Skip to Content

DÍA DA PAZ E SESIÓN AUTONÓMICA DO MEP

Sáb, 06/02/2021 - 15:49 — Manel

(6 de febreiro) Durante este mes que levamos de clase do recén estreado e pandemiado 2021 o alumnado do centro segue a traballar dilixentemente e segue tamén realizando as actividades que xa son clásicas no departamento aínda que de forma novedosa.

  A semana anterior e posterior ao sábado 30 de xaneiro (DÍA DA PAZ E A NON VIOLENCIA) o alumnado de Filosofía traballou sobre símbolos, protagonistas, premios Nobel e outros aspectos significativos desta data. En breve faremos público algún traballo que intenta recoller parte deste proxecto que o alumnado segue defendendo. lembrade que o 2021 é o ANO INTERNACIONAL DA PAZ E DA CONFIANZA, e tendo alumnas parlamentarias podedes ler a resolución das Nacións Unidas, e incluso pedirlles a elas que vos expliquen convenientemente eses contidos de linguaxe parlamentaria...

 

Tamén esta fin de semana, o venres e o sábado, as catro alumnas seleccionadas para a participación na II Sesión do Modelo de Parlamento Europeo aportaron todo o seu bo facer nesta singular edición do MEP. Un formato máis estresante e que nos privou de experiencias como as dos anos anteriores, pero que segue mantendo un nivel educativo, académico e social moi elevado. A súa participación foi brillante e tanto nas preguntas como nas respostas souberon presentar as súas ideas con racionalidade e boa argumentación. Unha pequena mostra deste formato virtual podedes vela nos documentos gráficos que acompañan a noticia.

(10/2/21) Artigo de El Progreso sobre as xornadas desta II Sesión e o programa MEP.

(12/12/21) Publicación en AMARIÑAXA, 

(10/2/21) Publicación da actividade en Cronica3.com.

(11/2/21) Publicación da actividade en La Voz de Galicia.

Ceremonia inaugural da II Sesión Autonómica do Modelo de Parlamento Europeo

MODELO DE PARLAMENTO EUROPEO 2021

Mar, 26/01/2021 - 07:59 — Manel

Un curso máis participamos na II Sesión Autonómica do programa Modelo de Parlamento Europeo que, baixo os auspicios da Fundación san Patricio, organiza o colexio Manuel Peleteiro de Santiago.

4 alumnas de 1º BAC (Elisa Otero Rodríguez, Helena Asensio Bande, Patricia Izquierdo Sampedro e Carme Lago Fernández) presentaron traballos de temática europea e foron elixidas para participar nesta II Sesión Autonómica do Modelo de Parlamento Europeo, que se celebrará en sesións virtuais o venres 5 de febreiro (de 9 horas a 19:30) e a mañá do sábado 6 de febreiro (de 9 horas a 14:30).

Este é o resumo das xornadas de traballo:

II Sesión Autonómica do Modelo de Parlamento Europeo

Nenos e maiores

Ven, 15/01/2021 - 13:23 — admin2

 

 

O Centro de Día Aloumiños de Foz xunto co Servizo de Axuda no Fogar Aloufogar organizaron antes do Nadal un concurso de debuxo ou relato titulado Nenos e maiores. O obxectivo era sensibilizalos respecto ó coidado das persoas maiores así como valorar o beneficio e a sorte de poder relacionarse cos avós e avoas.

 

Pois ben, na categoría de 13 a 16 anos, non só participou bastante alumnado do noso centro senón que resultaron gañadoras dúas das nosas alumnas: O 1º premio foi para o debuxo de Claudia Loureiro García, de 2º ESO A e o 2º premio foi para o relato de Carolina Bouso Díaz, alumna de 4º ESO B.

 

Parabéns ás dúas e a tódolos participantes pola sensibilidade amosada!!!

 

Claudia Loureiro: debuxo Carolina Bouso: relato

 

Preme na imaxe para ampliala

Cestas saudables

Mér, 13/01/2021 - 05:37 — admin2
                                          

Coa finalidade de fomentar hábitos de vida saudables e dar a coñecer a oferta de actividade física dende as entidades locais, o Dtpo de Educación Física organizou por primeira vez o sorteo de tres orixinais cestas saudables, grazas á colaboración do comercio local.

A forma que ten o alumnado de conseguir rifas é a través dos méritos acadados na materia de Educación Física ou por Proxectos relacionados coa mesma. No primeiro sorteo, realizado o luns 21 de decembro, resultou agraciada Carolina Carreira Noche, de 1ºBAC A, coa rifa número 1054. Noraboa!!

(01/12/2021): Calendario 2021.

Mar, 12/01/2021 - 12:46 — admin2

Como vén sendo habitual nos últimos anos, o alumnado de Literatura galega e sociedade, materia de libre configuración de centro de 2º de BAC, elaborou un calendario de sobremesa.

Este ano, o tema escollido é a vexetación do xardín do instituto. Cada mes inclúe unha foto dunha árbore ou arbusto do xardín, acompañada dun texto literario que alude a esa planta.

O alumnado que traballou no proxecto foi Nekane Fernández, Paula Freire, María Cela, Irene Logares, Chaimaa Selouane e Borja Fernández. Na edición colaborou o Equipo de dinamización da lingua galega.

CONSULTA AQUÍ O CALENDARIO COMPLETO

(21/12/2021): 100 anos do Grupo Nós.

Mar, 12/01/2021 - 12:43 — admin2

O día 21 de decembro tivo lugar unha videoconferencia sobre o Grupo Nós dirixida ó alumnado de 4º de ESO e impartida por Mª do Pilar García Negro.

O alumnado participante recibiu como agasallo un caderno sobre O Grupo Nós e outro sobre Carvalho Calero, grazas á colaboración da Exma. Deputación de Lugo, que colaborou na edición dos textos.

Coorganizaron a actividade o Equipo de dinamización da lingua galega  e o Departamento de portugués.

Iniciación ao rugby

Mar, 12/01/2021 - 08:35 — admin2

   

 

 

 

 

 

 

 

 

 

 

 

 

 

 Parte do alumnado do Instituto durante as clases de Educación Física das últimas semanas tivo a oportunidade de recibir clases de aproximación e familiarización a unha nova práctica deportiva, grazas ó Club de Rugby BeOne de Ribadeo ó que lle agradecemos a súa colaboración.

 

 

(22/12/2020): Xubilación de Carmen Rañón

Mar, 22/12/2020 - 13:18 — admin2

 

A comunidade educativa do IES de Ribadeo Dionisio Gamallo felicita a Mari-Carmen Rañón, profesora recentemente xubilada. Grazas Carmen, por todo o teu traballo e esforzo, por ser sempre exemplo de saber facer e por tantas horas dedicadas a alumnado con moitas e diversas necesidades. Querémoste!

 

 

(18/12/2020): Obradoiro de Zostera

Mar, 22/12/2020 - 06:00 — admin2

PRADEIRAS MARIÑAS, Tesouros de Diversidade

                 

O pasado venres 18 de decembro, o alumnado de 1º de ESO participou nun obradoiro a cargo do CEIDA (Centro de Extensión Universitaria e Divulgación Ambiental de Galicia) sobre as pradeiras mariñas de zostera ou herba do mar. Durante a actividade, aprenderon moitas cousas sobre estes ecosistemas de alto valor ecolóxico, tan próximos a nós pois e, ao mesmo tempo, tan descoñecidos.

Distribuir contido


by Dr. Radut