Recibidas instruccións da Consellería de Educación, Universidade e Formación Profesional, o centro procederá a rematar o proceso evaluativo correspondente ao segundo trimestre, polo que precisamos o seguinte:
- O profesorado do centro está traballando na elaboración das cualificacións da segunda avaliación cos instrumentos de avaliación utilizados até o día 12 de marzo, data de suspensión da actividade lectiva presencial. Todo o alumnado do centro será avaliado en atención ás circunstancias extraordinarias que estamos a vivir.
- É probable que unha gran parte do alumnado non realizara todas as probas de avaliación que estaban programadas para este trimestre polo que as cualificacións adaptaranse aos indicadores utilizados e recollidos nas programacións didácticas, o que implica que outros instrumentos de cualificación distintos ás probas escritas (entrega de traballos, traballo na aula, etc.) cobren maior peso na cualificación.
- Os aspectos curriculares non impartidos, ou non avaliados, trasládanse á 3ª avaliación polo que as cualificacións numéricas desta avaliación referiranse exclusivamente ao efectivamente avaliado.
As cualificacións publicaranse o venres 3 de abril e serán notificadas a través do abalarMóbil e de TokappSchool, para o que deberedes ter instalado o aplicativo nalgún dos teléfonos comunicados previamente ao centro.
Se xurde algún problema poden contactar co centro no correo electrónico ies.xograr.afonso@edu.xunta.gal ou chamar por teléfono de 10,00 a 13:00hs
Sobre o proceso de avaliación: 982870805 (xefatura de estudos) ou 982870808 (orientación)
Sobre abalarMóbil: 982870803 (secretaria)
Sobre TokappSchool: 982870804 (vicedirección)
Sobre as axudas aos usuarios de comedor: 982870802 (secretaría)
Outros asuntos: 982870801 (centralita)
