- CEIP Canosa-Rus (Coristanco): Mes da ciencia en galego: "Maxia vs Ciencia"
- CEIP de Cervo (Lugo): Novembr, mes da ciencia... ficción -- Un cole de película
- CEIP Frián-Teis (Vigo): Facendo ciencia na escola
- CEIP P. A Pontenova (A Pontenova): Con Gusileo e a Biblionova celebramos o mes da ciencia
- CEIP Quintela (Moaña, Pontevedra): Día da Ciencia en Galego en Quintela
- CEIP Virxe do Carme (Burela): Ecosistemas (vídeos 2º primaria)
- CPI Cabo da Area (Laxe, A Coruña): Novembro=Ciencia na biblioteca
- CPI de San Sadurniño (San Sadurniño, A Coruña): Novembro, Mes da Ciencia en Galego 2015
- EEI Barrionovo (Arteixo, A Coruña): Concurso de vídeo "Ciencia e deporte"
- EEI de Vilarrodís (Arteixo): Mes da Ciencia en Galego nas Bibliotecas Escolares
- IES de Fontexería (Muros): Exposición temática sobre os 100 anos da Teoría da Relatividade
- IES Laxeiro (Lalín, Pontevedra): Día da Ciencia en Galego -- Actividades no IES Laxeiro -- Ángel Carracedo no IES Laxeiro
- IES Monte das Moas (A Coruña): Día da Ciencia en Galego -- Exposición "O Patrimonio Marítimo de Galicia" -- Folla de visita da exposición
- IES de Porto do Son (Porto do Son, A Coruña): VI Día da Ciencia en Galego con Xurxo Mariño
- IES Universidad Laboral (Culleredo): Exposición fondos de ciencia e ciencia-ficción -- Día da Ciencia en Galego con Xurxo Mariño
- IES A Xunqueira II (Pontevedra): Videoconferencia con Xurxo Mariño -- Semana da ciencia 2015. Luz, sombra e penumbra
Bibliotecas escolares
Novembro, Mes da Ciencia en Galego nas Bibliotecas-2015
24 de outubro, Día da Biblioteca, tamén da Biblioteca Escolar.
![](/biblioteca/blog/files/u2/BIBLIOTECA15_3.jpg)
- CEIP de Cervo (Cervo): Día das Bibliotecas Escolares
- CEIP Lamas de Abade (Santiago de Compostela): Os avós da Biblioteca
- CEIP de Leirado (Salvaterra do Miño). Día da biblioteca: os monstros de Compostela
- CEIP Virxe do Carme (Burela): 24 de outubro, Día das Bibliotecas Escolares
- CPI de Panxón (NIgrán): 24 de outubro, Día da Biblioteca Escolar
- IES Fernando Esquío (Neda): 24 de outubro, Día das Bibliotecas. No 150 aniversario de Rudyard Kipling...
- IES Lama das Quendas (Chantada): Mercadiño de libros 2015
- IES San Paio (Tui): Outubro, mes do outono e das bibliotecas escolares. 24 de outubro, día das Bibliotecas
- IES Xograr Afonso Gómez de Sarria (Sarria): Concurso do Día da Biblioteca
![](/biblioteca/blog/files/u2/islmonthsmall.jpg)
Biblioteca escolar, base de exploracións
![](/biblioteca/blog/files/u2/cartel_def_15_petit2_0.jpg)
Resolución definitiva da convocatoria do Plan de mellora de bibliotecas escolares - PLAMBE 2015/2016
![](/biblioteca/blog/files/u2/logopetit_0.jpg)
Biblioteca escolar, base de exploracións
"Biblioteca escolar, base de exploracións" é o lema elixido este curso para o cartel da campaña anual de bibliotecas escolares que a Consellería de Cultura, Educación e Ordenación Universitaria, enviará en breve a todos os centros públicos como reforzo das actuacións da biblioteca escolar e para apoiar a visibilidade dos seus recursos e das súas oportunidades de aprendizaxe.
A imaxe do cartel responde á interpretación que deste lema fixo o ilustrador e autor de cómic FRAN BUENO, e ten suficiente carga simbólica e información como para espertar o interese do alumnado.
En efecto, a biblioteca escolar pode ser a base desde a que explorar o mundo real, pero tamén os mundos imaxinarios; os materiais impresos e os recursos electrónicos achégannos informacións sobre todo aquelo que queremos coñecer e comprender; é un espazo para a investigación individual e para o traballo en equipo; é un espazo integrador cheo de oportunidades de aprendizaxe.
O lema "Biblioteca escolar, base de exploracións" chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido.
Instrucións sobre o funcionamento da biblioteca escolar para o curso 2015/2016
Os centros docentes disporán dunha biblioteca escolar. Tomaranse as medidas organizativas necesrias para que a biblioteca escolar teña un funcionamento estable e sirva aos obxectivos do proxecto lector de centro (Decreto 86/2015 do 25 de xuño polo que se establece o currículo de educación secundaria obrigatoria e do bacharelato da Comunidade Autónoma de Galicia, artigo 38, punto 3.)
Comeza un novo curso escolar e o Portal Educativo publica as INSTRUCIÓNS de 1 de setembro de 2015, da Dirección Xeral de Centros e Recursos Humanos, en relación coa organización e o funcionamento das bibliotecas escolares, para o curso 2015/2016, destinadas aos centros non universitarios de titularidade da Consellería de Cultura, Educación e Ordenación Universitaria.
Resolución provisional do Plan de mellora de bibliotecas escolares (2015/2016)
O Portal Educativo vén de publicar a Resolución provisional do Plan de mellora de bibliotecas escolares para o curso 2015/2016, segundo o recollido na Orde de convocatoria de 30 de marzo de 2015 (DOG de 15/04/2015). Esta resolución provisional recolle a listaxe de 25 centros que, segundo o contemplado na convocatoria, serán incorporados ao Plan de mellora de bibliotecas escolares no vindeiro curso 2015/2016, cunha asignación provisional de contías.
Trala lectura e valoración das memorias dos centros até o momento integrados no PLAMBE, correspondentes ao curso que remata, e vistas as renuncias ou baixas ocasionadas (que na medida do posible serán suplidas con novas incorporacións), publicarase a resolución definitiva no DOG no mes de setembro. Nesta resolución recollerase a totalidade de centros que conformarán este programa no vindeiro curso (575) e as correspondentes contías asignadas para o curso 2015/2016.
Congreso Iberoamericano de Bibliotecas Escolares: CIBES 2015
Baixo o lema "Educación por competencias: reto del milenio para la interculturalidad y la inclusión social", celebrase en Getafe (Madrid), do 26 ao 28 de outubro, na Universidade Carlos III de Madrid, o I Congreso Iberoamericano de Bibliotecas Escolares, froito da colaboración entre esta universidade, o concello de Getafe e a Universidade Estatal Paulista de Brasil.
O colectivo de profesionais vinculados ás bibliotecas escolares poderán presentar comunicacións asociadas a algún dos catro eixos temáticos previstos:
- A biblioteca escolar no proceso educativo: ensinanza e aprendizaxe
- Comprensión lecto-escritora como factor de inclusión
- As alfabetizacións na Biblioteca Escolar
- Contidos para o desenvolvemento de competencias naBiblioteca Escolar
O prazo para a presentación de resumes de comunicacións remata o 6 de xullo.
Selos "Biblioteca Escolar Solidaria"
O programa "Bibliotecas Escolares Solidarias", que botaba a andar o pasado 5 de decembro de 2014, contemplaba entre as súas accións, a concesión anual dun SELO "BIBLIOTECA ESCOLAR SOLIDARIA" como recoñecemento a aquelas bibliotecas que son o resultado do esforzo de comunidades educativas atentas ás necesidades de todos os seus integrantes en materia de lectura e de acceso ao coñecemento.
Valoradas as candidaturas presentadas, concédense selos de "biblioteca escolar solidaria" a catro centros de ensino primario:
- CEIP de Leirado, de Salvaterra de Miño (Pontevedra)
- CEIP Montemogos, de Bueu (Pontevedra)
- CEIP Plurilingüe A Pontenova, de A Pontenova (Lugo)
- CEIP Seis do Nadal, de Vigo (Pontevedra)
Este selo é un distintivo de calidade en termos de traballo solidario e a favor da comunidade educativa, no ámbito da lectura e as compensacións das desigualdades en materia de acceso aos recursos culturais e de aprendizaxe. Parabéns ás comunidades educativas destes centros. (En breve publicarase un resume das súas actividades).
ACCESO á Resolución da Dirección Xeral de Centros e RRHH, de 16 de xuño de 2015, que dá a coñecer a concesión destes selos, correspondentes ao ano 2015.
Voluntariado de Lectura - A: centros seleccionados para as xornadas de convivencia 2015
Publicada no Portal Educativo a resolución de 13 de maio de 2015 pola que se comunica a selección de centros que, finalmente, participarán nas xornadas de convivencia do Voluntariado de Lectura-A (5º e sexto de primaria), que terán lugar no CRD da Coruña (Culleredo) entre o 26 e o 29 de maio. Un grupo de 50 nenas e nenos, en representación dos voluntarios e voluntarias da biblioteca escolar do seu centro, asistirá a estas xornadas nas que participarán en obradoiros e actividades diversas relacionadas coa lectura expresiva, a narración oral, os xogos cooperativos e tradicionais, o traballo colaborativo, a robótica, o teatro, as danzas do mundo ou bailes tradicionais. Visitarán, así mesmo a Biblioteca "Ágora" e o Museo Nacional de Ciencia e Tecnología (MUNCYT) na Coruña. Dos 45 centros inscritos neste curso presentaron memorias das súas actividades un total de 42 centros, con experiencia nas distintas modalidades (colaboración na biblioteca escolar, lecturas compartidas dentro do centro, lecturas compartidas fóra do centro). Estes"voluntarios de lectura" procederán dos seguintes centros:
- CEIP Francisco Vales Villamarín (Betanzos, A Coruña)
- CEIP Ramón Falcón (Castro de Rei, Lugo)
- CEIP Carlos Casares (Xinzo da Limia, Ourense)
- CEP Altamira (Salceda de Caselas, Pontevedra)
Convocatoria do Plan de mellora de bibliotecas escolares para o curso 2015/2016
Trátase da undécima convocatoria dun programa polo que se estimula a renovación das bibliotecas escolares de cara a que cada centro conte cunha biblioteca que poida exercer as funcións que o sistema educativo e a sociedade de información demandan: un centro de recursos de lectura, información e aprendizaxe; pero tamén un espazo de encontro entre os distintos sectores da comunidade educativa, no que poder medrar e formarse como lectores e como usuarios da información. Bibliotecas que apoian a alumnado e profesorado en todos os procesos de aprendizaxe, que facilitan recursos variados e actualizados; favorecen a adquisición de competencias clave para o alumnado (lectura, aprender a aprender, competencia dixital, competencia informacional....); ofrecen formación específica para o uso e produción de información, e posibilitan o acceso a actividades de extensión cultural como presentacións de libros, recomendacións, recitais, lecturas compartidas, clubs de lectura, etc. As modernas bibliotecas escolares son tamén laboratorios de ideas e espazos de experimentación no que alumnado, profesorado e familias poden compartir inquedanzas, formación e lecer e nas que a cultura impresa e a cultura dixital se integran de forma natural. O empeño de profesorado, os recursos, as orientacións, a difusión das boas prácticas e a formación permiten avances neste programa, incluído no PLAN LÍA (Lectura, Información e Aprendizaxe) de Bibliotecas Escolares da consellería.
Materiais dos Encontros do Plan de mellora de bibliotecas escolares 2014/2015
Os pasados 12 e 13 de marzo de 2015 celebráronse en Santiago de Compostela os Encontros do Plan de mellora de bibliotecas escolares 2014/2015, coa asistencia de 550 profesoras e profesores, responsables das bibliotecas escolares integradas neste programa da consellería.
En redeBE, o espazo moodle de Bibliotecas Escolares de Galicia, están dispoñibles xa os materiais destes encontros, co fin de que os equipos de bibliotecas e todo o profesorado interesado poida acceder ás presentacións dos relatores e a outras informacións de interese sobre os contidos do programa. En breve subiranse tamén os vídeos gravados nas diferentes sesións.
Entre os materiais dispoñibles, a versión pdf do cómic VIVIR NO SOLO, con guión de Marilar Aleixandre, editado co gallo da celebración do ano 2015 como Ano Internacional dos Solos. Esta publicación, da Delegación Territorial da Sociedade Española da Ciencia do Solo en Galicia, coa colaboración do concello de Santiago de Compostela, foi distribuída nos encontros de forma que puidese chegar, en formato impreso, a todas as bibliotecas do Plan de mellora.
Nos encontros distribuíuse tamén o libro "Choven palabras no futuro" editado pola Xunta de Galicia (Secretaría Xeral de Cultura) en colaboración con GALIX, co gallo da conmemoración dos 25 anos desta Asociación Galega do Libro Infantil e Xuvenil.
Premio "Francisco Fernández del Riego á colaboración no ámbito editorial e cultural" para Bibliotecas Escolares de Galicia
A Asociación Galega de Editores decidiu conceder o Premio "Francisco Fernández del Riego á difusión do ámbito editorial e cultural, correspondente ao ano 2014, ás Bibliotecas Escolares de Galicia. O pasado venres 13 de marzo, o conselleiro Cultura, Educación e O.U. recibiu o premio, no acto celebrado no Pazo da Cultura de Pontevedra, en representación de todo o profesorado e das comunidades educativas que fan posible a existencia de bibliotecas activas e útiles nos centros educativos galegos.
Desde a Dirección Xeral de Centros e Recursos Humanos, e desde a Asesoría de bibliotecas escolares, agradécese aos editores galegos este recoñecemento. Xa en ocasións anteriores, os editores galegos amosaran interese polos programas de mellora das bibliotecas escolares e de fomento da lectura no contexto educativo ao convidar a integrantes da Asesoría de bibliotecas escolares para participar no seu simposio anual do libro e da lectura, en diferentes anos, co fin de expoñer as características e os logros destas iniciativas da administración educativa galega. Agradécense, así mesmo, estas ocasións para dar visibilidade a unha realidade educativa e cultural que contribúe á mellora dos índices de lectura da sociedade galega, e traballa por ofrecer oportunidades de aprendizaxe renovadoras e actuais a todo o alumnado.
- AGE: As Bibliotecas Escolares de Galicia recibirán o Premio Francisco Fernández del Riego
- AGE: Os Premios da Edición entréganse este venres no Pazo da Cultura de Pontevedra
- AGE: Os Premios da Edición 2014 foron entregados onte en Pontevedra
- Brétemas:Noite da Edición 2015
- Portal Educativo: Román Rodríguez subliña que o Premio Fernández del Riego...
- Rede Lectura: Premio Fernández delRiego para Bibliotecas Escolares de Galicia
- Rede Lectura: Premios da Edición 2014
Encontros do Plan de mellora de bibliotecas escolares 2014/2015
Os vindeiros 12 e 13 de marzo terán lugar en Compostela (Palacio de Congresos) os Encontros do Plan de mellora de bibliotecas escolares, unha cita anual do profesorado que coordina e representa aos equipos de bibliotecas escolares dos centros integrados neste programa. No presente curso participan deste Rede de bibliotecas escolares que supón o PLAMBE, un total de 550 centros distribuídos por toda a xeografía do país.
Coma en anos anteriores, a participación nos encontros será do seguinte xeito:
- 12 de marzo: responsables das bibliotecas dos 33 centros que se incorporaron ao PLAMBE na convocatoria de 2014.
- 13 de marzo: responsables do resto das bibliotecas do PLAMBE ata un total de 550.
Informe Proxecto E-LBE 2012-2014
A finais do curso 2013/2014 remitiuse un formulario web de avaliación aos 115 centros participantes no Proxecto E-LBE, iniciado en novembro de 2012 co fin de introducir os lectores electrónicos nas bibliotecas integradas no Plan de mellora de bibliotecas escolares. Pretendíase recolleras valoracións do equipo de biblioteca en relación coa súa experiencia cos lectores electrónicos. Respostaronao formulario, no prazo sinalado, 105 centros. A partir das súas respostas elaborouse o presente INFORME.
O proxecto E-LBE foi unha oportunidade para introducir os dispositivos de lectura dixital nas bibliotecas escolares, motivar ao profesorado a coñecer as súas posibilidades e facilitar ao alumnado oportunidades de achegamento ao libro dixital, nun contexto de aprendizaxe e coa guía do profesorado. Permitiu, así mesmo, que o alumnado das zonas rurais puidese achegarse á realidade do libro electrónico e vivir a experiencia da lectura neste tipo de dispositivos. Desta forma, a biblioteca escolar podía cumprir unha das súas funcións, a de paliar as desigualdades no acceso aos recursos culturais. Cómpre lembrar que a ubicación do centro en concello de baixa densidade de poboación foi un dos criterios á hora de atender as solicitudes de participación neste programa.
Novos artigos de bibliotecas escolares na revista EDUGA
![](/biblioteca/blog/files/u2/lemosle2.jpg)
- Apartado BIBLIOTECA ESCOLAR
- Apartado BOAS PRÁCTICAS:
- OS XOGOS TRADICIONAIS. Un proxecto interdisciplinar coordinado pola biblioteca (IES Rafael Dieste, A Coruña)
- VOLUNTARIADO DE LECTURA NAS BIBLIOTECAS ESCOLARES (Responsables das bibliotecas dos centros seleccionados na convocatoria de Voluntariado de Lectura-A, no curso 2013/2014)
- NAVEGANDO NUN MAR DE INFORMACIÓN (CEIPPlurilingüe de Andrade, Pontedeume)
- A BIBLIOTECA NO CENTRO (CEIP de Pazos, Ferrol)
- A BIBLIOTECA MUSICAL NUN CONSERVATORIO DE MÚSICA (CEMUS Xan Viaño, Ferrol)
- CIENCIA E BIBLIOTECA ESCOLAR (CEIP de Cespón, Boiro)
- COMPARTINDO A BIBLIOTECA (IES As Mariñas, Betanzos)
- FEIRA DA CIENCIA E DA TECNOLOXÍA. BIBLIOTECA E CIENCIA 2014 (IES Eduardo Blanco Amor, Ourense)
- ÁFRICA DIVERSA, COÑECER PARA COMPRENDER (IES Antón Losada Diéguez, A Estrada)
- Apartado HORA DE LER:
- CINCO ANOS NA BOCA DO LOBO (Club de lectura "A boca do lobo", do IES de Mugardos)
- TERTULIAS LITERARIAS EN ALLARIZ (IES de Allariz)
- LEMOS LE. BIBLIOTECAS E LIBRERÍAS UNIDAS POR E PARA A LECTURA (CEIP Virxe do Carme, de Sober; CEIP A Gándara, de Monforte de Lemos)
- BENVIDA E BENVIDOS Á NOSA BIBLIOTECA (CEIP Saco e Arce, de Toén)
- CINCO ANOS NA BOCA DO LOBO (Club de lectura "A boca do lobo", do IES de Mugardos)
ESTE ENLACE dá acceso a todos os artigos publicados até o momento porla revista EDUGA na sección de BIBLIOTECAS.
Materiais das V Xornadas de Bibliotecas Escolares de Galicia
Están dispoñibles en redeBE os materiais das V Xornadas de Bibliotecas Escolares de Galicia, celebradas en Santiago de Compostela os pasados 7 e 8 de novembro.
A través deste espazo moodle pódese acceder ás presentacións de expertos e docentes incluídos no programa das xornadas; os blogues de cada unha das bibliotecas e outras informacións de interese.
En breve, subiránse tamén á redeBE as gravacións realizadas nas distintas salas.
Mes da Ciencia en Galego nas Bibliotecas
ENTUSIASMO E PROXIMIDADE SON A CLAVE DA DIVULGACIÓN CIENTÍFICA. Ángel Carracedo.
Desde a Consellería de Cultura, Educación e Ordenación Universitaria vaise impulsar a celebración anual do mes de novembro como MES DA CIENCIA EN GALEGO NAS BIBLIOTECAS. Iníciase esta actuación coa elección dunha imaxe e a difusión dun texto, a modo de MANIFESTO, do científico Ángel Carracedo, profesor de Medicina Legal, Ética Médica e Bioloxía Molecular da Universidade de Santiago de Compostela. Conocido investigador e divulgador científico, Ángel Carracedo ten colaborado coas bibliotecas, tanto públicas como escolares, na difusión dos valores científicos e do acceso ao coñecemento.
Desde a Asesoría de bibliotecas escolares realizouse unha recompilación de recursos dixitais relacionados coa ciencia, en galego, que se pon a disposición de todas as bibliotecas: libros e unidades didácticas descargables en formato pdf, páxinas web de institucións, museos e asociacións de profesores e divulgadores científicos, convocatorias e propostas, blogues de ciencia dos centros educativos, experiencias de bibliotecas escolares, etc.
Amplíase a oferta de maletas viaxeiras
Coincidindo co mes da biblioteca escolar, neste mes de outubro, a Asesoría de Bibliotecas Escolares daba a coñecer unha nova aplicación que, baixo o nome de MALETAS VIAXEIRAS, permite ás bibliotecas dos centros interesados a reserva de maletas de diferentes temáticas para levar en préstamo temporal, como apoio ás súas actividades.
Ademais das xa coñecidas sobre cómic, lectura, Camiño de Santiago, Os mundos de Cunqueiro, matemáticas, e materiais para as familias, veñen de incorporarse dúas maletas moi especiais e que poden ser do interese dos centros de ensino secundario e formación profesional. Trátase das maletas de "economía", cunha selección coidada de libros e recursos audiovisuais que poden contribuír ao coñecemento das claves para entender o momento económico e social que vivimos nos últimos anos, pero tamén para introducir ao alumnado no ensaio, un xénero que precisa dun lector específicamente activo.
As maletas ofrécense en préstamo temporal (15 días, agás excepcións) e os centros deben recollelas e entregalas na Asesoría de bibliotecas escolares (Consellería de Educación, San Caetano, Santiago de Compostela), persoalmente ou a través dos medios que consideren oportuno. INSTRUCIÓNS
Programa das V Xornadas de Bibliotecas Escolares
Programa das V Xornadas de Bibliotecas Escolares de Galicia que terán lugar en Santiago de Compostelaos vindeiros 7 e 8 de novembro de 2014, no Palacio de Congresos. PROGRAMA |
Día da biblioteca 2014: un día, moitas propostas
Vannos chegando noticias das distintas formas nas que as bibliotecas escolares galegas foron celebrando neste mes de outubro que remata o seu "Día da biblioteca", ás veces o "mes da biblioteca escolar", seguindo a proposta da IASL. As propostas son variadas e responden á creatividade, á experiencia e á sensibilidade de cada equipo de biblioteca; tamén ás liñas priotritarias de actuación de cada centro, coma no caso da imaxe (CEIP Mestres Goldar, Vigo). Velaquí algúns outros exemplos:
- CEIP Antonio Pedrosa Latas (Viveiro, Lugo)
- CEIP de Bandeira (Silleda, Pontevedra)
- CEIP de Cervo (Cervo, Lugo)
- CEIP Eduardo Pondal (Vigo, Pontevedra)
- CEIP Filomena Dato (Barbadás, Ourense)
- CEIP Frián-Teis (Vigo, Pontevedra)
- CEIP P. de Guillarei (Tui, Pontevedra)
- CEIP de Leirado (Salvaterra de Miño, Pontevedra)
- CEIP Manuel Cordo Boullosa (Ponte Caldelas, Pontevedra)
- CEIP Montemogos (Bueu, Pontevedra)
- CEIP A Pedra (Bueu, Pontevedra)
- CEIP A Pontenova (A Pontenova, Lugo)
- CEIP Quintela (Moaña, Pontevedra)
- CEIP Ría de Vigo (Vigo, Pontevedra)
- CEIP Saco e Arce (Toén, Ourense)
- CEIP Virxe do Carme (Burela, Lugo)
- CEP Luís Tobío (Viveiro, Lugo)
- CPI Cernadas de Castro (Lousame, A Coruña)
- EEI Barrionovo (Arteixo, A Coruña)
- EEI de Vide (As Neves, Pontevedra)
- IES Monelos (A Coruña)
- IES Monte das Moas (A Coruña)
- IES Pazo da Mercé (As Neves, Pontevedra)
- IES Xoán Montes (Lugo)
- IES Xograr Afonso Gómez (Sarria, Lugo)
Maletas viaxeiras en préstamo temporal aos centros.
Neste mes de outubro, declarado pola IASL como Mes Internacional da Biblioteca Escolar, as bibliotecas escolares galegas botan a andar proxectos anuais ben interesantes. A chegada aos centros do cartel co lema BIBLIOTECA ESCOLAR... MATEMÁTICO! é unha contribución da consellería á visibilización das múltiples posibilidades da biblioteca ao servizo do currículo e, tamén, da súa potencialidade para espertar o gusto polas matemáticas.
Como complemento a este material, póñense en marcha as MALETAS VIAXEIRAS DE MATEMÁTICAS (primaria - secundaria) , que xunto con outras de contido moi diverso (banda deseñada, ciencias naturais, física e química, bioloxía, inglés, ou maletas para familias) estarán dispoñibles para os centros que as soliciten, en préstamo temporal. Amplíase así a oferta xa existente nestes últimos cursos (poesía, lectura, cómic, Camiño de Santiago, Os mundos de Cunqueiro).
Para coñecer o contido das maletas dispoñibles, así como para realizar a SOLICITUDE ou coñecer o estada do RESERVA, débese acceder a esta APLICACIÓN DAS MALETAS VIAXEIRAS, que se mantén desde a Asesoría de Bibliotecas Escolares.
Clicando sobre a imaxe dunha maleta en concreto, accédese ao seu contido. Na maioría dos casos, hai tamén un documento con bibliografía e recursos complementarios. Velaquí o caso da maleta MATEMÁTICAS A (Secundaria).
Clicando no apartado RESERVA de cada unha das maletas, accédese ás INSTRUCIÓNS e ao FORMULARIO para realizar a solicitude.
As maletas pódense solicitar en préstamo temporal de 15 días 30 días, ampliable se non houbese máis solicitudes pendentes. O traslado destes materiais é de responsabilidade do centro solicitante, que debe recoller e entregar na localización da maleta (en principio, a propia Asesoría de BE).
V Xornadas de bibliotecas escolares
Está aberto en FPROFE o prazo de inscrición para as V XORNADAS DE BIBLIOTECAS ESCOLARES DE GALICIA, que se organizan para os vindeiros 7 e 8 de novembro de 2014, en Santiago de Compostela (Pazo de Congresos).
Retómase así esta cita anual do profesorado máis interesado no ámbito das bibliotecas escolares, a lectura e o traballo por competencias desde e coa biblioteca escola; o profesorado que mantén a xestión das bibliotecas nos centros ou precisa para exercer a súa función docente destes instrumentos esenciais para o desenvolvemento do currículo e a formación integral do alumnado.
O programa destas V Xornadas de Bibliotecas Escolares de Galicia contará con experiencias moi variadas nas que a biblioteca ten un papel protagonista (lectura e alfabetizacións múltiples, traballo coas matemáticas, proxectos interdisciplinares), e coa presencia de expertos en áreas imprescindibles á hora de avanzar no campo das bibliotecas como a profesora Mónica Baró (referencia fundamental no ámbito das bibliotecas escolares desde a Facultade de Biblioteconomía e Documentación da Universitat de Barcelona). Pola súa parte, Javier Guallar (profesor de documentación e de comunicación en varias universidades e editor da revista EPI, El profesional de la Información , co autor do libro "El content curator" e do blogue "Los content curators" ) introduciranos na "curación" de contidos nas bibliotecas. As xornadas iniciaranse coa conferencia do escritor Ricardo Gómez, autor de varios títulos de ficción e de divulgación nos que as matemáticas están moi presentes. Pechará estas V Xornadas o profesor da Universitat Autónoma de Barcelona, Jose Manuel Pérez Tornero, director do Gabinete de Comunicación e Educación nesta universidade, experto e consultor da UNESCO e da Unión Europea en materia de alfabetización informacional e mediática. Entre outras actividades, estas xornadas incluirán a presentación do informe do Consejo de Cooperación Bibliotecaria sobre "Prospectiva das bibliotecas 2020: As dez áreas que máis van cambiar nas nosas biblitoecas nos próximos anos". En breve difundirase o programa completo.
O prazo de inscrición nestas xornadas remata o vindeiro 12 de outubro.