O xoves 25 de novembro alumnado de 1º ESO, 2º ESO e 3º ESO participará nun acto, organizado polo Centro de Información á Muller de Chantada, contra a violencia de xénero. Celebrarase no Auditorio da vila e irán acompañadas das profesoras de Bea e Tatiana (Lingua Castelá) e Ana (Francés).
Lugar: Auditorio de Chantada Grupos: 1º a 3º ESO Organiza: Equipo de Biblioteca
Alumnado das materias de Economía e Iniciativa Emprendedora de 4º ESO está a participar no proxecto educativo Segura-Mente desenvolto por Afundación Obra Social Abanca. Este poxecto foi recoñecido co premio “Finanzas para todos” do Banco de España e a CNMV.
O programa conta cun xogo online ambientado no Camiño de Santiago: a planificación da viaxe, a xestión de riscos e imprevistos, axustar e decidir os seus gastos, etc. O xogo facilita así unha aprendizaxe significativa sobre finanzas, ao mesmo tempo que reforza transversalmente os seus coñecementos de historia, arte, literatura… e mesmo os Obxectivos de Desenvolvemento Sustentable!
A aula con máis km percorridos cada mes e/ou a aula con máis partidas xogadas ao longo do curso recibirán un premio.
No seguinte documento, inclúese unha comparativa entre os sistemas educativos francés e galego realizada a raíz da participación no programa PIALE da profesora de bioloxía e xeoloxía durante o mes de novembro.
Este programa está destinado a mellorar o nivel lingüístico do profesorado e a mellorar as súas competencias docentes.
O alumnado de 1º de Bacharelato do IES Val do Asma fíxose co primeiro premio nos "Desafíos STEM: programación, robótica e impresión 3D", convocados pola Dirección Xeral de Educación, Formación Profesional e Innovación Educativa.
Concretamente acadaron dito premio na categoría "STEM afondamento", no desafío "Programación" co seu proxecto "Sistema de alarma".
Pódese consultar toda a información referente aos premios no seguinte enlace.
Alumnado do C.S. Administración e finanzas das modalidades ordinarias e dual visitarán Tecnópole (10h) en Ourense e o Viveiro de empresas (12.30h) do IES Laxeiro de Lalín.
Lugares: Ourense e Lalín Destinatarios : Alumnado CS Administración e finanzas. Organiza: Departamento de Administración.
Por mor da conmemoración do Día Internacional contra a Violencia de Xénero (25 de novembro) o IES Val do Asma realizará un obradoiro sobre o bo trato e mitos do amor romántico.
Por mor da conmemoración do Día Internacional contra a Violencia de Xénero (25 de novembro) o IES Val do Asma realizará un obradoiro sobre linguaxe non sexista.
Destinatarios: Alumnado de 1º CM e FPB. Organizan: Departamento de Orientación.