No segundo recreo, tivemos un acto en memoria das vítimas da violencia de xénero, conducido polo alumnado de Música de 1º de Bacharelato.

Na entrada do Instituto o Departamento de Dinamización Lingüísta, coa colaboración do Equipo da Biblioteca e do Departamento de Lingua Galega, colocou un tendal (que simboliza os estereotipos de xénero) con lemas en contra da violencia de xénero e favor do empoderamento da muller. Na súa elaboración participou alumnado de 1º ESO, 2º ESO e 3º ESO.

O alumnado de 1º ESO visualizou curtas sobre violencia de xénero realizadas o curso pasado por alumnado do centro dentro do Proxecto Xénero Historias do Concello do Porriño e tivo un obradoiro de chapas nas que plasmaron lemas sobre a violencia de xénero.