O período de vacacións de Nadal abrangue dende o venres 23 de decembro de 2022 ao venres 6 de xaneiro do 2023, ámbolos dous incluídos. O horario de atención ao público, nos días laborables, será de 10:00 a 13:00 horas durante este período. Se non poden personarse nas oficinas ou para solicitar documentación, con carácter urxente, pode chamar neste horario aos teléfonos 982 870 236 ou 638 752 187.
Co fin de garantir a seguridade de todo o alumnado, profesorado e persoal que se atopa nas instalacións do IES Val do Asma, indícase o Protocolo de evacuación que, encaso de emerxencia, deberá seguir toda a comunidade educativa.
O vindeiro xoves, 20 de outubro, ás 18:00 horas, celebrarase na aula de referencia do grupo, a reunión de inicio de curso entre as familias e os titores. Na reunión de 4º ESO falarase da organización da excursión de fin de etapa.
As persoas que xa foron beneficiarias de axuda para adquiriren material escolar ao abeiro da Orde do 29 de abril de 2022, poderán recoller o vale para adquirir material escolar-ampliación por importe de 25 € adicionais no respectivo centro docente, a partir do luns 17 de outubro de 2022.
O alumnado que se incorpore a un centro docente sostido con fondos públicos ao longo do curso e ata o 31 de marzo de 2023, logo da tramitación e concesión do vale para adquirir material escolar nos termos establecidos na Orde do 29 de abril de 2022, poderá recoller no centro docente: a) O vale para adquirir material escolar por importe de 50 €. b) E o vale para adquirir material escolar-ampliación por importe de 25 € adicionais.