Indicámosvos datas de interese respecto á entrega de notas e posibles reclamacións:

2º bacharelato:

• Avaliación + entrega de notas (Abalar + boletíns) + revisións de exames + entrega documentación ABAU extraordinaria: 22 de xuño (xoves)
• Matrícula ABAU: 23 de xuño (venres)
• Reclamación cualifiacións: 26 e 27 de xuño (luns e martes)
• Comunicación resolucións reclamacións: 28 de xuño (mércores)
• Reclamacións ante a Xefatura Territorial: 29 e 30 de xuño (xoves e venres)

No arquivo adxunto tedes os modelos de reclamación (dispoñibles tamén no centro).

ESO e 1º bacharelato:

• Avaliacións: 22 e 23 de xuño (xoves e venres)
• Entrega de boletíns de cualificacións: 26 de xuño (luns) de 10:00 a 10:30 horas nas aulas de cada grupo.
• Revisións de exames: 26 de xuño (luns) de 10:30 a 11:30 horas (despois da entrega de boletíns)
• Publicación dixital de cualificacións: 23 de xuño (venres) ás 21:00 horas
• Reclamación cualificacións: 26 e 27 de xuño (luns e martes)
• Comunicación resolucións reclamacións: 28 de xuño (mércores)
• Reclamacións ante a Xefatura Territorial: 29 e 30 de xuño (xoves e venres)
  

No arquivo adxunto tedes os modelos de reclamación (dispoñibles tamén no centro).

O pasado martes, 20 de xuño, celebramos a entrega de premios do Concurso Literario IES ROU 2023, iniciativa do EDNL e Biblioteca. O xurado, formado por Eliseo Martínez, Esther Quinteiro, Laura Pereira e Alexandra García, decidiu por unanimidade outorgar os premios aos seguintes participantes:

• 1° Premio Narrativa (categoría I): Eva Lomba
• 2° Premio Narrativa (categoría I): Tomás Rodríguez
• 1° Premio de Poesía (categoría I): Marianne Bouzas
• 1° Premio de Poesía (categoría II): Antía Fernández

Parabéns ao galardoado e galardoadas e ao resto de participantes polas súas creacións, seguide así!

Este luns o noso centro (representado polo director Pablo José Martínez Rodríguez) foi invitado polo señor Cónsul Xeral do Uruguai, Dr. Ramiro Rodríguez Bausero á Recepción no Salón Real do Hostal dos Reis Católicos de Santiago de Compostela, con motivo da celebración da Festa Nacional do Uruguai, que conmemora del 259º aniversario do natalicio do Prócer Nacional do Uruguai, xeneral José Gervasio Artigas.

A este acto acudiron numerosas autoridades politicas, culturais e socias tanto do Uruguai, como de Galicia e Asturias. Lembramos a toda a nosa comunidade educativa que hai 35 anos que o centro mudou o seu nome orixinal, Rosais I, polo actual, en conmemoración de todos os emigrante galegos e asturianos (mais de 40.000) que marcharon ao Uruguai en busca dunha vida mellor e alí formaron a súa familia.

Sendo este pais o receptor da maior cantidade de emigrantes galegos de toda América do Sur, non é de extrañar que en Montevideo exista unha Escola Galicia fundada por eles e que, moitos anos despois, os seus descendentes solicitasen ao goberno galego que un centro educativo representase a este Pais irmán. O nome actual do noso IES (e o Sol que atopamos polo centro) son as referencias claras e históricas desta relación intercultural e internacional tan enriquecedora.

Agadecemos dende aquí ao consulado do Uruguai esta invitación, a súa labor tan activa e o seu bo facer no mantemento destas relacións e que cada certo tempo visiten o noso centro onde serán sempre recibidos cos brazos abertos.

Indicámosvos as datas de matrícula, pregando que se respecten para unha mellor organización da secretaría do centro. O horario será de 9:00 a 13:00 h.

Recordade que os sobres de matrícula están á venda na conserxería para poder cubrilos comodamente na casa e vir con toda a documentación en regra.

• Matrícula 1º bacharelato: 26, 27 e 28 de xuño.
• Matrícula 2º bacharelato: 28, 29 e 30 de xuño.
• Matrícula 1º ESO: 3 de xullo.
• Matrícula 2º ESO: 4 de xullo.
• Matrícula 3º ESO: 5 de xullo.
• Matrícula 4º ESO: 6 de xullo.

O pasado venres celebrouse o acto de graduación do alumnado de segundo de bacharelato do curso 22/23. Foi moi emotivo e queremos revivilo nesta serie de imaxes (ao facer clic na imaxe despois xa pasa unha presentación).

A todos desexámosvos o mellor.

Álbum: Sen categoría -> Graduación 2º BAC 2023

Xa están a venda na conserxería do instituto os sobres para a matrícula. O prezo é o seguinte:

• Primeiro e segundo ESO: 3€
• Resto de cursos: 4€ (inclúe seguro escolar)

Coordinado por Dolores Solla do Departamento de Economía e co alumnado de 4º ESO de economía: Iago Álvarez, Gabriel Fernández, Iván Iglesias, Lucía Pérez, Irene Román, Uxía Soto, Emily Villegas.

O primeiro que fixeron foi ser conscientes da roupa que tiñan no seu armario para o que contaron o número de camisetas que tiñan e obtiveron unha media da clase dunhas 16 camisetas por alumno/a. 

Logo, dado que la maioría das fábricas téxtiles están en China, buscaron unha delas para calcular os quilómetros ata España, a os que engadíronlle os quilómetros do campo onde se produce o algodón, onde se tingue e onde se etiqueta.

Tamén buscaron o consumo de auga que supón producir unha camiseta e os pesticidas para os campos. 

Unha vez calcularon todo o consumo de CO₂ trataron de facer unha equivalencia entendible para que non se visen so números.

Todo o alumnado de 1º de Bacharelato participou nesta actividade, organizada pola profesora de Filosofía Mar Hospido, co obxectivo de afondar nos seguintes Obxectivos de Desenvolvemento Sostible: ODD1 (Fin da pobreza); ODD8 (Traballo decente e crecemento económico) e ODD10 (Redución das desigualdades). Cada grupo, por separado, reuniuse na Biblioteca do centro onde tiñan que organizarse en 4 grupos diferentes. Según representasen países con maior ou menor riqueza recibían una cantidade de material (cartulinas, tixolas, regras, lápices e fixo) e debían competir entre eles para ver quen lograba facer máis cubos de 8 cm en 50 minutos. Os grupos podían intercambiarse o material. A dinámica deixou en evidencia que aqueles grupos (países) con mais tecnoloxía tiñan unha clara ventaxa independentemente do esforzo e cualidades individuais, e que os alumnos/as dos grupos mais “pobres” cando por fin conseguían o material necesario para traballar o facían igual de ben que os demais. Durante a actividad fixéronse fotos coas que logo se montaron catro cubos, un por cada grupo de bacharelato.

O alumnado de 1º de Bacharelato, na materia de Bioloxía e Xeoloxía e coordinados polo profesor Rubén Borrajo do Departamento de Bioloxía, realizou unha análise da problemática medioambiental relacionada co consumo. Estudou como o actual modelo de comercio global e produción capitalista causa o deterioro do medio ambiente. Analizáronse os modos de produción, a produción alimentaria, o transporte, a deslocalización e o estilo de vida consumista propio das sociedades do primeiro mundo e o impacto ambiental derivado. Relacionáronse todos estes aspectos co incremento do cambio climático. Analizáronse 10 documentais e unha curtametraxe e realizáronse pósters explicativos deles.

Nos arquivos adxuntos tedes un resumo deste traballo.

Coordinado pola profesora Palmira Calvar, do Departamento de ingés. Durante unha semana o alumnado e o profesorado do ROU tivo a posibilidade de intercambiar roupa nun mercado orgaizado na ágora coa roupa que foron traendo nas semanas anteriores e pola que recibían vales para intercambiar por roupa no mercado. A roupa sobrante donouse a Cáritas de Teis. A actividade enmárcase dentro do ODD12 Producción e consumo responsable do noso PLAMBE "2030: unha odisea no ROU".