Achégase o mes de outubro e as bibliotecas escolares están xa inmersas en proxectos e actividade. Por moi escuro que sexa o futuro, sen dúbida está aí, chamando á porta, e as bibliotecas han estar preparadas e adiantarse un paso, sen deixar de soñar.

Para celebrarmos o Día da biblioteca (24 de outubro), o mes da biblioteca escolar (segundo convocatoria da IASL), un curso máis, a Consellería de Educación edita un cartaz cunha imaxe dun autor galego. Nesta ocasión, Emma Ríos, ilustradora do mundo do cómic, interpreta o lema proposto, Biblioteca escolar, última xeración, e ofrécenos unha visión alegre e cómplice do que son e poden ser as bibliotecas escolares: lugares de encontro e de convivencia, espazos de aprendizaxe e de contacto gozoso coa cultura escrita; integración dos distintos soportes e formatos que albergan a información e os contidos culturais, oportunidades para soñar e imaxinar; apoio para a adquisición de competencias básicas e construción de coñecementos de calquera tipo; escolas de cidadanía.

+ información sobre EMMA RÍOS no portal Banda Deseñada, do Consello da Cultura Galega.

+ Emma Ríos na Wikipedia

O DOG do 13 de setembro publica a Orde de 1 de setembro pola que se resolve o Plan de mellora de bibliotecas escolares en centros públicos non universitarios de titularidade da Consellería de Educación, para o curso 2011/2012. Incorpóranse 84 novos centros a este programa, que se iniciara no curso 2005/2006 co obxectivo de impulsar a renovación e a actualización das bibliotecas dos centros de ensino non universitario. Actualmente integran o Plan de mellora de b.e. un total de 449 centros públicos, de distintos niveis de ensino.

RESOLUCIÓN

O Portal Educativo publica, con data 1 de setembro de 2011, a convocatoria pola que se incentiva o funcionamento de Clubs de Lectura en centros de titularidade da Consellería de Educación, que acollan ensinanzas de ensino secundario, bacharelato, formación profesional e de réxime especial, para o curso 2011/2012. O prazo de presentación de solicitudes remata o 20 de outubro.

Texto da convocatoria

Vídeo resume da IV Xornada dos Clubs de Lectura, celebrada en Santiago de Compostela o pasado 10 de xuño.

+ INFORMACIÓN e MATERIAIS

O 2011 foi declarado Ano Internacional dos bosques polos organismos internacionais. Esta circunstancia foi aproveitada por moitos centros escolares para centrar a súa actividade, nalgún momento do curso, no mundo dos bosques, desde destintos enfoques. Un exemplo de bo facer é este Proxecto Documental Integrado (PDI), Un bosque para ler e navegar, deseñado e desenvolvido durante todo o curso no CEIP Frián-Teis, de Vigo, coa participación de toda a comunidade educativa. Recomendamos unha visita aos distintos apartados deste traballo, apoiado pola biblioteca a través dos seus recursos informativos, porque ilustra estupendamente como se pode aprender e ensinar aproveitando fontes diversas, partindo do medio, do máis próximo e significativo para o alumnado, sumando forzas, creando vínculos entre os distintos sectores da comunidade escolar, integrando tecnoloxías tradicionais e dixitais... en definitiva, educando a alumnado actual con metodoloxías axeitadas, sen esquecer o importante: o dereito das nenas e dos nenos a aprender e a medrar como cidadáns activos.

UN BOSQUE PARA LER E NAVEGAR

Ver: Proxectos Documentais Integrados. Rosa Piquín. 2006

O centro virtual LEER.ES, do Ministerio de Educación, vén de conceder os seus "selos de boas prácticas" correspondentes ao mes de xullo. Novamente, unha biblioteca escolar galega acada esta distinción que vén recoñecer un traballo ben feito no ámbito da lectura e a innovación educativa. O CEIP A Lama (A Lama, Pontevedra) desenvolveu este ano un PDI (Proxecto Documental Integrado) arredor do tema da auga. Lectura, investigación, aprendizaxe significativa, metodoloxías adaptadas ao alumnado, ás formas de aprender na sociedade da información, relación co medio, comunicación, interdisciplinariedade... entusiasmo, profesionalidade e aproveitamento dos recursos culturais e do medio. Parabéns ao profesorado responsable deste proxecto e á biblioteca escolar que lle dá apoio e soporte a este tipo de actividades.

A cultura da avaliación entrou nas bibliotecas escolares galegas e vaise asentando, poñendo de manifesto a profesionalidade do profesorado que as xestiona e lles dá vida. Se ben o indicador do préstamo vai perdendo protagonismo fronte a outros de maior significado, o certo é que este servizo é un dos máis importantes na biblioteca escolar. Unha ollada atenta á súa evolución dentro dun centro pode servir para reorientar as decisións a tomar na política de adquisicións, no necesario equilibrio da colección, na planificación de novas propostas e servizos.

Velaquí os datos do préstamo dunha biblioteca escolar, a do IES As Mariñas, de Betanzos, correspondente ao curso que remata, e o gráfico da evolución do préstamo nos últimos cursos, así como a interesante valoración que fan os responsables da biblioteca destes datos.

Publicada no Portal Educativo a resolución provisional pola que se incorporan 83 novos centros ao Plan de mellora de bibliotecas escolares, para o curso 2011/2012, seguindo o proceso que se recolle na Orde de 17 de marzo de 2011 (DOG de 5 de abril), de convocatoria.

Na resolución definitiva, que se publicará no DOG, no mes de setembro, recollerá a totalidade dos centros integrados neste programa no vindeiro curso, unha vez rematado todo o proceso de valoración de memorias correspondentes ao ano académico 2010/2011, entre outros trámites pertinentes.

Remata o curso escolar pero non remata o tempo da lectura. Ben o saben as nenas e os nenos que nos últimos días andiveron reservando as súas lecturas para o verán na biblioteca do centro. Son cada vez máis numerosas as bibliotecas que prestan lotes de libros para as vacacións aos distintos membros da comunidade educativa. Outra función da biblioteca, a de orientar en lecturas de calidade, ponse de manifesto, nestes días, a través das guías de lectura, boletíns de recomendacións e outras publicacións en papel e en internet. Recomendamos visitar os blogues das bibliotecas escolares galegas. PRIMARIA  -  SECUNDARIA , e poñemos aquí algúns exemplos:

• CEIP Andrade (Pontedeume, A Coruña)
• CEIP A Paz (Vigo, Pontevedra)
• CEIP Balaídos (Vigo, Pontevedra)
• CEIP Cedeira (Redondela, Pontevedra)
• CEIP de Cervo (Cervo, Lugo)
• CEIP Chano Piñeiro (Gondomar, Pontevedra)
• CEIP Escultor Acuña (Vigo, Pontevedra)
• CEIP de Louro (Muros, A Coruña)
• CEIP Mestres Goldar (Vigo, Pontevedra)
• CEIP de Palmeira (Ribeira, A Coruña)
• CEIP de Porto Cabeiro (Redondela, Pontevedra) (Traballo colectivo da bibliotecas pública e das B.Escolares de Redondela)
• CEP Xosé Mª Brea Segade (Taragoña-Rianxo, a Coruña)
• CEIP de Rebordáns (Tui, Pontevedra)
• CPI de Cova Terreña (Baiona, Pontevedra)
• EEI Fernández Varela (A Pobra do Caramiñal, A Coruña)
• CEIP Quintela (Moaña, Pontevedra): INFANTIL  -  PRIMARIA
• CEIP Nosa Señora de Xuvencos (Boborás, Ourense)
• IES As Mariñas (Betanzos,  A Coruña)
• IES de Poio (Poio, Pontevedra)
• IES Fernando Esquío (Neda, A Coruña)
• IES Luís Seoane (Pontevedra)
• IES Pontepedriña (Santiago de Compostela, A Coruña)
• CEIP Santo Paio de Abaixo (Redondela, Pontevedra) (Traballo colectivo da B.P.M. e das B.Escolares de Redondela)
• CEIP Portofaro (Cambre, A Coruña)
• IES Sanxenxo (Sanxenxo, Pontevedra)
• IES de Viós (Abegondo, A Coruña)
• CEIP Virxe do Carme (Burela, Lugo)
• IES Mendiño (Redondela, Pontevedra) (Traballo colectivo da B.P.M. e das B.Escolares de Redondela)
• IES Pedro Floriani (Redondela, Pontevedra) (Traballo colectivo da B.P.M. e das B.Escolares de Redondela)
• CEIP Figueroa (A Estrada, Pontevedra)
• CEIP de Cespón (Boiro, A Coruña)
• CEIP de Esteiro (Ferrol, A Coruña)
• IES Río Miño (Rábade, Lugo)
• IES de Fene (Fene, A Coruña)
• IES Poeta Añón (Outes, A Coruña)
• IES San Paio (Tui, Pontevedra)
• IES pedra da Aguia (Ponte do Porto, Camariñas)
• IES Lamas de Castelo (Carnota, A Coruña)
• IES Ponteceso (Ponteceso, A Coruña): ESO - BACHARELATO
• CEIP Agolada (Agolada, Pontevedra)
• IES María Casares (Oleiros, A Coruña)
• CEIP Salgado Torres (A Coruña)
• CEIP A Doblada (Vigo, Pontevedra): INFANTIL - 1º CICLO - 2º CICLO - 3º CICLO
• CEIP Vista Alegre (Burela, Lugo)
• CPI San Vicente (A Baña, A Coruña): INFANTIL-PRIMARIA  -  SECUNDARIA
• CEIP Os Casais (Fene,  A Coruña): Un - dous - tres - catro
• CEIP O Ramo (Fene, A Coruña): Infantil - 1º Ciclo - 2º Ciclo - 3º Ciclo
• IES Ribeira do Louro (O Porriño, Pontevedra)
• IES Porto do Son (Porto do Son, A Coruña) (Traballo colaborativo dos centros de ensino e a BMP do concello)
• CPI O Progreso (Catoira, Pontevedra)
• CEIP A Ramallosa (Teo, A Coruña)
• IES Afonso X O Sabio (Cambre, A Coruña) (Traballo colaborativo dos centros de ensino e as BMP de Cambre)
• IES Vilalonga (Sanxenxo, Pontevedra)
• CEIP Couceiro Freijomil (Pontedeume, A Coruña)
• IES Elviña (A Coruña): Guía Banda Deseñada - Novelas, contos e outros - Lecturas que animan... I - Lecturas que animan... II

O 10 de xuño celebrouse en Santiago de Compostela a IV Xornada de Clubs de Lectura, coa asistencia de 205 profesoras e profesores de toda Galicia, coordinadores dos clubs de lectura que funcionaron este curso 2010/2011 en centros públicos que matriculan alumnado de ESO, bacharelato, formación profesional, idiomas ou ensinanzas artísticas. Os materiais da xornada están accesibles a todo o profesoado neste enlace (entrar como convidado). Están tamén dispoñibles os vídeos das diferentes sesións.

+ información en LER EN MANCOMÚN

Unha visita virtual á biblioteca do IES Ribeira do Louro (O Porriño, Pontevedra), da man dos rapaces e rapazas que nola van ensinando...  Espazos para o traballo, a consulta, o pracer de ler e de aprender.

Untitled from IES Frei Martín Sarmiento (Bibl on Vimeo.

No IES Frei Sarmiento, de Pontevedra, na estela do que xa fixeran no IES de Ponteceso (Ponteceso, A Coruña) e coa colaboración do Obradoiro de Imaxe do centro e dos rapaces  e rapazas de 3º de ESO, elaboraron este vídeo para difundir as normas de uso da biblioteca. "Maneiras de vivir" a biblioteca que benefician a tod@s.

O 2011 foi declarado polo Consello da Cultura Galega, "Ano Cunqueiro" por mor de celebrarse o centenario do seu nacemento.

Con este motivo, recóllense nunha nova "maleta viaxeira" algunhas das obras do escritor, xunto con outros títulos de autoría diversa, inspirados no fértil imaxinario creado por Álvaro Cunqueiro. Acompáñanse, entre outro material, dunha breve mostra de músicas publicadas a partir dos seus poemas.

As maletas "Os mundos de Cunqueiro" están dispoñibles para os centros que as soliciten, en préstamo temporal. Contacto: bibliotecasescolares@edu.xunta.es.

Esta maleta vense unir ás xa existentes de lectura, cómic e poesía, que andan a rolar polos centros de toda Galicia. A partir do vindeiro curso, estarán todas centralizadas na Asesoría de bibliotecas escolares.

Velaquí un vídeo que ilustra o proceso de transformación da biblioteca escolar en centro de recursos de lectura, información e aprendizaxe, ao tempo que facilita a formación de usuarios e usuarias. Parabéns á comunidade educativa do CEIP Chans de Bembrive (Vigo, Pontevedra), pola súa nova biblioteca e polo seu traballo.

Por todo o país florecen neste maio actividades culturais diversas, co fin de dar a coñecer a figura á que se lle adica este ano o Día das Letras Galegas, pero tamén a poñer en valor a lingua e as súas posibilidades de comunicación e de expresión artística. As bibliotecas escolares non son alleas á marea poética que atravesa este ano "loisiano" e son moitos os exemplos de actividades que se impulsaron desde estes espazos educativos; tamén moitas as propostas de aula ou de centro que apoiaron cos seus recursos. Velaquí unha pequena mostra:

• IES Concepción Arenal, Ferrol: Letras Gaelgas, o Ano de Lois Pereiro
• CPI de San Sadurniño: Díptico Lois Pereiro
• IES Eduardo Blanco Amor, Culleredo: Mostra de carteis Lois Pereiro feitos polo alumnado
• IES Fontexería, Muros: "A lingua é Nosa, Vosa, Súa"
• CEIP de Andrade, Pontedeume: Calendario "Lois Pereiro"
• IES de Porto do Son: Todo Lois Pereiro 2011

Recoméndase un percorrido polos blogues das bibliotecas escolares galegas para obter unha idea das actividades programadas e da súa diversidade: PRIMARIA  -  SECUNDARIA

 Unha vez máis, un bo feixe de bibliotecas escolares galegas puxéronse á tarefa de botar adiante un proxecto conxunto. A raíz dunha proposta inicial, a través de correos electrónicos de ida e volta, foise perfilando a idea de SALVAR UN LIBRO a fin de "chamar a atención sobre a importancia de apreciar, coidar e manter o noso patrimonio cultural escrito". Un total de 96 bibliotecas escolares de distintos niveis de ensino sumáronse a este traballo conxunto. Despois dunha fase interna, cada centro educativo elixiu un libro galego para salvar, que son os que se recollen nuns carteis, deseñados polo ilustrador Jaime Eizaguirre Santillán, ex-alumno do IES Sánchez Cantón e que xa ten colaborado en proxectos anteriores, sempre de forma desinteresada. O traballo estivo coordinado polas responsables das bibliotecas de EEI de Vide (As Neves) e do IES Luís Seoane (Pontevedra), coa colaboración tamén da responsable do IES Sánchez Cantón (Pontevedra).

• SALVANDO LIBROS. CENTROS DE INFANTIL
• SALVANDO LIBROS. CENTROS DE PRIMARIA
• SALVANDO LIBROS. CENTROS DE SECUNDARIA

Onte, 11 de maio, celebrouse en Madrid, na Biblioteca Nacional, o acto de entrega dos premios correspondentes ao Concurso Nacional de boas prácticas en xestión e dinamización de bibliotecas escolares, do ano 2010. Como xa se difundira, un total de oito bibliotecas escolares galegas resultaron galardoadas nesta ocasión, sumándose así aos 21 premios acadados desde que se iniciou esta convocatoria, no ano 2003.  Parabéns ás comunidades educativas dos centros que recibiron onte este recoñecemento, polo seu traballo a prol da innovación educativa e pola súa contribución á construción da sociedade lectora. Imaxes

+ información: AQUÍ, aquí, aquí, aquí e aquí.

Velaquí un vídeo resume dos Encontros do Plan de mellora de Bibliotecas Escolares 2010/2011, que tiveron lugar en Santiago de Compostela os pasados 7 e 8 de abril, coa asistencia dos responsables das 374 bibliotecas integradas no presente curso neste programa da Consellería de Educación. + información e acceso aos materiais AQUÍ (entrar como convidado).

(Premer e seleccionar esta reportaxe)

 

O día 2 de maio, no programa da TVG A Revista, emitiuse esta reportaxe sobre dúas bibliotecas escolares singulares, que responden a dúas concepcións distintas, con funcionalidades tamén distintas. Por unha banda, a biblioteca histórica do IES Xelmírez I, de Santiago de Compostela, e pola outra, a biblioteca do IES Manuel Antonio, de Vigo, unha biblioteca que responde ao actual modelo impulsado desde a Consellería de Educación, a través do Plan de mellora de bibliotecas escolares, no que está integrada desde o curso 2007/2008. A celebración do Día do Libro, o pasado 23 de abril, mereceu a atención da "Galega", que emitiu estas reportaxes relacionadas coas bibliotecas: 1 - 2

As Bibliotecas Escolares non poden pararse, e menos neste mes de abril, que vén cargado de encontros, soños e actividade arredor do libro e da lectura. O vindeiro 23 de abril, aínda que sexa período vacacional, non pasa desapercibido. Este Día Mundial do Libro e dos Dereitos de Autor, é un día para reivindicar eses "lugares para a lectura" que construímos entre os lectores e os libros (calquera que sexa a forma que estes libros acaben tomando).

O poeta Carlos Negro agasallou ás Bibliotecas Escolares Galegas cun fermoso texto, "O lugar da lectura", e a Consellería de Educación editou con el un marcapáxinas para celebrar este 23 de abril de 2011. Agradecemos a Carlos Negro as fermosas imaxes do seu texto, aproveitamos para poñer a bufanda colorada e saímos pasear pola fenda do espello.

MARCAPÁXINAS (dobrar en sentido lonxitudinal)

No blogue HORA DE LER hai algúns exemplos da forma en que as bibliotecas escolares galegas celebran este día.

O DOG do 5 de abril fai pública a Orde do 17 de marzo de 2011 pola que se convoca o Plan de mellora de bibliotecas escolares en centros públicos non universitarios de titularidade da Consellería de Educación e O. Universitaria, para o curso 2011/2012. Seleccionaranse 75 novos centros e, así mesmo, poderán continuar no programa aqueles centros xa integrados que presenten a documentación oportuna e acaden valoración positiva na memoria do presente curso 10/11. Esta actuación está cofinanciada polo Ministerio de Educación, en virtude do Convenio de colaboración para a mellora das bibliotecas escolares, un programa de cooperación entre as dúas administracións educativas, iniciado en 2005. O prazo de presentación de solicitudes e de documentación é de un mes, rematando pois o cinco de maio.

TEXTO DA CONVOCATORIA

ACCESO AOS ANEXOS en formato electrónico (Cubrir directamente, imprimir e enviar de forma ordinaria)