IES Ricardo Carvalho Calero

Rematamos este curso 23-24 coa graduación do alumnado de 4 da ESO.

Tiveron unha cerimonia de fin de etapa e unha entrega de diplomas a que todo o centro estivo invitado a acudir.

Como final do día,, participaron no tradicional partido de fin de curso entre o alumnado de 4º e o profesorado. Neste caso, foi o alumnado o que levou a copa de campións. Noraboa!

Moita sorte ao alumnado que comezará unha nova etapa nalgún ciclo noutros centros e esperamos que o alumnado graduado que continúa con nós, festexe en dous anos outra nova graduación. 

 O alumnado que participou no proxecto de Talentos Inclusivos tivo a oportunidade de mostrar o seu traballo no evento realizado o 14 de xuño.

O público asistente e futuros usuarios das melloras realizadas polo noso alumnado, quedou moi satisfeito co seu traballo.

Estamos seguros de que este equipo de alumnos e profesorado aprendeu moito desta experiencia e das persoas coas que compartiron este proxecto.

Moitísimas grazas pola vosa implicación!

  O alumnado de 1º e 2º da ESO comezou o mes de xuño cunha saída aos xacementos de Caldoval. Aproveitaron as actividades lúdicas-educativas que no museo tiñan preparadas para eles e coñeceron a historia dunha forma diferente.

  Ademáis, tiveron moita sorte pois, o tempo acompañounos na saída e puideron aproveitar unha tarde de praia e xogos en Mugardos.

Unha maneira moi apropiada de prapararse para os exames finais.

 Os ciclos de estética da familia de Imaxe Persoal acudiron o pasado 28 de maio a unha formación de aromaterapia.

   A formación, tanto teórica como práctica, gustou non só ao alumnado, senón tamén ao profesorado, que non perde oportunidade de continuar na formación activa das novas técnicas.