COVID-19

Lembramos que é necesario que as familias realicen diariamente unha avaliación dos síntomas da COVID-19 do alumnado. No caso de atopar síntomas compatibles, pregamos que actúen tal e como se indica no apartado 2A.2 do Protocolo de adaptación ao contexto da COVID-19 publicado polas Consellerías de Educación e Sanidade: 

No caso de que se detectase sintomatoloxía compatible na casa, o alumnado non acudirá ao centro e el/ela ou a súa familia contactará inmediatamente co centro de saúde de referencia do alumno/a e con algunha das persoas membros do equipo COVID. Para a xustificación da ausencia, non será necesario ningún xustificante médico, abondará co comprobante dos/as pais/nais ou titores/as legais. As ausencias derivadas desta causa terán a consideración de xustificadas aos efectos do protocolo de prevención de absentismo escolar.

O IES Plurilingüe Pintor Colmeiro está preparando o inicio de curso para que a volta ás clases se desenvolva coas máximas garantías de seguridade sanitaria. Todas as actuacións deseñadas con ese propósito recóllense no Plan de Adaptación á situación COVID 19, que en breve lle será presentado á comunidade educativa. Ofrecemos agora algúns documentos de traballo que consideramos de interese:

• Programa de acollida.

• Enquisa epidemiolóxica. Este documento é unha guía para que as familias actúen en consecuencia. Non é preciso imprimila nin enviala.

• Declaración responsable das familias. Pregamos a entreguen no centro ou nola envíen ao enderezo electrónico matricula@iespintorcolmeiro.org

• Declaración responsable do persoal docente e non docente. 

• Planos de entradas, saídas e zonas de recreo.