Hoxe un artigo de La Voz de Galicia faise eco da nosa futura participación no novo proxecto de Perodismo na Escola que están levando a cabo desde este mes de marzo e que rematará co curso escolar. Outra forma diferente de traballar cos xornais na escola, e co poder da información e da reflexión para motivar conciencias e formarse como cidadáns do mundo que nos toca vivir.
O noso tema ademais trata a INCLUSIÓN, un concepto fundamental para a convivencia, e que ven sendo posto en tela de xuízo por moitos colectivos que consideran chegado o momento de apostar por cambios máis radicais, fortes e definitivos. Analizaremos algunhas das características e das compoñentes de este tema, e intentaremos ofrecer unha visión positiva das vantaxes dunha sociedade inclusiva, democrática e tolerante. Non pode haber un futuro positivo se plantamos a semente da violencia, da exclusión, da segregación ou da diferenza entre clases e persoas. Agardamos polos vosos comentarios e polas vosas suxerencias, apoios e axudas para contribuír a este fin.
