Skip to Content

MAIO

Xov, 16/05/2013 - 10:35 — admin

Roberto Vidal BolañoLETRAS GALEGAS 2013: ROBERTO VIDAL BOLAÑO

Para celebrar o Día das Letras Galegas, á parte do traballo dentro da aula, levamos a cabo diversas iniciativas:

  • Investigación do alumnado sobre aspectos básicos da vida e obra de Vidal Bolaño, a partir das láminas enviadas pola SXPL.
  • Participación no Correlingua (Mondoñedo, día 16).
  • Asistencia a unha actuación de Cándido Pazó no Cine Teatro (día 27).
  • Reparto de marcadores de lectura relacionados co autor homenaxeado.
  • O Comité de alumnos tamén organizou de seu un acto, do que podedes ver fotos no álbum correspondente a esta festividade.
  • Promoción das obras de RVB coas que contamos na nosa biblioteca.

Podedes ver algunhas fotos neste álbum.

Encontro con Xabier R. Baixeras

Xov, 25/04/2013 - 10:05 — admin

O luns, día 29 de abril, a partir das 12:20 h., visitou o instituto o poeta Xabier Rodríguez Baixeras para pronunciar unha charla e participar nun recital poético, xunto con alumnado do centro. Á actividade asistiu o alumnado de 4º de ESO e o de 1º de bacharelato. Organizou: Departamento de Lingua e Literatura Galega e Equipo de Dinamización Lingüística.

MÁIS FOTOS

Baixeras

23 de abril, DÍA DO LIBRO

Mér, 24/04/2013 - 19:16 — admin

Conmemoramos o día do libro agasallando o noso alumnado cun libro de balde. Para iso puxemos nas dúas entradas principais do instituto unha caixa de libros cun cartel animándoos a levar un exemplar e fomos repoñendo segundo ían faltando volumes. A iniciativa tivo éxito e non quedou absolutamente ningún dos libros.

día do libro foto23 abril dia do libro cartel

CONCURSO DE LECTURA

Ven, 19/04/2013 - 11:54 — admin

O día 19 de abril un grupo de alumnos e alumnas de 1º de ESO participaron nun concurso de lectura relacionado coa obra Fantasmas de luz, de Agustín Fernández Paz. Organizaron a actividade o departamento de Lingua e Literatura Galega e o Equipo de dinamización Lingüística. Os participantes recibiron un diploma e foron convidados a uns pinchos. MÁIS FOTOS

Fantasmas de luzConcurso de lectura 2013

 

 

 

 

 

 

 

 

 

 

 

 

 

 

MUSICAL

Ven, 19/04/2013 - 11:53 — admin


O día 19 de abril o alumnado de música de 2º e 3º de ESO e 1º de bacharelato asistiu un musical en Xixón. De paso visitaron o xardín botánico e coñeceron un pouco a cidade. Foron acompañados por Ángeles Ríos, profesora de Música, e por Sonia Bergantiños, Vicedirectora. Organiza o departamento de Música.   FOTOS

FEIRA DA CIENCIA

Mér, 10/04/2013 - 13:53 — admin

Os días 10 e 11 de abril tivo lugar a Feira da Ciencia. Este curso considérase de transición e o evento ten un tamaño máis reducido ca outros anos. O organizador, un ano máis, foi o profesor Antonio Gregorio Montes, do departamento de Física, que contou coa colaboración de Mª Jesús Besteiro, do departamento de ciencias.  

FOTOS

Velaquí a crónica da feira, redactada polo seu cooordinador:

Un novo centro, unha nova feira. Unha nova historia, despois de 18 edicións previas. Novos actores para un mesmo acto diferente.

A FEIRA DA CIENCIA DE RIBADEO 2013 tivo o seu momento o 10 e 11 de abril no taller de Tecnoloxía da ESO do noso IES de Ribadeo. Ese foi o lugar. O espírito, o dos 63 alumnos e alumnas de 1º de ESO, mais xente de 4º e tamén de 2º de BAC, e os visitantes, que foron case todos os alumnos de diúrno, mais xente de 6º e 5º de primaria do C.P. Grregorio Sanz, mais pais, profesores, ...

MARZO

Xov, 07/03/2013 - 11:23 — admin

NOTA: Para ver todo o mes, preme en "Ler máis"

SEMANA DA PRENSA

Día 22: Con motivo da semana da prensa, o xornalista José Alonso impartiu unha charla destinada ó alumnado de 1º da ESO. A actividade organizouna o profesor Manel Yáñez, do departamento de filosofía.

semana da prensa

VIAXE A BARCELONA

Un grupo de alumnos de 4º de ESO viaxaron o día 20 a Barcelona para participar os días 21 e 22 en Expocerca. Como acompañante foi Sonia Bergantiños, Vicedirectora. Organizou a actividade o departamento de física. MÁIS FOTOS.

BARCELONA

FEBREIRO, 2013

Lun, 28/01/2013 - 13:45 — admin

VISITA A SANTIAGO

O martes, día 26, o alumnado de 1º de bacharelato realizou unha visita a Santiago para coñecer un pouco máis a Universidade, dentro do programa A PONTE entre o ensino medio e a USC. De paso, aproveitaron para ver a cidade da cultura. Acompañáronos as profesoras Ana Quian (orientadora), Sonia Bergantiños (Vicedirectora) e Gloria Currás (departamento de matemáticas).

cidade da cultura cidade da cultura 2

MODELO DE PARLAMENTO EUROPEO

Entre os días 22 e 25, a alumna Carmen Eudoxia Díaz Pérez, de 1º de BAC, participou na XIII sesión do Modelo de Parlamento Europeo, que tivo lugar en Santiago de Compostela. Tedes máis detalles sobre esta actividade nesta crónica do profesor Manel Yáñez, que coordina a participación do noso centro na mesma. 

modelo parlamento 1

XANEIRO 2013

Xov, 10/01/2013 - 13:53 — admin

PROBAS DE ACCESO A CICLOS FORMATIVOS

Máis información no espazo do departamento de orientación.

AXUDAS PARA A FORMACIÓN EN CENTROS DE TRABALLO

Máis información en departamento de Orientación

CURSO DE GALEGO

Comunícase que está aberto o prazo de preinscrición para o curso preparatorio para a obtención do CELGA (Certificado de Lingua Galega) que se prevé impartir no centro.

Os/As interesados/as teñen de prazo para comunicar o seu nome e apelidos, DNI e teléfono de contacto ata o luns, 21 de xaneiro.

Máis información sobre os CELGA, aquí.

CELGA

DECEMBRO 2012

Lun, 10/12/2012 - 07:17 — admin

(Pincha en "ler máis" para ver todo o contido)

postal nadal 12

ACTIVIDADES NADAL

Para o último día antes das vacacións de Nadal, organizáranse as seguintes actividades:

1º ESO: A partir das 11:30 h. asistirán a proxección da película "Willy Elliot" no salón de actos.

2º ESO: A partir das 11:30 h. participarán nun obradoiro de papiroflexia e globoflexia no patio de columnas do instituto. papiroflexia

3º ESO, 4ª ESO e 1º BACH: A partir das 10:30 h. asistirán a un concerto de Mª Xosé Silvar, "Ses", no cine-teatro de Ribadeo.

Distribuir contido


by Dr. Radut