Nos arquivos adxuntos tedes as listaxes provisionais de admitidos e excluídos no fondo solidario de libros de texto para o vindeiro curso 2018/19

• O prazo para reclamar as listaxes provisionais remata o 16 de xullo.
• As listaxes definitivas publicaranse o 14 de setembro.

No arquivo adxunto tedes o calendario de exames de setembro. Darlle duro este verán e xa veredes como aprobades.

Na seguinte foto tedes a Belén Montenegro Viñas, , Noel Suárez Barros e Marta Fernández Miller, alumnado do centro que se presentou aos Premios Extraordinarios de Bacharelato. Moita sorte aos tres.

Como sabedes, durante este curso estamos traballando sobre o Barroco. Pero que é o Barroco? Se facedes clic na foto de abaixo Diego Guisande volo contará dun xeito moi divertido.

O alumnado de Tecnoloxía de 4º ESO e o de Ciencias de 1º de Bacharelato asistiu a un obradoiro sobre a "Historia das telecomunicacións". Enviaron mensaxes utilizando o Código Morse, viron como eran os teléfonos que usaban durante a Primeira Guerra Mundial e que tecnoloxía utilizaban, analizaron os terminaís dos telefonos móbiles desde a xeración 1G ata a 5G... Tamén fixeron unha práctica con fibra óptica, comprobando como se transmite o sinal e como vai o cableado. Por certo, sabedes cal é a avaría máis frecuente nos cables submarinos de fibra óptica?

Como recordades, alumnado de terceiro de ESO e de 2º de bacharelato que cursa a materia de xeoloxía fixo unha excursión á Serra do Courel. Na anterior reportaxe pudestes ver as fotos que sacaron os profes. Pero o alumnado tamén ten o seu dereito e organizouse un concurso para seleccionar as mellores. Resultaron premiadas: Celia Alonso, Paula Fernándes, Sara Ferrín e Sabela González. Aquí tedes unha foto do acto de entrega de premios.

Nota: coméntase que as fotos dos alumnos foron mellores cas dos profes :))

Credes que as bandas deseñadas non teñen son? Os rapaces de 2º ESO do noso centro demostraranvos que estades equivocados. Se facedes clic en cada imaxe atoparedes un vídeo para que o comprobedes.

COMPOSICIÓNS DESCRITIVAS
FRASES PARA COMPOSICIÓNS NON DESCRITIVAS		COMPOSICIÓNS NON DESCRITIVAS

Como moitos de vos sabedes, os traballos da profesora de música do noso centro, Carmen Losada, conseguiron sacar do esquecemento á docente e pianista Sofía Novoa. Desde fai dous anos a Deputación de Pontevedra convoca os premios Sofía Novoa Ortiz, que tratan de potenciar a realización de traballos de fin de grao ou fin de máster nos que se integre a perspectiva de xénero. Na seguinte foto podedes ver á profesora Carmen Losada coas galardoadas deste ano.

Moitas veces os instrumentos musicais poden parecernos moi complexos, pero vos sorprendería o que se pode facer con obxectos de uso cotiá. Se facedes clic no cartel o veredes.

Alumnado de terceiro de ESO e 2º bacharelato que cursa a materia de xeoloxía realizou unha saída de dous días á Serra do Courel, onde puideron apreciar de primeira man os importantes aspectos biolóxicos, xeolóxicos e etnográficos desta singular paraxe. No seguinte vídeo tedes unha pequena mostra do que viviron os nosos rapaces.

O Courel from IES ROU on Vimeo.