia (Camariñas, A Coruña): Verán, un libro, un amigo
• IES Plurilingüe Fontexería (Muros, A Coruña): Nadar entre letras
• IES Pobra do Caramiñal (Pobra do Caramiñal, A Coruña): Recomendacións desde a biblioteca. 
• IES Poeta Añón (Outes, A Coruña): Lecturas para o verán 2013
• IES Punta Candieira (Cedeira, A Coruña): Lecturas para o verán
• IES Rafael Dieste (A Coruña): As nosas suxestións para o verán 2013 8libros, música, cine...)
  
• IES Río Miño (Rábade, Lugo): Guía de verán 2013
  
• IES San Paio (Tui, Pontevedra): Vacacións para tod@s, lecturas para tod@s
• IES Urbano Lugrís (Malpica, A Coruña): E que chova ou quente o sol... este verán, lecturas a cachón!!!
• IES Xograr Afonso Gómez de Sarria (Sarria, Lugo): Lecturas para o verán
  

Gemma Lluch - Criterios para seleccionar libros para adolescentes from Bibliotecas Escolares de Galicia on Vimeo.

Intervención de Gemma Lluch que daba inicio á VI Xornada dos Clubs de Lectura, o pasado 31 de maio en Compostela, coa asistencia do profesorado que coordina os clubs de lectura nos centros públicos de ensino secundario de Galicia.

O 31 de maio será a data para a cita anual dos coordinadores e coordinadoras dos clubs de lectura que están a funcionar en 222 centros de ensino público de Galicia no presente curso. Será xa a VI Xornada dos Clubs de Lectura, que terá lugar en sesións de mañá e tarde nas instalacións da EGAP (Escola Galega de Administración Pública). 

Ao longo da xornada haberá ocasión para o encontro e o intercambio de experiencias; tamén está prevista a participación de Gemma Lluch, especialista en Literatura Infantil e Xuvenil, membro do grupo de investigadores ERI Lectura, da Universitat de Valencia. haberá un espazo para falar da "lectura social", a tendencia actual de intercambio de experiencia lectora a través das redes sociais, coa presenza dun dos impulsores de Redelibros, a rede social galega do libro, Xosé R. Lois. Poñerá fin á xornada o escritor Marcos Calveiro, un autor moi valorado polos lectores e as lectoras e con múltiples recoñecementos pola súa obra dentro e fóra de Galicia.

A VI Xornada dos Clubs de Lectura é unha oportunidade para coñecer as múltiples actividades que están levando a cabo os grupos de lectura creados en centros educativos de Galicia, que van constituíndose pouco a pouco e grupos de dinamización da lectura nas súas comunidades educativas de referencia, establecendo vínculos con outros grupos de lectores e contribuíndo a unha maior presenza dos libros e da lectura na vida social galega. Os clubs de lectura son unha das fórmulas de fomento da lectura coa xente nova, e cos adultos (preto dun 30% dos centros implicados teñen tamén grupo de lectura de adultos) , que máis contribúe á consolidación deste hábito, e á adquisición de competencia lectora (entre outras), esencial para a formación persoal e directamente relacionada co éxito académico. 

PROGRAMA

Agustín Fernández Paz: A construción do lector from Bibliotecas Escolares de Galicia on Vimeo.

No Día Mundial do Libro, nada mellor que a palabra de Agustín Fernández Paz, lector, escritor, mestre... falando da "construción do lector" nos pasados Encontros do Plan de Mellora de Bibliotecas Escolares, celebrados en Compostela os días 7 e 8 de marzo de 2013.

ACCESO AO RESTO DOS VÍDEOS desta actividade

"Este día brinda a oportunidade de reflexionar xuntos sobre o mellor xeito de difundir a cultura escrita e de permitir que todas as persoas, homes, mulleres e nenos, accedan a ela, mediante a aprendizaxe da lectura e o apoio ao oficio da edición, as librarías, as bibliotecas e as escolas. Os libros son os nosos aliados para difundir a educación, a ciencia, a cultura e a información en todo o mundo".

(Mensaxe de Irina Bokova, Directora Xeral da UNESCO co gallo da celebración do Día Mundial do Libro e dos Dereitos de Autor, o 23 de abril de 2013) 

Coma en anos anteriores, e para celebrar este Día Mundial do Libro o vindeiro 23 de abril de 2013, edítase un marcapáxinas cun texto orixinal co que unha autora, neste caso PAULA CARBALLEIRA (narradora oral, escritora, actriz, directora de teatro), agasalla ás Bibliotecas Escolares de Galicia. Paula escribiu un texto no que destaca as potencialidades do libro para atraer aos lectores máis novos, mesmo a aqueles que (en principio) ofrecen máis resistencias. Esta edición conta coa colaboración do Ministerio de Educación, Cultura e Deporte e foi distribuído entre as bibliotecas do Plan de mellora de bibliotecas escolares. Pódese descargar AQUÍ

As bibliotecas escolares galegas comezan a difundir as súas actividades para celebrar o Día do Libro, unha data clave no calendario civil anual para poñer en valor o libro e a experiencia lectora entre a comunidade educativa: 

• CEE Miño(Ourense): Programa Semana do Libro - Contacontos polo Día do Libro - Vídeo
  
• CEIP A Maía (Bertamiráns, Ames): Abril, libros mil!
• CEIP Andrade (Pontedeume): Mes dos libros I -- Mes dos libros II-- Programación
• CEIP Antonio Pedrosa Latas (Celeiro-Viveiro): Día do Libro 23 abril de 2013
  
• CEIP A Pedra(Bueu): Actividades para o Día do Libro
  
• CEIP A Sangruiña (A Guarda): 23 abril, Día Internacional do Libro
• CEIP Couceiro Freijomil (Pontedeume): Día do Libro con...
  
• CEIP Eduardo Pondal (Vigo): Actividades no mes dos libros
• CEIP de Bandeira (Silleda): O apadriñador de palabras -- Día do Libro
  
• CEIP de Cespón (Boiro): Programación para o Día do Libro
• CEIP de Figueroa (A Estrada): Abril, mes do Libro
• CEIP de Leirado (Salvaterra do Miño): As mil e unha noites (curta de animación)
  
• CEIP de Oca: Semana do Libro 2013
  
• CEIP Eduardo Pondal (Vigo). Día do Libro: actividades -- Lecturas recomendadas de Abril
• CEIP Escultor Acuña (Vigo): Boletín Día Mundial do Libro
  
• CEIP Filomena Dato (BArbadás, Ourense): Día Mundial do Libro
• CEIP Frián-Teis (Vigo): Preparando o Día do Libro --Apadriñamentos/amadriñamentos lectores
  
• CEIP Isaac Peral (Ferrol): Festa do Libro, da Lectura e da Palabra-- Día do Libro
  
• CEIP Mestre Valverde Mayo (Mos): Semana do Libro
• CEIP MestreGoldar (Vigo): Apadriñamento lector, de novo a emoción... 
• CEIP Milladoiro (Malpica): Lectores padriños 2013
• CEIP O RamO (Fene): programación do mes de Abril -- Apadriñamentos/amadriñamentos lectores -- Conto do día
• CEIP Pintor Laxeiro (Vigo): 23 de Abril, Día Mundial do Libro
  
• CEIP Quintela (Moaña). Conta que che conto: Os músicos de Bremen, na escola de O Con-- O oso atrapabolboretas, na escola de O Con
• CEIP Ría de Vigo (Vigo): 23 de abril - Apadriñamentos lectores
• CEIP Rogelio García Yáñez (Ramirás): Exposición de libros sobre a comarca - Día do Libro: visita de Lois Antón
• CEIP Rosalía de Castro (Xinzo da Limia): Abril e os libros
• CEIP Saco e Arce (Toén): Abril, mes dos libros
• CEIP San Roque de Darbo (Cangas do Morrazo): Programación 23 abril
• CEIP Seis do Nadal (Vigo). Exposición: Libros que falan de libros.
  
• CEIP Torre Cela (Bueu): ¿E tí por que les?-- Actividades Abril mes dos libros
  
• CEIP Vales Villamarín (Betanzos): Exposición"Libros nos libros"
• CEIP Víctor López Seoane (A Coruña): Apadriñamentos lectores
• CEIP Víctor Sáenz (Mazaricos): O día do libro en imaxes
• CPI A Cañiza (A Cañiza). Abril mes dos libros: Ler para vivir -- Marcapáxinas de Rosalía -- Expo Rosalía -- Guía
• CPI de Panxón (Nigrán): Día Mundial do Libro 2013. Vídeos de fomento da lectura realizado polo alumnado.
  
• CPI da Ribeira (O Porriño): Amadriñamentos lectores
  
• CPI de Vicente Otero Valcárcel (Carral): Día do Libro
  
• CPI dos Dices - Rois (Rois): Día do Libro
  
• CPI José García García (Ourense): Un libro, unha foto --Concurso: Un poema, unha flor
• CPI Manuel Suárez Marquier (O Rosal): Día do Libro 2013 (Lectura colectiva do libro "El ladrón de palabras")
• CRA Amencer (Ribadavia): Mes dos libros 2013 (exposición, apadriñamentos, lecturas na Praza Maior..)
• EEI Barrionovo (Arteixo): Día do Libro. "Só un libro" -- Día do Libro
• IES Alexandre Bóveda: Exposición, Un paseo pola Literatura no 23 de Abril
  
• IES Antón Losada Diéguez (A Estrada): Programación 23 de abril
• IES A Paralaia (Moaña): Días de poesía e libros. Abril 2013
• IES A Xunqueira II (Pontevedra): Aínda non liches???
• IES de Poio (Poio): As persoa libro
• IES Félix Muriel (Rianxo): 23 de abril, día do libro -- Carlos Negro no IES
• IES Fernando Esquío (Neda): O Principiño -- Outras actividades
• IES Gonzalo Torrente Ballester (Pontevedra): Exposición sobre a obra de Manuel Lorenzo González
• IES Lagoa de Antela (Xinzo de Limia): Mes dos Libros -- Lectoras e lectores cos seus libros
  
• IES Marqués de Sargadelos (Cervo): Día do Libro 2013-- Exposición e actividades - Vídeo
  
• IES Poeta Añón (Outes)-IES Leliadoura (Ribeira): Encontro de clubs de lectura no Día do Libro
• IES Poeta Díaz Castro (Guitiriz): Compartindo contos 2013
  
• IES Pazo da Mercé (As Neves): "Un libro, un amigo" (vídeo)
• IES Perdouro (Burela): 23 de abril, día Mundial do Libro
• IES Ribeira do Louro (O Porriño): Día do Libro e da Lectura -- Teatro lido
  
• IES San Paio (Tui): Libros de película -- Tui lee - - Imaxes I --
  
• IES Urbano Lugrís (Malpica de Bergantiños): 23 de abril, Día do Libro 2013
• IES Xograr Afonso Gómez (Sarria): Día do Libro
  

"Descubrimos que os libros se relacionan uns con outros de mil maneiras, levan uns a outros por mil camiños, comunícanse -por amplos corredores ou portas secretas- como as salas dun pazo inmenso, forman parte dun organismo vivo e en continuo desenvolvemento, son follas dunha mesma árbore. Descubrimos a literatura, nunha palabra. Non como materia escolar, non como catálogo de títulos e autores, senón como mundo animado, como universo. Descubrimos a galaxia Gutenberg, o liberespazo, moi anterior ao ciberespazo e mellor cartografado, aínda que non por iso menos rico en sorpresas e aventuras. E ao converternos en libernautas accedemos, entre a infancia e a adolescencia, ao noso primeiro territorio libre." Carlo Frabetti

No Día Mundial do Libro do ano 2008 dábamos a coñecer un texto-agasallo do escritor Carlo Frabetti para as Bibliotecas Escolares de Galicia: O liberespazo. Retomamos, cinco anos despois, aquel fermoso texto e aproveitamos esta cita para deseñar, xunto co ilustrador Andrés Meixide, un "pase ao liberespazo", destinado aos lectores e lectoras. Estes poderán ir recollendo as súas "viaxes" polos libros e, a través do visado da biblioteca (que dá fe destas viaxes), acadar a categoría de "libernautas", con dereito propio a viaxar libremente polo "liberespazo".  Este material edítase en colaboración co Ministerio de Educación, Cultura e Deporte, a través do programa "Leer para aprender. Leer en la era digital". 

Nos pasados Encontros do Plan de mellora de bibliotecas escolares fíxose entrega de exemplares desta pequena publicación, con destino ás bibliotecas escolares do Plan de mellora. O profesorado interesado en empregar este "pase" co seu alumnado,  pode DESCARGALO AQUÍ (imprimir a tamaño A5)e AQUÍ (con marcas de corte)

Desde a EEI Barrionovo, de Arteixo, chéganos esta primeira nova da súa presentación ás nenas e aos nenos do centro. E agora, noticia sobre os primeiros "libernautas".

+ LIBERNAUTAS no CEP Xosé María Brea Segade (Taragoña-Rianxo) 

O vindeiro 2 de Abril conmemórase, tal e como se vén facendo desde o ano 1967, o nacemento de Hans Christian Andersen. A IBBY declarou esa data Día Internacional do Libro Infantil, co fin de lembrar a importancia de ofrecer  bos libros a todas as nenas, a todos os nenos, libros de calidade que esperten a súa imaxinación e os axuden a medrar como lectores e como persoas.

Cada ano, esta organización internacional encárgalle unha imaxe e un texto a autores de diferentes países. Nesta ocasión, a autora do texto é a mexicana Pat Mora e o ilustrador do cartel é o estadounidense Ashley Bryan

A través da OEPLI (Organización Española para o Libro Infantil e Xuvenil) podemos acceder ao poema de Pat Mora nas catro linguas do Estado, un poema que remata así:

Lemos xuntos. Ti e eu, dando voltas e voltas,

percorrendo o mundo coa alegría nos libros. 

Unha boa oportunidade para coñecer a existencia de distintas correntes artísticas, pictóricas e literarias, que enriquecen coa súa mirada o mundo no que nos tocou vivir. 

O 21 de marzo é unha data que concita moitas vontades e dá pé a moitas conmemoracións (os bosques, a poesía, a cor, a non discriminación racial...), non deixa de ser a Primavera que o renova todo... Nós decantámonos pola poesía, pois foi a UNESCO quen declarou este 21 de marzo, Día Mundial da Poesía en 1999. O vídeo que serve para iniciar esta entrada, na que iremos subindo novas relacionadas coa celebración deste día nas bibliotecas escolares galegas, é unha versión ben fermosa dun dos poemas fulcrais da poesía galega, "Eno sagrado en vigo", unha das Cantigas de Amigo de Martín Codax, que paga a pena compartir... o galego non ten fronteiras, ben se ve...

• Ceip Curros Enríquez (Celanova: Cantando "Adiós ríos, adiós fontes"
• CEIP de Andrade (Pontedeume): Concurso "Fotopoema -- Día Mundial da Poesía
• CEIP de Cespón (Boiro): Día da Poesía
• CEIP Frián-Teis (Vigo): 21 de Marzo, Día da Poesía
• CEIP Rosalía de Castro (Xinzo da Limia: 21 de Marzo, Día Internacional da Poesía 2013 (selección de poesía do río Limia e da Limia) 
• CEIP Saco e Arce (Toén): Palabra de árbore
  
• CEIP Serra de Vincios (Gondomar): Semana da Poesía
  
  CPI da Cañiza (a Cañiza): 21 de Marzo, Día da Poesía. Recursos
• CPI de Panxón (Nigrán): Día Mundial da Poesía
  
• EEI Barrionovo (Arteixo): Día da Poesía
  
  IES de Poio (Poio): Obradoiro de Poesía
• IES O Mosteirón (Sada): Semana da poesía (18-22 de marzo de 2013)
• IES Ribeira do Louro (O Porriño): Día da Poesía, 2013(Os mozos do IES van ler aos maiores do centro de día da parroquia. Abrindo a escola ao medio)
• IES Río Cabe (Monforte de Lemos): 21 de Marzo
• IES San Paio (Tui): Palabras de Poesía e Primavera
  
• IES Xograr Afonso Gómez (Sarria): Obradoiro de poesía -- Imaxes do obradoiro de Miguel Anxo Curiel 

RECURSOS:

• Orella pendella (selección de literatura oral para nenas e nenos) 
• Son de poetas (antoloxía de poesía galega musicada)
• Antología poética multimedia (recursos multimedia sobre poesía en castelán)
• Wislawa Szymborska en You Tube
• Festival Internacional de Poesía de Medellín
• Poesía galega (vídeos)
• Poesiagalega.org, páxina de poesía do Consello da Cultura Galega
• Portal de Poesía
• Varios "poesía" na páxina de Bibliotecas Escolares de Galicia
• EnREDando Versos.S itio poético colaborativo de varios centros de ensino galegos
• Poemas para peques. Blogue de poesía do CEIP Quintela, de Moaña
• Darle a la lengua, blog de Felipe Zayas: Hacia el Día Mundial de la Poesía
• Biblioteca Virtual Cervantes: Poesía española contemporánea
• Biblioteca Pública de Évora: Un poema por día
• María Elena Walsh: Poemas e cancións
• Selección poética. Canal Lector. FGSR 
• Revista Imaginaria. Selección poética. 
• Tres poemas para o 21 de Marzo: Blog de Agustín Fernández Paz
• Boletín Leer.es, especíal Día Mundial da Poesía
• Guía Turística pola poesía no ciberespazo. El País (21/03/2013)

Celebrar os 150 anos da publicación de Cantares Gallegos e manter viva a palabra de Rosalía de Castro é o obxectivo. Pero tamén serve, neste caso, para integrar a poesía na vida cotiá do instituto e, de paso, permitirnos entrar no IES A Xunqueira II, percorrer as súas instalacións e escoitar a voz de Rosalía nas voces do alumnado e de parte do persoal do centro.

Eu ben vin estar o moucho

enriba daquel penedo.

¡Non che teño medo, moucho;

moucho, non che teño medo!

Contra vento e marea, e coma en anos anteriores, as bibliotecas escolares galegas súmanse á celebración do aniversario de Rosalía de Castro, o día 24 de febreiro, unha das datas sinaladas no "calendario da lectura" do noso país. Pero nesta ocasión, a celebración é dobre porque neste 2013 cúmprense os 150 anos da publicación de Cantares Gallegos, libro fundamental para as xentes, a lingua e a cultura de Galicia.

Son moitas e variadas as actividades que se levan a cabo estes días nos centros educativos e que xuntan, nunha lectura colectiva da obra da escritora, a grandes e pequenos, para manter viva, nas voces das lectoras e dos lectores, os versos de Rosalía. Moitas destas actividades súmanse á proposta da AELG que trata de involucrar a todos os sectores da sociedade, e nas que o alumnado dos centros cobra un protagonismo alentador. ACCESO AOS VÍDEOS DOS CENTROS

Velaquí algunhas propostas, actividades e recursos que se están a difundir entre o colectivo das Bibliotecas Escolares de Galicia:

• Adhesivo conmemorativo creado por Rosana Rodiles, responsable da biblioteca do CEIP de Pazos (Ferrol) e posto a disposición da Rede de bibliotecas escolares galegas.
• CEIP A Gándara (Monforte de Lemos): Cantares gallegos (Adultos da Comunidade Educativa)
• CEIP Alexandre Bóveda (Redondela): Recursos en verde sobre Rosalía
• CEIP Antonio Pedrosa Latas (Celeiro-Viveiro): Día de Rosalía de Castro. Has de cantar!
• CEIP Carballal-Cabral (Vigo): Aniversario de Cantares Gallegos -- Cantares Gallegos -- Recursos
• CEIP Couceiro Freijomil (Pontedeume):Día de Rosalía
• CEIP de Andrade (Pontedeume): Rosalía de Castro. Recursos e actividades. -- Vinte unha crara noite (recital)
• CEIP de Bandeira (Silleda): Día de Rosalía.
• CEIP de Foz nº 1 (Foz): Campanas de Bastabales
• CEIP Doutor Suárez. Biblioteca Chimpalibros (Fornelo de Montes): Has de cantar! (vídeo)
• CEIP Figueroa (A Estrada): Imos bebendo
• CEIP Frián-Teis (Vigo): No día de Rosalía
• CEIP Isaac Peral (Ferrol): Celebración do Día de Rosalía
• CEIP Nosa Señora das Dores (Forcarei): Día de Rosalía, 24 de febreiro de 2013
• CEIP Nosa Señora de Xuvencos (Boborás): Rosalía de Castro. Recursos -- Vídeo: Adiós ríos, adiós fontes
• CEIP O Ramo (Fene): Miña Santa Margarida
• CEIP Ría de Vigo (Vigo): 24 de febreiro, Día de Rosalía
• CEIP Saco e Arce (Toén, Ourense): Preparando o día de Rosalía
• CEIP Torre Cela (Bueu): Sempre Rosalía
• CPI de Pontecarreira (Frades): Lecturas Infantil e Primaria -- Lecturas Secundaria
• CPI de San Sadurniño: Guía de recursos.
• CRA Amencer (Ribadavia): 24 de febreiro, Día de Rosalía
• EEI Barrionovo (Arteixo): Recursos para o Día de Rosalía  -- Díptico -- Celebramos a Rosalía
• IES A Xunqueira II (Pontevedra): Día de Rosalía. 150 anos de "Cantares Gallegos"
• IES de Poio-IES Ribeira do Louro (O Porriño), en colaboración: Cantares fronte á adversidade. Constelación poética...
• IES de Poio (Poio): 150 anos de Cantares Gallegos. Todos con Rosalía
• IES Gregorio Fernández (Sarria): Día de Rosalía (Acto da biblioteca do IES, Biblioteca Fiz Vergara Vilariño, xunto coa Asociación de Escritores en Lingua Galega)
• IES Lama de Castelo (Carnota): Día de Rosalía
• IES Marqués de Sargadelos (Cervo): Lectura de Cantares Gallegos -- Recursos
• IES Pino Manso (O Porriño): Recitando a Rosalía 
  
• IES Rafael Dieste (A Coruña): O Rafael Dieste homenaxea a Rosalía de Castro
• IES Río Cabe (Monforte de Lemos): Día de Rosalía
• IES Sánchez Cantón (Pontevedra): Non che digo nada, pero vaia!
• IES San Paio (Tui): 12 escritores homenaxean a Rosalía. - Club de lectura, Pedra do Acordo: Lendo a Rosalía
• IES Sanxenxo (Sanxenxo). Canta, meniña gaiteira! Club de lectura Engánchate!

A título de exemplo, a programación completa dunha biblioteca escolar arredor deste Día de Rosalía: IES Pazo da Mercé (As Neves): O venres pasado celebramos co noso alumnado e @s nos@s ilustres invitad@s da Escola Unitaria de Vide o día de Rosalía. Intercalamos o visionado de videos con poemas musicados e o recitado de poemas da escritora, no caso de "Máis ó que ben quixo un día", co acompañamento ao piano por parte dunha alumna de 1º Bach. Dúas rapazas do club de lectura léronnos "Tecín soia a miña teia" e o Equipo de Escolas Unesco colaborou interpretando "Adios ríos, adios fontes" en Yogote,linguaxe de signos. Presentouse un vídeo colaborativo realizado por un grupo de 2ºESO no que cada imaxe de Rosalía vai asociada ao nome dun alumn@. Atoparédelo no blog do noso equipo de EDLG: http://dinamizaiespazodamerce.blogspot.pt/

Ás persoas participantes se lles obsequiou cun cravo bermello e unha tarxeta cun poema e unha ilustración. Aproveitamos o acto para entregar os premios aos gañadores do concurso convocado pola biblioteca no que se debían resolver cuestións sinxelas por escrito sobre Rosalía e a sua obra, traballando en algunha das preguntas aspectos de formación de usuarios/as. Organizado tamén pola biblioteca, celebrouse o sorteo de dous exemplares de "Cantares Galegos" entre o alumnado que entregou unha tarxeta co seu nome e o título dun poema de Rosalía. E, como despedida, a "Alborada de Rosalía" interpretada á gaita por un compañeiro do departamento de Lingua Castelá.

EnrREDando versos é un blogue de poesía froito da colaboración de varias bibliotecas escolares que, neste curso, se embarcaron nun traballo conxunto arredor da poesía. A mellor presentación desta experiencia é a que fan os integrantes do grupo:

EnREDando versos é o título do proxecto que nace co obxectivo de achegar á poesía ás aulas. Os intereses comúns no campo da competencia lingüística así como nunha metodoloxía baseada no traballo colaborativo e no uso das TIC entre o alumnado fai que se constitúa un grupo de traballo intercentros co fin de aunar esforzos e intercambiar experiencias educativas que repercutan na práctica docente.

O proxecto está integrado por profesorado de dististos niveis educativos do ámbito de linguas, responsables de bibliotecas escolares, clubs de lectura, un asesor TIC e de novas tecnoloxías, procedentes de cinco centros da provincia de Pontevedra: IES de Poio, IES Ribeira de Louro, IES A Sangriña,  IES de Sanxenxo e CEIP A Lama.

Un exemplo de traballo colaborativo desde as bibliotecas escolares, en beneficio do alumnado (tamén de integración da cultura escrita e a cultura dixital), aproveitando os recursos electrónicos e as formas de comunicación propias da sociedade da información. A poesia é nesta ocasión o motivo de encontro... pero que mellor motivo!!

O Portal Educativo publica hoxe a resolución da convocatoria da Dirección Xeral de Centros e Recursos Humanos, destinada a apoiar o funcionamento de clubs de lectura en centros de titularidade da Consellería de Educación e O.U. que matriculan alumnado de ESO, bacharelato, formación profesional, educación de adultos ou ensinanzas de réxime especial, para o curso 2012, 2013. En total, reciben axuda os 222 centros que a solicitaron, e van destinadas a sufragar o desenvolvemento das actividades previstas no proxecto presentado, fundamentalmente á adquisición dos libros para os diferentes grupos de lectura incluídos en cada un dos clubs (existen clubs con varios grupos de lectura, mesmo un 25% destes clubs contan con grupos de lectura de adultos, integrando así nesta actividade aos distintos sectores da comunidade escolar). Esta iniciativa encádrase no programa HORA DE LER para o fomento da lectura en centros de ensino, unha das liñas de acción do Plan LÍA de biblitoecas escolares (Lectura, Información, Aprendizaxe).

+ INFORMACIÓN: LER EN MAN COMÚN (Blogue dos clubs de lectura) -  LIBROS A EITO (Banco de libros)

Achéganse os días de Nadal e as Bibliotecas Escolares Galegas comezan a difundir as súas recomendacións de lectura para estes días fríos. Estas "guías de lectura" recollen títulos de libros para todas as idades e sensibilidades lectoras e, nalgúns casos, tamen películas, música e enderezos electrónicos de interese. Responden ao traballo de selección realizado polos equipos de bibliotecas dos centros, e son un material de apoio ás familias co obxectivo de orientalas no seu labor de creación de hábitos de lectura entre os máis novos. Varias destas guías teñen o interese engadido de seren seleccións temáticas e estaren relacionadas con proxectos interdisciplinares ou proxectos documentais integrados, levados a cabo no centro durante o presente curso.

• CEIP Abelendo (Moaña, Pontevedra)
• CEIP Agolada (Agolada, Pontevedra): Nadal 1 --  Nadal 2
• CEIP A Maía (Ames, A Coruña)  
• CEIP A Paz (Vigo, Pontevedra)
• CEIP A Pontenova (A Pontenova, Lugo)   
• CEIP A Rúa (Cangas, Pontevedra)
• CEIP A Sangriña (A guarda, Pontevedra)
• CEIP Aguiño (Ribeira, A Coruña) 
• CEIP Alfonso D. Rodríguez Castelao (Vigo, Pontevedra) 1- 2  
• CEIP Andrade (Pontedeume,  A Coruña)  
• CEIP Balaídos (Vigo, Pontevedra)  
• CEIP Bibei (Viana do Bolo, Ourense)  
• CEIP Castrillón-Coiro (Cangas, Pontevedra)
• CEIP Chans de Bembrive (Vigo, Pontevedra)   
• CEIP Couceiro Freijomil (Pontedeume, A Coruña)  
• CEIP Cova Terreña (Baiona, Pontevedra)  
• CEIP Curros Enríquez (A Coruña)
• CEIP de Bandeira (Silleda, Pontevedra) 
• CEIP Carballal (Vigo, Pontevedra)
• CEIP de Carnota (Carnota, A Coruña) 
• CEIP de Cedeira (Redondela, Pontevedra)
• CEIP de Cervo (Cervo, Lugo)  
• CEIP de Cespón (Boiro, A Coruña)  
• CEIP de Coirón-Dena (Meaño, Pontevedra)  
• CEIP de Leirado (Salvaterra do Miño, Pontevedra)  
• CEIP de Louro (Muros, A Coruña)  
• CEIP de Oca - CEIP O Foxo - CEIP Nosa Señora das Dores - CEIP de Figueroa (A Estrada. En colaboración) 
• CEIP de Palmeira (Ribeira, A Coruña)  
• CEIP de Pazos (Ferrol, A Coruña)
• CEIP de Portocabeiro (Redondela, Pontevedra)  
• CEIP de Rebordáns (Tui, Pontevedra)  
• CEIP Eduardo Pondal (Vigo, Pontevedra) 
• CEIP Emilia Pardo Bazán (A Coruña)  
• CEIP Escultor Acuña (Vigo, Pontevedra)
• CEIP Frián-Teis (Vigo, Pontevedra)  
• CEIP Isaac Peral (Ferrol, A Coruña)  
• CEIP José María Lage (Ortigueira, A Coruña) 
• CEIP Lois Tobío (Viveiro, Lugo)
• CEIP Manuel Suárez Marquier (O Rosal, Pontevedra)  
• CEIP Mestre Valverde Mayo (Mos, Pontevedra) 
• CEIP Mestres Goldar (Vigo, Pontevedra)  
• CEIP Milladoiro (Malpica, A Coruña)
• CEIP Nosa Señora de Xuvencos (Boborás, Ourense)
• CEIP Nosa Señora dos Remedios (Ponteareas, Pontevedra)
• CEIP O Ramo (Fene, A Coruña): INFANTIL  -- 1º Ciclo -- 2º Ciclo -- 3º Ciclo 
• CEIP Os Casais (Fene, A Coruña): INFANTIL - 1º Ciclo  -  2º Ciclo  --  3º Ciclo 
• CEIP Pedro Caselles Rollán (Xove, Lugo)  
• CEIP Plurilingüe A Pedra (Bueu, Pontevedra)  
• CEIP Plurilingüe de Guillarei (Tui, Pontevedra)  
• CEIP Plurilingüe de Oca (A Estraada, Pontevedra)
• CEIP Quintela (Moaña, Pontevedra) 
• CEIP Rosalía de Castro (xinzo da Limia, Ourense)
• CEIP Saco e Arce (Toén, Ourense)  
• CEIP Salgado Torres (A Coruña)  
• CEIP San Roque de Darbo (Cangas, Pontevedra)  
• CEIP Santiago Apóstolo (Franza-Mugardos, A Coruña) 
• CEIP Seis do Nadal (Vigo, Pontevedra)  
• CEIP Terra Chá (Román-Vilalba, Lugo)  
• CEIP Vales Villamarín (Betanzos, A Coruña)  
• CEIP Víctor López Seoane (A Coruña)
• CEIP Víctor Sáenz (Mazaricos, A Coruña)  
• CEIP Virxe do Carme (Burela, Lugo)
• CEIP Xesús Golmar (Lalín, Pontevedra)   
• CPI A Cañiza (A Cañiza, Pontevedra)   
• CPI da Ribeira (O Porriño, Pontevedra): PRIMARIA  -- SECUNDARIA
• CPI Doutor López Suárez (Friol, Lugo): Infantil/1º e 2º Ciclo Primaria  -- 3º Ciclo Primaria/ESO
• CPI Manuel Suárez Marquier (O Rosal, Pontevedra)  
• CPI Mondariz (Mondariz, Pontevedra)
• CPI Progreso (Catoira, Pontevedra) 
• CPI San Vicente (A Baña, A Coruña)  
• CPI Vicente Otero Valcárcel (Carral, A Coruña): INFANTIL  - Nadal sempre con libros - Regalemos galego 
• CRA Amencer (Ribadavia, Ourense)  
• EEI Barrionovo (Arteixo, A Coruña)  
• EEI de Vide (As Neves, Pontevedra)
• EEI San Roque (Viveiro, Lugo)  
• IES As Mariñas (Betanzos, A Coruña)
• IES A Xunqueira II (Pontevedra)   
• IES de Curtis (Curtis, A Coruña)
• IES de Fene (Fene, A Coruña)  
• IES de Monterroso (Monterroso, Lugo)
• IES de Poio (Poio, Pontevedra)  
• IES de Ponte Caldelas (Ponte Caldelas, Pontevedra)
• IES Fernando Esquío (Neda, A Coruña) 
• IES Fontem Albei (A Fonsagrada, Lugo)   
• IES Fontexería (Muros, A Coruña)
• IES Gregorio Fernández (Sarria, Lugo)
• IES Lagoa de Antela (Xinzo da Limia, Ourense) 
• IES Lama das Quendas (Chantada, Lugo)
• IES Lamas do Castelo (Carnota, A Coruña)  
• IES Lucus Augusti (Lugo)  
• IES Macías o Namorado (Padrón, A Coruña) 
• IES Marqués de Sargadelos (Cervo, Lugo) 
• IES Monelos (A Coruña)
• IES Monteneme (Carballo, A Coruña)
• IES Monterroso (Monterroso, Lugo)  
• IES Nosa Señora dos Ollos Grandes (Lugo)  
• IES O Mosteirón (Sada, A Coruña)  
• IES Pedra da Aguia (Ponte do Porto-Camariñas, A Coruña)  
• IES Poeta Añón (Outes, A Coruña)  
• IES Pontepedriña (Santiago de Compostela, A Coruña)
• IES Porto do Son (Porto do Son, A Coruña)  
• IES Ribeira do Louro (O Porriño, Pontevedra)  
• IES Río Cabe (Monforte de Lemos, Lugo)
• IES Sánchez Cantón (Pontevedra)
• IES San Paio (Tui, Pontevedra)
• IES Sanxenxo (Sanxenxo, Pontevedra)
• IES Torrente Ballester (Pontevedra) 
• IES Urbano Lugrís (Malpica, A Coruña)  
• IES Vilalonga (Sanxenxo, Pontevedra) -- Xuvenil  -- Cine -- Cómic
• Varios centros de Monforte de Lemos (Lugo), en colaboración coa Asociación de libreiros de Monforte e as bibliotecas Municipais de varios concellos da zona (ver): UN - DOUS
• Varios centros de Rianxo (A Coruña), en colaboración coa Biblioteca Pública Municipal
• Varios centros de Cambre (A Coruña), en colaboracíón coas Bibliotecas Públicas Municipais e o Concello de Cambre

E para sumar sempre, selección de lecturas das Bibliotecas Municipais do concello de A Coruña: Guía Historias de regalo 2012 - Historias de regalo: regala cine, música e libros 2012

Co gallo da celebración do Día da Biblioteca, o pasado 24 de outubro, a Biblioteca Civican Pamplona edita unha completísima guía de lectura titulada ÉRASE UNA BIBLIOTECA, con títulos de libros e películas que teñen como protagonista a biblioteca e os libros.

Esta biblioteca edita interesantes guías de lectura, todas elas dispoñibles a través da súa páxina web; un material de gran axuda á hora de seleccionar materiais para a biblioteca escolar.

O Portal Educativo publica hoxe, 4 de setembro, a convocatoria da Dirección Xeral de Centros e Recursos Humanos pola que se incentiva o funcionamento de clubs de lectura, para o curso 2012/2013, en centros públicos que matriculan alumnado de ensino secundario, bacharelato, formación profesional e ensinanzas de réxime especial.

Esta iniciativa está encadrada no programa HORA DE LER para o fomento da lectura en centros de ensino, integrando á súa vez no Plan LÍA (Lectura, Información e Aprendizaxe) da Consellería de Cultura, Educación e Ordenación Universitaria. O prazo para a presentación de solicitudes remata o 15 de outubro.

+ información AQUÍ