Chelu, educador dun Centro de Internamento de Menores en Pontevedra, explicou ao alumnado de 3º da ESO os aspectos máis relevantes da Lei do Menor: réximes de internamento, medidas xudiciais que se aplican ós menores, así como os delitos máis habituais que cometen os/as adolescentes e que causan a aplicación destas medidas. Entre eles explicou casos reais de bullying, ciberbullying, sextorsión, uso inapropiado de redes sociais, roubos, delitos relacionados coa seguridade viaria, delitos relacionados coas drogas, abuso e agresións sexuais,…etc, co obxectivo de concienciar ao alumnado das consecuencias que poden ter ditos actos.
