blogue deManel

 Hoxe é día festivo porque conmemoramos a vixencia da  nosa Constitución, un escrito o suficientemente  importante como para dedicarlle atención.

Desde a Filosofía está claro que supón unha reflexión  profunda sobre o que somos e como debemos  orgfanizarmos, e por esta razón imos dedicarlle un pouco de traballo. Merece a pena, e é de obrigado cumprimento.... Imos alá...

45 aniversario da CONSTITUCIÓN ESPAÑOLA

 De paso imos presentar a posibilidade de adentrarse no   intríngulis sociopolítico do ámbito europeo facendo unha   viaxe dixital para descubrir como funciona a democracia   europea, e coñecer un pouco máis pormenorizadamente   por que é importante a cita do vindeiro xuño de 2024...

Viaxe dixital polo Parlamento Europeo

Deixamos tamén unha páxina que visitaremos en futuras ocasións para ampliar os nosos coñecementos sobre os cambios que se avecinan. 

https://elections.europa.eu/es/

Hoxe luns 4 de decembro asistimos a un TALLER sobre bulos e falsas informacións no mundo virtual. Os Centros oficiais de información europea Europe Direct Castelló e Ciudad Real organizan este Obradoiro dirixido a alumnado e profesorado destinado a abordar o crecente desafío de desinformación e noticias falsas, no contexto da Unión Europea. Este obradoiro contará coa participación de María Eugenia de la Rosa, oficial de Prensa da Representación da Comisión Europea en España e de Vivian Rangel, xornalista e técnica de alfabetización mediática da Fundación Maldita.es.

Se queredes pasar un rato... escaperoom.

Se queredes instrumentos para comprobar.... Caixa de ferramentas.

Dada a actualidade e a importancia do tema para o noso traballo, enlazaremos aquí a gravación do Obradoiro cando estea preparada.

O domingo 19 e o luns 20 de novembro, as alumnas Sara Requejo Fernández, Marcela Pérez-Magdalena Villar e María Moledo de Diago participaron na V Sesión Autonómica do MEP (a alumna Claudia Loureiro García non puido asistir por enfermidade). Participaron como representantes de distintos países nas 4 Comisións temáticas propostas:

1. A saúde mental dos xoves en Europa.

2. A escasez de auga e o papel da UE.

3. A ética da Intelixencia Artificial.

4. O turismo sostible como forma de promover a economía local e rexional.

Un total de 50 xoves de 8 centros galegos (Los Sauces de Vigo, Los Sauces de Pontevedra, FEC san José de Lugo, IES Ribadeo, La Salle Santiago, IES Rosalía de Castro de Santiago, Colegio Eirís e colegio M. Peleteiro) máis os e as veteranos MEPalumni e participantes de edicións precedentes que exerceron de titores/as, coordinadores/as e asesores/as durante os 2 días de traballo, tanto na elaboración conxunta das Resolucións, como na propia Asamblea Xeral, nun exercicio de participación e democracia política de absoluto nivel e profesionalidade.

As alumnas do noso centro dialogaron. propuxeron, discutiron e interviron en todas as actividades propostas no proxecto, e, de seguro, terán experiencias e anécdotas para contar aos seus compañeiros e compañeiras que permitan dar continuidade a un proxecto ambicioso de colaboración e exercicio de democracia tolerante, de coñecemento da realidade europea e de reflexión consciente sobre os problemas que padece a nosa sociedade e as posibles solucións para evitalos nun futuro en común. 

Noraboa pois a estas 4 alumnas, porque traballaron duramente para chegar a esta participación!! 

Cronica3.com (22nov23)

TWITER

Entrevista en Cope de la costa Ribadeo (22nov23)

Amarinaxa.com (23nov23)

Entre os días 22 e 26 de outubro o coordinador de proxectos do centro participou nun encontro en Turnhout (Bélxica) titulado CQ+ De-escalating Polarisation in Europe, en Turnhout (Bélxica). Un dos obxectivos que persegue este Proxecto Erasmus+ é desenvolver a intelixencia cultural e o cociente cultural dos distintos elementos protagonistas da sociedade e conseguir unha integración e progreso superando o conflito e a polarización. O cociente cultural é a habilidade para recoñecer e adaptarse ás diferencias culturais para traballar de forma eficiente en situacións culturais diversas. Este traballo conxunto permitirá implementar as nosas aprendizaxes en escolas, empresas, organizacións voluntarias, gobernos locais, e o resto de estamentos sociais.

Demasiado tempo vai desde a derradeira publicación... Así que neste novo curso retomaremos algún aspecto divulgativo que pode ser interesante para o alumnado.

Comezamos cunha serie de charlas que un xoves ao mes (de setembro a xuño) organiza o MUNCYT de A Coruña segundo o seguinte programa:

28/09/2023 - Cajal y el laberinto del cerebro, con Fernando de Castro Soubriet, Científico Titular del CSIC y jefe del Grupo de Neurobiología del Desarrollo-GNDe. Instituto Cajal (CSIC).

26/10/2023 - El cerebro y el laberinto del olfato, con Laura López-Mascaraque, Investigadora Científica del Instituto Cajal (CSIC) y Presidenta de la Red Olfativa Española (ROE).

30/11/2023 - El cerebro y el laberinto del lenguaje, con Xurxo Mariño Alfonso, biólogo especializado en neurociencia, profesor, investigador, escritor y divulgador científico. Universidade da Coruña.

25/01/2024 - El cerebro y el laberinto del Alzhéimer, con Carlos Spuch, Investigador Senior del Grupo
de Neurociencia Traslacional, Instituto de Investigación Sanitaria Galicia Sur. CIBERSAM. Universidad de Vigo.

07/03/2024 - El cerebro y el laberinto de la obesidad con Rosa Señaris, Catedrática de Fisiología en Universidade de Santiago de Compostela. Centro de Investigación en Medicina Molecular y Enfermedades Crónicas (CiMUS).

18/04/2024 - El cerebro y el laberinto de la epilepsia, con Casto Rivadulla Fernández, profesor de Fisiología en la Universidad de A Coruña. Investigador en Neurociencia en el Grupo de Neurociencia y Control Motor, Universidade da Coruña.

23/05/2024 - El cerebro y el laberinto de alcohol, con Santiago Canals Gamoneda, profesor e investigador científico del Instituto de neurociencias de Alicante. CSIC-UMH.

06/06/2024 - El cerebro y el laberinto de la ceguera, con Eduardo Fernández Jover, profesor de biología celular Universidad Miguel Hernández, Director de la Unidad de Neuroingeniería y Neuroprótesis del Instituto de Bioingeniería.

Poderemos asistir tamén de forma virtual a través do seguinte enlace..... Falaremos sobre isto!