Este venres 4 de outubro e como inicio dun novo curso no IES Ribadeo Dionisio Gamallo como Escola Mentora das Escolas Embaixadoras do Parlamento Europeo, recibimos a visita do eurodeputado Francisco Millán Mon, un dos máis curtidos dos nosos políticos en Europa cunha dilatada e activa carreira na defensa dos valores culturais que nos confiren unha identidade común que transcende as nosas fronteiras xeográficas.
Francisco Millán Mon é Licenciado en Dereito e ingresou na carreira Diplomática en 1980 desempeñando diversos postos. En xaneiro de 2022 ascendeu á categoría de embaixador de España. Conta cunha ampla experiencia nas institucións europeas, xa que é eurodeputado desde o ano 2004, ocupando, entre outras, responsabilidades como membro das comisións de Asuntos Exteriores e Pesca, ou como presidente do Intergrupo “Patrimonio Cultural Europeo, Caminos de Santiago y otras Rutas Culturales Europeas".
Na súa charla co alumnado de 4º ESO e 2º BAC o eurodeputado presentou a realidade política europea desde unha triple vertente: desde o plano lexislativo, aclarando e distinguindo o proceder normativo europarlamentario e as distintas fases polas que deben pasar os trámites para garantir ecuanimidade e seguridade antes de pasar á práctica, describiu así ao alumnado a esencia lexislativa das institucións europeas; o plano de traballo diario, suliñando a importancia que para Galicia ten a voz dos e das que coñecen e defenden os nosos intereses non só entre os nosos países veciños senón tamén ante a competitividade e a avidez económica doutros competidores lonxanos; e un terceiro plano de valores e ideais de identidade e cultura compartida, que unen na diversidade a toda a cidadanía e que nos comprometen na procura dun futuro en paz e progreso.
As palabras de Francisco Millán Mon, cercanas e acertadas, mantiveron ao alumnado atento e receptivo durante a hora que compartimos no salón de actos do centro, co profesorado, o director e o coordinador de programas internacionais. Unha experiencia que marcará sin duda un curso xa de por sí con grandes novidades para o alumnado. Boa sorte a todos!
Cronica3.com AmarinaXa Galicia confidencial Galicia@Press AquíDiario @PacoMillanMon
