Durante estas 2 semanas, o alumnado do Ciclo Superior en Animación Sociocultural e Turística, logo de realizar unha enquisa entre o alumnado do IES para coñecer os seus intereses, porá en marcha unha serie de actividades dirixidas a dinamizar os tempos de recreo.

Achégase o cartel publicitario do Proxecto Recreate coas datas e actividades que propuxo o propio alumnado na enquisa.

Para máis información consultade os cartaces distribuídos polos corredores do IES, ou poñédevos encontacto co alumnado de 2º de Animación Socilcultural e Turística (Taller de Ciclo, Primeiro Andar, xunto ó Salón de Actos)

O Equipo de Dinamización da Lingua Galega do IES Primeiro de Marzo convoca unha Batalla de Recitado como conmemoración do 23 de febreiro, Día de Rosalía de Castro.

Está convocada toda a comunidade educativa, tanto alumnado como profesorado, persoal non docente e familias.

ANUNCIO CONVOCATORIA AXUDASLE 2024

Desde o servizo de Innovación e Programas Educativos comunicamos a todos os centros docentes sostidos con fondos públicos con ensinanzas en Bacharelato, que hoxe día 12 de febreiro foi publicada a convocatoria AXUDASLE 2024

Prazo de solicitudes aberto dende o 13 de FEBREIRO ata o 12 de MARZO (incluído)

http://www.edu.xunta.gal/axudasle

A citada orde, no seu artigo 11 establece o seguinte:

Artigo 11. Colaboración dos centros docentes na difusión e participación nesta convocatoria

1. A Consellería de Cultura, Educación, Formación Profesional e Universidades remitirá aos centros docentes información en formato electrónico, sobre o procedemento de solicitude e de adxudicación de prazas, para a súa difusión entre o alumnado obxecto desta convocatoria.

2. A dirección de cada centro docente arbitrará as medidas necesarias para que o contido desta orde sexa coñecido por todos os sectores da comunidade educativa e entregaralle unha copia dela ao Consello Escolar, ao Claustro, ás Asociacións de Nais e Pais (ANPAS) e, de ser o caso, ás asociacións de alumnado. Así mesmo, expoñeranse no taboleiro de anuncios a listaxe provisional e a definitiva de alumnado seleccionado.

3. O contido desta orde e a información complementaria atoparase na páxina web http://www.edu.xunta.gal/axudasle

4. As direccións dos centros docentes sostidos con fondos públicos facilitarán, na medida das súas posibilidades, ao alumnado interesado e/ou ás súas familias o acceso á aplicación informática correspondente a este programa.

Un cordial saúdo

Servizo de Innovación e Programas Educativos
Subdirección Xeral de Ordenación, Inclusión e Innovación Educativa
Consellería de Cultura, Educación, Formación Profesional e Universidades
Edificio Administrativo San Caetano s/n Bq. II - 2º Andar
15781 Santiago de Compostela

Na reunión mantida hoxe coa responsable da Axencia de Viaxes que vai xestionar a viaxe Fin de Curso de 4º ESO e 2ºFPB informouse da posibilidade de que cada alumno/a que o desexe pode contratar, de xeito persoal e individual, un seguro ante a posible cancelación da viaxe.

Acompáñanse os documentos remitidos pola axencia, lembrando sempre que se trata dun seguro OPCIONAL e que se xestiona directamente coa Axencia.

Documento 1: Causas de Anulación 

Documento 2: Condiciones Generales Seguro Base

Documento 3: Resumen Seguro Base 

Aquelas persoas interesadas en contratar este seguro deben contactar directamente coa Axencia, no teléfono de contacto que figura na documentación entregada na reunión. 

O alumnado de 2º FP Básica ven de recibir o 5º premio no I Concurso de Adornos de Nadal con materiais reciclados organizado polo Concello de Baiona.

 A participación neste concurso foi impulsada pola ANPA Balcaixa do IES Primeiro de Marzo, quen prestou en todo momento a súa inestimable colaboración.

Recoñecer así mesmo a labor do profesor Telmo Pera, quen coordinou ó alumnado no deseño e execución do seu premiado adorno de Nadal.

 Parabéns a todas e todos!   

  1º Poderá participar todo o alumnado do centro.

  2º A participación pode ser individual ou en parellas.

  3º O concurso consiste na elaboración dun podcast sobre algún dos

  cómics propostos polo Club de Lectura.

       Deberá ter formato .mp3/.wav, e unha duración mínima de 3 minutos e máxima de 5.

       Os martes, mércores e xoves de xaneiro, durante o recreo,  poderás utilizar a Radio para facer a gravación.

4º O podcast deberás envialo ao correo biblioprimeiromarzo@gmail.com indicando no asunto Concurso podcast Club de Lectura, e no corpo do correo os nomes do ou dos autores/as e como adxunto o podcast.

5º Data límite de presentación 31 de xaneiro.

6º Haberá un premio ao mellor podcast nas categorías: 

                        1º Ciclo da ESO

                        2º Ciclo da ESO + FPB

                        Bacharelato + Ciclo Superior

Aquí tendes as portas gañadoras do concurso.

• Categoría APALPADOR: Grupos da ESO e de FP Básica

1º Posto: 4º ESO-C, coa súa porta “Perillas Navideñas”

2º posto: 1º ESO-B “A Casa do Apalpador”

3º posto: 3º ESO-B “Percebiños. Nadal na Ría”

• Categoría CANTOS DE REIS: Grupos de Bacharelato e Ciclo Superior

1º Posto: 2º Bach A+B coa súa porta “Cartas axs profxs magxs”

2º posto: Empate entre 1ºBach-C “Abel Xenxibre” e 1º Ciclo Superior ASCT “Decoración Navideña”

3º posto: 2º Ciclo Superior ASCT “Duendes Tolxs”

• Categoría especial TIZÓN DE NADAL: Departamentos de Profesorado e Persoal Non Docente

 1º Posto: Departamento de Lingua Castelá + Latín coa porta “O Noso Nadal”

2º posto: Departamento de Servizos Socioculturais e á Comunidade “Un Nadal cheo de palabras-agasallo”

3º posto: Empate entre Departamento de Ciencias Naturais + Física e Química “Feliz Solsticio” e Departamento de Xeografía e Historía + Filosofí + Relixión “Nadal (con Corazón)”

Parabéns as persoas autoras das decoracións gañadoras, e moitas grazas a todos os grupos de alumnado, profesorado e persoal non docente que se animou a participar deste concurso!!

O noso IES resultou gañador do concurso iniciativas didácticas de tecnoloxía para os dereitos humanos no ensino secundario galego organizado por Enxeñería Sen Fronteiras.

A proposta consiste na reparación e actualización de equipos informáticos avariados ou obsoletos e retirados de uso, mediante a recuperación de compoñentes doutros equipos, de xeito que se lle dea unha nova vida útil.

Os novos equipos, que serán montados polo alumnado das materías do Departamento de Tecnoloxía, posteriormente serán distribuídos no propio IES así como entregados a entidades sociais da contorna, xenerando un impacto social na comunidade impulsado dende o noso centro de ensino.

Parabéns ó profesorado e o alumnado participante desta fantástica iniciativa.