CURSO ACADÉMICO 2024/25

Día 22 de febreiro: publicación da listaxe do alumnado (procedente do CEIP Frian - Teis) admitido, con posto reservado no centro.

SOLICITUDES DE ADMISIÓN

(Alumnado procedente doutros centros)

Prazo: do día 1 ao 20 de marzo.

Todo o alumnado incluído no ámbito desta orde (21 de outubro de 2022) poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admision dirixirase ao centro solicitado en primeiro lugar.

Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.

Co gallo do Día Internacional en Memoria das Víctimas do Holocausto, o venres 25 recibimos no auditorio do ROU a Guillermo Touza. O alumnado de 4º da ESO tivo a oportunidade de escoitar a historia das Irmás Touza a través dos seus recordos, actividade complementaria á lectura en galego de "Memoria do silencio" de Eva Mejuto.

O instituto comezou estes días o novo programa de radio "MeteoROU". O alumnado descubriranos ao longo de todo o curso se o paraugas ou o sombreiro nos acompañarán cada día. Se facedes clic no enlace poderedes escoitalo.

• O tempo no ROU

Adxuntamos información correspondente á admisión do alumnado, relativa tanto ao proceso como aos criterios xerais de prioridade na admisión, correspondente ao curso 24/25.

Este mércores 17 de xaneiro Borxa, da asociación Orgullo Galego, achegouse ao IES para dar unha charla ao alumnado de 4° ESO sobre a presenza da lingua galega na internet e deixar constancia de que o galego é unha lingua válida para as novas tecnoloxías. Porén, explicou que queda camiño por percorrer porque aínda hai plataformas que non teñen o seu sistema operativo adaptado ao galego.

Informamos da nova normativa xa en vigor, onde se determina a prohibición dos teléfonos móbiles e dispositivos electrónicos na totalidade da xornada escolar, incluindo períodos non lectivos (recreos, etc).

No arquivo adxuntos tedes a normativa correspondente.

Estimada Comunidade Educativa. Dende o IES ROU queremos agradecervos a tod@s, pais, nais, alumnado, profesorado e persoal non docente, a vosa aportación á iniciativa solidaria na adquisición con aportación voluntaria do libro BORIS E COMPAÑIA, ilustrado polo noso profesor do Departamento de Debuxo Pablo Martínez. Todo o recadado, case 600 €, irá destinado a Rede de Mulleres Veciñais contra os Malos Tratos de Vigo. Este inicitativa non sería posible sen a aportación da propia Editorial Galaxía que donou estes exemplares ao centro .

Agradecer tamén aos diferentes medios de comunicación que fixeron a cobertura informativa e mediática desta labor solidaria e educativa.

Co gallo da conmemoración do día internacional pola eliminación da violencia contra as mulleres, no IES República Oriental do Uruguai de Vigo ( Teis ), o ilustrador Orballo, profesor de debuxo do centro, fará unha sinatura multitudinaria do seu libro da Editorial Galaxia "BORIS E COMPAÑIA". Cada persoa interesada poderá adquirir un ou varios exemplares do mesmo, donados pola propia editorial, e facer unha achega económica VOLUNTARIA, destinada a Asociación REDE DE MULLERES VECIÑAIS CONTRA OS MALOS TRATOS DE VIGO.

Este acto comezará ás 11:20 h e rematará ás 14:00 h.

Ademáis o centro expón RED FLAGS con consellos para previr conductas sexistas, inaugura o Punto de Igualdade na Ágora do centro, fai homenaxe ás victimas de violencia de xénero do 2023 na camelia da entrada ao instituto e expón iniciativas feitas por mulleres contra a violencia de xénero.

Dende a ANPA envíannos información sobre o segundo reparto de rifas. Tedes dita información no arquivo adxunto.